تعالوا يامهلوعين اقلطوا هنا وبتطلعو مبسوطين باذن الله
 

السلام عليكم ورحمة الله وبركاته

مبارك عليكم الشهر <<<< بدري


للاعضاء الجدد اللي مايعرفوني والاعضاء القدامى اللي يعرفوني

اسمي سابقا كان (المعتبر) طبعا يلقبوني الشعب شيخ الهلع

انا اكثر انسان شقلبني الهلع ولعب فيني لعب والحمد لله ان شاء الله تخفيف ذنوب
الزبده اني تشافيت ولله الحمد عشت ايام عمري طلعات روحات جيات سفرات وكل شي

وكتبت مواضيع كثيره ونصايح كثيره تلقونها هنا بس مادري في اي صفحه

بصراحه انا اتابع الاعضاء ومواضيعكم من فتره لفتره

واحب اقووولكم وبالخط العريض ((باذن الله بتتشافون وتنسون شي اسمه هلع ووساوس وكلام فاضي))


لاني ماتوقع انسان مر بحالتي انه راح يتشافى وهذا انا الحين اكمل السنه الثالثه وانا بخير وصحه ولله الحمد



عليكم بالرقيه يا اخوان (اسال مجرب ولا تسال طبيب نفسي مايدري وين الله حاطه)

والله ان الاطباء النفسيين فاهين في هالحياه مايدرون وين الله موديهم

العلاج في الرقيه يا اخواااااان طيعوني لو مره بس:biggrin:

على كثر مانصحت بس للاسف القى معارضين

الطب النفسي وبكل اسف ((طب الضعوي))<< بلهجة اهل الرياض


عاد لا تسالوني وش الضعوي :biggrin:


المهم اعيد واقول لا تخافون ولا تشيلون هم ورب الكون وبامره وارادته سبحانه بتشوفون العافيه



هذا اللي عندي وحبيت اقوله


دمتم في حفظ الله حبايبي

الله يتمم عليك الصحة والعافية ويكتب لنا الشفاء جميعآ عاجل غير آجل

مشكور والله يديم عليك الصحه والعافيه بس لامانع من الجمع بين العلاج بالقران والادويه النفسبيه

فينك يا حياتي كلها لله طولتي الغيبات...........اخبارك

يعطيك العافية أخي و الله نصيح ممتازة و فعلا أنا كمان عن تجربة شخصية جربتها شكرا بتخفف من الهلع

انا بجرب الاثنين
ياذن الله ربي بيشفينا
مشكور اخوي بارك الله فيك

يا اخي ليه انت بخيل كدا يعني ربنا انعم عليك بالشفاء وانت زقت الهلع يعني تعرف اسوتة ومرارة الحياة معاه قلنا كيف تخلصت منه بالضبط يعني كيف كانت الرقية وما هي الاعراض اللي كنت تحس بيها قلنا بالتفصيل فنادرا ما نلاقي اخ لنا تشافي كلهم هنا محتاجين اي امل

جراكم الله خير على دعواتكم الطيبه


يارب افرجها

حطيت مواضيع وكل شي وانتي الله يهديك تقولين بخيل


على العموم فالكم العافيه ان شاء الله


هذي قصتي مع النوبات

http://nafsany.cc/vb/showthread.php?t=47820


وهذي طريقة العلاج

http://nafsany.cc/vb/showthread.php?t=51786




اتمنى لكم الشفاء العاجل

يرفع للفائده

الله يذكرك بالخير بالمعتبر
والله مانسيتك وانك على البال
الحمد لله على سلامتك يعلم الله اني فرحت لماسعت انك تشافيت وبخيررر وصحه
الله يديم عليك لباس الصحه والعافيه يارب
ابشرك انا بخير ولله الحمد وتشافيك ومثل ماقلت الرقيه والقران هو علاج المسلم بأذن الله
لكن لاتنسى الانسان هو القادر بعد الله على علاج نفسه في مثل هذه الاضطرابات النفسيه قادرين نتعامل معها ونعرف كيف نتجاهلها ولانعطيها وجه
لإننا مرينا بتجربه اكثر من 4 سنوان ومرت عليها ايام مريره من الخوف والقلق والهلع والوسواس والسهر والمستشفيات والتوهم الى خخخخخخخ
لكن الانسان المصاب بمثل هذه الاعراض انت تعرف كيف تبداء مع نفسك اكيد في البدايه لابد تكشف كشف كامل وتحاليل كامله لكي يطمن قلبك ان سليم من الامراض المزمنه كفانا الله شرها
وانا انصح الكثير بتجربه وانا اعرف اكثر االاخوان يمرون بأعراض ووسواس واولها وساس القلب لما يدخوخ او يتعرق او يحس بألام بالصدر اول مايقول قلبي فيه شئ
اذا حسيت بمثل هذه الاعراض اول ماتفعله المشئ امش ربع ساعة وااذا انت قادر على المشي ولاحصل لك شئ من دوخه او كتمه او تضاعفة مع الاعراض اعرف ان قلبك سليم وان سليم بأذن الله
اللي نعاني منه ياجماعة خير هذه اوهام في اوهام فقط
هاجمتنا النوبه الاولى ومرت بسلام واللي بعدها مرت بسلام
اعرف ان كل النوبات اللي تهاجمك سوف تمر بسلام مثل مامرت النوبات اللي قلبها
اسئل الله العلي القدير ان يشفي جيمع مرضى المسلمين
والكلام بهذا الموضوع كثير جدآ وتعبت وانا اكتب لكن لي عوده بأذن الله
والسلام عليكم ورحمة الله وبركاته

هلا بالمعتبر الحمدلله الذي من عليك بالشفاء وانشالله احنا وباقي المسلمين والمسلمات

اشكرك على كل نصائحك القيمة وباذن الله راح اطبقها