تكفون ساعدوني
 

انا تعبني الوسواس كل يوم اقول اني بموت واي شي اسويه اقول اليوم بموت اضحك اخاف اطلع اخاف وربي من تسعه شهور وانا به الحاله والحاله كلما له تزيد اقرى قران ومحافظه على صلانتي وصرت ادعي واستغفر كثير واصلي اليل وكل يوم اقرى سوره البقره بس هالتفكير ماراح مني بعض الاحيان اذا جتمعت مع احد احس اني بدوخ ومعد اركز ابدا باي شي اذا فكرت ببكره تجيني ضيقه واخااف بعض الاحيان تجيني حاله غريبه احس اني بموت وامشي بسرعه كان احد وراي ودايم هالضيقه معي والحين وربي تعبت الحياه سودا طلعت ودايم ابكي واكثر شي تجيني بالصباح من صار له زي حالتي وتزيد اذا صار عندنا مناسبه يزيد الخوف حتى اذا كلمني احد اقول ليش يكلمون اكيد بموت اليوم ابي حل تكفوووون وهل الدكتور النفسي فيه فايده لاني افكر اروح بس خايفه لان يقولون الحبوب ادمان

ولا احد رد

اختى اموله ماعليج الا العافيه ان شاء الله اولا هدى اعصابج انتى الحين تعبانه وتبين اى حل عشان ترتاحين بس ممكن نسال شويه اساله عشان نقدر نفيدج واحب ابشرج انا من الناس الى كنت مثلك واكثر منج بمراحل والحمدالله اا الحين متشافى عقبالج
ممكن تقولين العمر والحاله الاجتماعيه وشلون بدت الحاله معاج والاعراش المصاحبه

كلنا هنيه معاج لاتخافين والكل بيتفاعل معاج

عمري 23
بدات الحاله من فتره طويله تعبت فلونزا عاديه بعدين دخلت على النت صار اي شي احس فيه من مرض ادخل اسئل عنه وصرت اخاف من اي الم سويت تحاليل والحمدلله سليمه وسويت تخطيط قلب وسليم يوم عرفت اني سليمه جاني تفمكير الموت كل يوم احس اني بموت بدرجه اني اذا فكرت ببكره خفت وزاد خوافي صارت نظرتي تشاوميه واي كلمه صرت افسرها اني بموت لو احد كلمني قلت هاذي اخر مكالمه عكس اول كنت اطلع ومافكر به الافكار صح تجيني بس تروح وجلست الحين بالبيت انعزلت صرت اخاف اطلع لناس اخاف اموت عندهم واذارحت لسوق طلعت بسرعه اخاف اموت فيه اول انا اجتماعيه الحين
صرت ممله حتى الي حولي ملو مني بس موبيدي هالشي واذا جلست مع احد اورحت السوق تجيني دوخه و
ماركز كل تفكيري مووت

السلام عليكم

كيف حالك أختي الفاضلة

في حالة أستبعاد أي مرض عضوي ( سويتي تحاليل وطلع سليم كل شيء ) لا مانع من زيارة الطبيب النفسي

عندكِ فوبيا ( ودائماً الخوف من أعراض الهلع )

