|
شجاعه
الحمدلله تشجعت وتحاملت على نفسي وقلت للعيال يالله نبي نروح للمنطقة الشرقيه وسافرنا عن طريق البر صحيح جت نوبة الهلع ولكن على خفيف وانا اقاوم واقول لنفسي انا الان على الخط السريع خط الرياض الدمام ولا معي الا حريم وطفل صغير يعني مافيه الا انا والا اقعد بها مع النوبات وفعلا الحمدلله بعون تغلبت على جميع الافكار وصلنا الخبر وخذنا شاليه بمسبح وسبحنا وانبسطنا صحيح مزاجي ماهو علي الكيف لكن مشت الامور نص نص لكن احسن من اول لااستطيع السفر قبل شهر وشهرين ولا احب الخطوط الخارجيه ن المدينه وانشاءالله من حسن الى احسن
اخوكم ماوردي |
ماشاء الله . . انت بديت تتشافى بأذن الله . . . جزاك الله بتمام الصحه
|
أسأل الله أن يمتعنا وإياكم ببرد السكينة والعافية والراحة
طيب أخوي ما شاء الله إنجاز ياليت تتكرم وتكتب لنا قصة المواجهة بالتفصيل يعني كيف كان وضعك قبل السفر؟؟؟ وكيف كانت اللاواقعية معك في أثناء السفر؟؟ وكم مرة جتك النوبة؟؟ وكيف قدرت تشتت تركيزك عنها؟؟ جد محتاجة إفادتك الله ينفع بك |
اقتباس:
|
اختي مطمئنه الله يطمنا واياك باسمه
افيدك واخواني اني طوال الايام اللي راحت وانا غير مركز كاني ضايع وكل وقت انتظر شي يصير لي من موت او اغماء وتجيني رعده او نفضه او سميها صعقه كهربائيه يهتز جسمي كله وتاتي هذه الرعشه اذا تماديت وسترسلت في الافكار السلبيه ولكن بفضل حاولت جاهدا ان اتناسى هذه الافكار عندما تاتيني اقوم من مكاني واشغل نفسي باي شي حتى لو امسك لي الماء وارش الحوش او اقوم بتنظيف سيارتي او اصلاح لمبات المهم انشغل عن الاسترسال بالافكار لاني مع تكرار النوبات تقريبا كل يوم ولم يحصل اي مكروه اقتنعت انه افكار لااقل ولا اكثر ومع التجاهل يوم بعد يوم خفت الحاله من يوميا الى يوم ورا يوم ثم بعد يومين وكنت لااخرج من البيت واذا خرجت لااخرج الا بمرافق اخاف يجيني شي وانا بعيد عن البيت وكنت لااحب السفر واستنت بالله وسافرت عن طريق البر وكل ماجتني الافكار في الطريق انه سوف يغمى علي اتشاغل عنها ولا اعيرها اي اهتمام واقرا القران مع الحذر في الطريق والحمدلله مع العلم انني لااستعمل اي علاج نفسي وقد وصف الطبيب مضادات القلق والاكتئاب والهلع واستعملتها ابوع واحد فقط ولم ارى فائده منها وتركتها مع العلم ان مفولها لايبدأ بسرعه ولكني لااحب الادويه لاانسى ان اقول لك انني كنت مواظب على الرقيه الشرعيه يوميا اقرأ على نفسي وقراءة القرآن يوميا جزء ولازلت والحمدلله مواظب على ذلك الله يشفينا جميعا واخواني واخواتي في المنتدى اخوكم ماوردي |
مشاء الله تبارك الله
انجاز رائع اخوي الله يتمم عليك الصحه والعافية فعلا لازم علينا جميعا نتوكل على الله ونواجه الموقف والنوبه قد مانقدر ومايصيبنا اليأس والاحباط |
اهنيك اخوي ماشاء الله تبارك الله
انا اخوووي ودي اسوي زيك بس الان بادي اروح مثلا ديرتنا لوحدي وهي تبعد عن الرياض 150 كيلو وجتني الحاله لاكن الحمدلله اسلي نفسي بسماع الاناشيد واجلس انشد واشيل شيلات وانا الحمدلله مااسمع اغاني لان الاغاني كدر وان شاء الله نسافر مكان ابعد واحنا مرتاحين وووووواصل ننتظر جديدك يابطل |
اخوي ( لمن دامت) واصل على المواجهه ورح لاي مكان حتى لو كنت خايف وجت النوبه مره مرتين وتروح باذن الله بس الدعوى تبي تطنيش وعلى قول المثل ( طنش تعش ) وماتشوف شر
|
أكيد اخوووي طنش تعش تنتعش
بنتظار جديدك |
الله يديم عليك الصحة والعافية على طول
|
امين وعليك وعلى جميع الاخوان والاخوات يارب العالمين
اخوكم ماوردي |
مبروك وان شاء الله يكون ذلك عونا على طاعة الله وشكرا له على ان اخرجك من هذا العذاب اسال الله ان يشفي الجميع |
الله يبارك فيك وعقبال الجميع انشاءالله انه سميع مجيب لايعجزه شي في الارض ولا في السماء
|
مبارك عليك اخوي ان شاء الله دوم الصحة يا رب و العافية
أمين يا رب |
الله يبارك فيه وينعم علينا وعليكم بالصحه والعافيه امين يارب العالمين
|
| الساعة الآن 11:21 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا