اللي يبي دكتور لعلاج الهلع بالكويت يدش
 

هلا ابو عليوي
ابو عليوي عندي شويت استفسارات 00 هل الهلع هو الخجل او التوتر انا تجيني نوبه اذا كنت في مكان مزدحم او داش علي دوانيه احس بالاحراج ومتوتر ودي بس بالطلعه هاذا يعتبر هلع 00 وابو عليوي الله يتم عليك العافيه يارب وكم جلسه عالجت عند الدكتور يعني كل اسبوع جلسه ولا شلون طريقتك معا الدكتور 00 ومشكور وجزاك الله خير

لا هذا مو هلع

هذا خجل-عزله-إنطواء

أنا والله تقريبا صار لي 10 جلسات

كل أسبوع جلستين

بس علاج الهلع يطول حيييييل

بس الله كريم

والله يابو عليوي اني من زمان افكر اروح لدكتور كاظم ابل حتا عنده موقع علي النت حاطه عندي 00 قبل فتره رحت لي حسن الموسوي بس كل ماجيته يكلمني ارتاح اشوي بس بحياته ماحطلي خطه علاجيه او قالي تعال الأسبوع اللي بعده0 تخلص الجلسه ويسلم علي من غير مايوصيني اجيله 00 اخر شي خليته 00 اتمنا اذا رحتلهم يحطولي خطه علاجيه 00 انا اعالج دوائي عند عصام الانصاري من 5 اسنين ومرضي توتر عصابي الادويه معاد لها نتيجه معاي 00 ابو عليوي الله يشفيك وياعفيك انت تعالج دوائي تاكل حبوب نفسيه ولا لا 00 واذا اي تاكل حبوب منو دكتورك 00 بصراحه افكر اروح عند عبدالله غلوم 00 والله يعينا ويشفينا اجمعين

أنا أعالج عند الدكتور رعد ((دكتور قوي حيييل)) بعيادة كاظم أبل

علاجي مو دوائي وما آخذ أي أدويه

اتصلت فيهم الحين والله شوي غالين بذات فتح الملف وسالت عنه وقالولي موجود 00 ما ادري سؤال اخير وادري ثقلت عليك 00 تعبان حدي ابو عليوي الله يعلم بالحال احس بضياع ماجربت الدكتور كاظم == ودي اعالج عنده انه صاحب المركز == فأي احسن بين الاثنين كاظم ولا رعد 000 شنو تنصحني فيه بينهم == وجزاك الله خير وبيض الله ويهك 0

و وجهك يالغالي

أنا جربت الدكتور كاظم جلسه واحده فقط
ما أقدر أحكم عليه

بس الدكتور رعد جربته حوالي 10 جلسات

ممتاز وله أسلوب خاص بالعلاج

ولكنه بطيييء بالمراحل العلاجيه ((لأنه دقيييق)) وهذا ممتاز بعلم النفس

هذا رأيي

بس يمكن يكون كاظم أحسن ما أدري

بس أنا مرتاح مع رعد

انت اخترت تغير دكتور كاظم ولا شنو اللي صار الدكتور كاظم حولك علي رعد 00 والله من زمان النيه لدكتور كاظم بس لما قريت موضوعك غيرت وجته نظري 00 شنو تنصحني فيه انت وبأمانه ؟ قاعد اكتبلك والله احس اني بعالم ثاني دايخ وتعبان من الادويه اللي اخذها محتاج استشير احد بعد الله يوجهني للمسار الصحيح والله كريم
مشكور علي تعاونك معاي اخوي عزالله ماقصرت الله يشفيك ويشفنا يارب 00

كم صار لك معاه بلضط؟ وغششنا عن بعض البرامج السلوكيه عفيه بو عليوي

بصراحه الحظ هو اللي خلاني عند الدكتور رعد

أنا كنت عند الدكتور كاظم أولزياره
الزياره الثانيه حولوني عند رعد وخيرني رعد قال لي تبي تستمر معاي والا ترجع حق كاظم قلت له أبي أستمر معاك (لأني حسيت إني مرتاح له)

جرب تتعالج عند رعد وإذا ما حسيت بتحسن خلال شهر أو شهرين غير وروح حق كاظم

العفو يالغالي
كلنا هلاعيين
عسى الله يشافي الكل

صار لي معاه 10 جلسات تقريبا

بالنسبه لمرض الهلع
حسب كلام الدكتور رعد
مو في كل الأحوال يحتاج لبرامج سلوكيه معينه
في حالات لها طرق علاج أخرى ((وأنا من ضمنها))

إنت روح عنده وجرب شهر أو شهرين وشوف

مشكور اخوي وماصرت الله يتم عليك الصحه والعافيه وعلينا جميعا ان شاء الله

حياك الله
عزيزو غالي

أبدا

ما صرف لي أي علاج
لأن حسب كلامه علاجك ليس بالدواء (لأن الدواء مسكن مجرد ما توقفه كم يوم ترجع الحاله مثل أول ويمكن أقوى)
يقول علاجك بالتداعي (التذكر والدخول للعقل الباطن و عمل تسويه نفسيه مع من أتعبك أو مع الشي اللي أتعبك)