أهم شيء تزوري دكتور نفساني ممتاز

عفاكِ الله

مشكور اخوي بس اخاف اخذ حبوب واتعود عليها

شوفى اموله اولا الحين كل الاعضاء بيدشون ويشاركون والكل بيعطيج نصيحه من خلال تجاربه والكل بيحاول يساعدج قد مايقدر وان شاء الله بتستفيدين
اما انا بقولج نصيحتى
بهالمنتدى الى تشافو ولله الحمد تقريبا 4 انا والاخ عبادى والاخ ماوردى وصلاح عبدالله على ما اعتقد الاسماء صحيحه المهم كل هالاشخاص الى تشافو بدون دواء
لاتستعجلين اختى لموله انا كنت اخاف ادش الحمام عزج الله عشان خايف اموت بالحمام والله ادش واطلع بسرعه ابى الحق قبل لا اموت :) اذا صليت قلت اى بس هذى اخر صلاة لى واذا سلمت على اهلى وقتلهم تصبحون على خير اوسوس واقول اى انا سلمت عليهم لانى اخر مره بشوفهم هالوسواس كلنا كان فينا
بس انا الحمدالله الحين مافى مكان ما اروح واطلع وارجع ونسيت هالسالفه 90% واكثر
بس ترى ماكو حل سحرى عشان تتشافين بسرعه بيوم وليله راح تتعبين شويه بس بالاخر راح ترتاحين اول شى اا انصحج بدكتور نفسى بس دكتور موتروحين ويعطيج علاج وبس لا شوفى دكتور علاج سلوكى لانه الدواء اختى اموله مثل المسكن مايحل المشكله بس ياجلها لانه الى عندنا افكار مو مرض عضوى فهمتينى لازم نغير الافكار السلبيه انا ادرى انج فاهمه ان الموت حق وكلنا بنموت الخ الخ الخ بس الى متعبج التفكير فيه ومتى وشلون هذا تعب حياتج وغيرها واذا ماتبين او ماتقدرين تروحين لدكتور نفسى خلج معانا هنيه وصدقينى ان شاء الله بتتشافين صدقينى الموضوع سهل جدا ومو صعب بس يبيلج اراده قويه عشان تقدرين تغيرين الافكار السلبيه الى انتى فيها
انتى من اى بلد اختى اموله

مشكور على النصيحه وان شاءالله استفيد
انا من الرياض

ومنو قالج اخذى حبوب بالعكس انا بالنسبه لى ضد الحبوب ما احبها ولا اخذتها ولله الحمد ترى العلاج مو بالحبوب وبس بالعكس لوقدرتى تتعالجين من غير حبوب ماراح يرجعلج المرض ان شاء الله نهائيا شدى حيلج وابدى معانا رحله العلاج السلوكى وترى بتحسين بتحسن سريع جدا وهنيه فى ناس كثيره خبره مثل اخونا الشاكر مايقصر مع احد
احنا راح نعطيج طرق شلون تتخلصين من الافكار السليبه بس لازم اطبقينها حتى لو راح تتعبين بس طبقيها
واى سؤال او استفسار قوليه كانل هنيه فخدمه بعض لاتستحين وقولى الى تبينه كلنا كنا مثلج فالبدايه

والنعم فيجي اختى
اولا اخى اموله ياريت تسمعين الكلام والنصائح يارييييت اطبقين الكلام الى نقوله لج هنيه الى راح اقولج تسوينه ترى بيتعبج شويه بس راح تتغلبين على افكارج
ماقلتيلى اختى انتى موظفه ولا تدرسين ولا قاعده فالبيت وشلون تقضين وقتج

اختي امولة
 

اختي امولة
لايضيق صدرك ترى الوضع طبيعي هذي اعراض الخوف والوساوس
انا من اكثر من 20 سنة معاناة
وانصحك تراجعين طبيب نفسي
فيه اطباء جدا ممتازين في الرياض
وراح ان شاء الله ترتاحين وتحسين بطعم الحياة خصوصا انك لازلت في بداية عمرك
ولازم تقطعين هذي المخاوف من بدايتها عشان ما تتطور

والعلاج او الحبوب ما هو شرط تستمرين عليه راح يكون فترة لين تتحسن امروك وان شاء الله تتركينه

واحتمال تحتاجين علاج سلوكي لضمان عدم رجوع الاعراض

اللهم اشفي مرضى المسلمين

هلا والله لا موموظفه جالسه بالبيت ودايم اجلس بغرفتي اقضي فراغي ياعند التلفزيون ولا النت

ممكن طيب الي عنده دكتور نفساني يدلني عليه

أخواني ممنوع وضع أي إيميل

أخي ليمو الرجاء عدم كتابه البريد الإلكتروني أذا سمحت يا أخي الكريم