نصائح
 

بسم الله الرحمن الرحيم
فالبدايه اول مادخلت المنتدى وعرفت ان مو بس انا الى مصاب بنوبه هلع وان كل الاعراض الى تصيبنى من خوف وذعر .....الخ اترحت انى عرفت ان هذى اعراض نفسيه بس المشكله لما دخلت وتعمقت بالمنتدى وكل ما اقرى اعراض احد مثلا ان يجيله تنميل او احد اغمى عليه او وجع فالصدر وانا ماكانت فينى هالاعراض بديت احس ان راح تجينى هالاعراض وفعلا بدت هالاعراض تجينى بمجرد ماقريت ان فى احد صارتله هالاعراض لانه اقول حق نفسى مدام هالاعراض مرو فيها اكيد لازم امر فيها انا بعد وصارت تجينى هالاعراض انا صارلى سنه مع الهلع بس بدت تزيد وصارلها شهرين زايده حيل انا صارلى شهر ماتفارقنى
بس الى اتمناه ان الى يقرى مشكله احد بالمنتدى لايعتقد ان كل الى تعرضله هالشخص لازم اهو بعد يتعرضله انا مره قريت ان فيه ناس فكرت ودها تموت وانا ماوصلت لى هالدرجه الحمدالله بعدين بدت هالفكره تراودنى وقلت ان مدام اهو وصل لهالدرجه اكيد انا راح اوصل لهالدرجه لانه مرضنا واحد بالعكس اذا انت ماتفكر بهالافكار لا تخليها تزيد على الاعراض الى تجيك وطلب من الى يكتبون مواضيع حاولو تطمنون الى يقرون ليش نخرع بعض انا قريت ان واحد صارله 25 سنه مع المرض والله صار فينى اكتآب لانه ممكن الواحد يطول كل هالفتره بالعكس مو كلنا مثل بعض ولا ضروفنا متشابها وفيه ناس اهلهم تساعدهم وفيه ناس لا وفيه ناس يقدرون يتعالجون وناس لا الى بيقول مشكلته ياريت يضيف معاها شويه من التفائل للقارئ واتمنى الشفاء لنا جميعا ولكل المسلمين يارب
واسف على الاطاله