ثلاث خطوات فقط لايقاف نوبات الهلع
 

السلام عليكم جميعاً
هذه الخطوات مجربة وفعالة ... وهي اجراءات معتمده في مجال الطب النفسي للتخلص من نوبات الهلع.. وانا جربتها ولله الحمد قدرت اتخلص من نوبات الهلع ..جربها ماراح تندم ...
انا راح اتخيل سيناريو بداية نوبه بعد كذا راح اشرح بالتفصيل كيف تتعامل معاها ..

موقف او خبر او حدث سببلك خوف ... وبديت تحس باعراض النوبه .. تدفق الهرومون بجسمك ... وبديت تحس بحرارة داخلية ... ورعشه ... وخفقان .... وكتمه ... الآن وش تسوي؟؟

1- لاتحاول تتهرب .. او تتجنب الازمه .. ولاتحاول تشتت ذهنك .. ولاتحاو تشغل نفسك..
الآن راقب وش قاعد يصيرلك من الداخل .. تخيل الاعراض هذي كانها جسم غريب دخل جسمك وانت تراقب ... لاتقاوم شعورك بالخوف .. خل مشاعر الخوف تاخذ مجراها .. تقبلها... ممكن تفرز هرمونات .. برضه لاتقاوم امش معاها وتقبلها .. وكرر هالجمله في نفسك .. شوية قلق ويروح .. بعد عشر دقايق تقريباً راح تبدا تتلاشى مشاعر الخوف....

2- شف مكان هادئ واستلقى ... وابد باخذ نفس عميق من بطنك لمدة ثانيتين تقريباً وطلع النفس بسكل بطئ لمدة اربع ثواني تقريباً .. كرر التنفس بها الطريقة لمدة عشر مرات ... تحتاج تسوي الاجراء هذا عشان تعوض كمية الاوكسجين الي فقدها مخك خلال الازمة ويرجعلك توازنك الطبيعي ....

3- لان نسبة هرمون الادرينالين بجسمك عالية .. ومعروف عن الهرمون هذا انه منشط ومحفز ... فتحتاج انك تتخلص منه ببذل جهد بدني ... مارس رياضه .. او اي عمل منزلي .
اهم شي تخلص من الهرمون هذا ببذل اي مجهود عضلي ...

بعد كذا را تستعيد توازنك ... بس تبقى مشكلة الي هي مشاعر الاحباط والاكتئاب الي تجي بعد الازمة ... لكن برضه هذي لها حل .. انشاء الله راح اكتب موضوع ثاني كيف تتخلص من المشاعر هذي بعد النوبه ..

تذكر اخي القارئ ان اعراض الهلع زي الكابوس كلما هربت منه راح يلحقك ...وراح يزيد خوفك ... الحل دائماً هو المواجهة اولاً ... ثم القبول .. ثم الرضى

.

يسلمك ربي
يااارب اشفني وثبتني عند الخوف ياااااااااارب

مشكور أخي الكريم وجزاك الله خير

شكرا ع الموضوع

بارك الله فيك اخي و جزيت خيرا في الدنيا و الآخرة