لا بغيت اشكي
 

لا بغيت اشكي همومي لك واجيب *** ما بقلبي من هموم ومن عذاب
دايما ظني مع خلي يخيب *** وش انا بيدي مدام الظن خاب
في طبوعه شفت انا امر عجيب *** يخدعك ثم يعود في عتاب
كيف ينساني وانا منه قريب *** كيف يذكرني وانا بعد السحاب
من يصدق من هالشخص الغريب *** من يفاني في مطاردة السراب
غادري والله على غدره رقيب *** كل يوم له عشير فيه ذاب
عزة الخدعة عن عيني تغيب *** ساعة مرت على قلبي صواب
من فعاله صار قلبي قلب يستريب * شعر رأسي شاب في عز الشباب
دمعتي توقد على خدي لهيب *** والندم خلى حياتي في خراب
أثر هالغدار في شكله حبيب *** يظلم العاشق ويرجع ما يهاب
لا بغيت اشكي همومي لك واجيب *** ما بقلبي من هموم ومن عذاب

ماكو عذاب انشالله . واذا اكو لازم نقضي عليه . شكراا

تسلم على هالقصيدة الرائعة
من الصعب أن تحب شخصا و هو لا يدري بمعاناتك من أجله أو لا يقدر حبك
الله معك

لا جاتك الدنيا على عكس ماتريد
وتسكرت يا خوي في وجهك أبواب
ارفع كفوفك في آخر الليل تحديد
وأطلب من اللي ما جعل دونك حجاب
إياك تطلب يالوفي زيد وعبيد
لا زيد يدري بك ولا عبيد وهاب

شكرا لكل من رد والله يوفقكم جميعا