أبى رايكم اخوانى
 

ارجو من الى يقرى الموضوع يشارك لانه المشاركات مهمه يا اخوانى
انا مثل ماقلت يا اخوانى انى الحمدالله تشافيت اكثر من 90% بس اليوم ضايق صدرى ومتملل ومالى خلق شى كلش مو حاس بخوف ولا خايف من الموت ولا اعراض الهلع بس صج ايق صدرى حاس بالزهق والملل هذا طبيعى ان بعد ما الواحد يتشافى ولله الحمد يحس بالملل واكتآب ولا اهو ملل عادى لانى اليوم ماطلعت من البيت لانه خربانه سيارتى مو لانى ما ابى اطلع بس والله متملل حيييل

مع الشكر لكم جميعا

طبيعي كل واحد تجيه حاله ملل وطفش بدون سبب
انت اشغل نفسك اجلس مع اهلك افتح النت ودور على مواضيع تحبها

شاكر مرورج الكريم اخت شوشو

مشكور اخوى ماوردى انا والله من اختلى بنفسى يضيق خلقى لما اشغل نفسى الحمدالله الامور تمام بس لابد يحوشك وقت فراغ ماتقدر تملى وقتك كله
الله كريم

أخي الكريم دائم أنك تقول نسبه الشفاء 90% يعني مفروض الضيقة هذة ما تكون موجودة

وباقي معك 10% بالمئه أتحملها يا أخي سهلها تسهل هههههههههه الله يعطيك العافية

كلنا اخوي احيانا تجينا حالات زهق وطفش وملل وماندري من ايش
طبيعي ان شاء الله بعدين على قولتهم العافيه حبه حبه
الله يتمم عليك شفائك اخوي ويشفينا جميعا

عادي عادي يالغالي
الطفش وضيقة الصدر هذي حالة عادية اهم شيء لاتفكر انها نوبة او شيء مثل كذا علشان لاتكبر السالفة
كل الناس يطفشوا ويملوا
اطلع برا البيت وونس نفسك او العب قيم بلياردو عن طريق النت والله انا كل ماطفشت ادش والعب قيم واستانس ههههههه المهم اشغل نفسك يالغالي لاتجلس فاضي

والله ياجماعه طلعت وسويت كل شى شغلت نفسى بس الملل للحين مليت من الملل زهقااااااااااااااااااااااااااان والله مادرى شسوى

هلا اخوى ليش لا انا من الكويت

هههههه والله ياخوى الكويت والسعوديه عز الله انى اعتبرهم واحد لكم جمايل محد ينساها اتشرف اكون من السعوديه
اى حنا حرف الجيم مقدس عندنا ههههههههه مشكور اخوى على مشاركتك بس اشوف المنتدى يصفر ماكو احد ولا مطنشين