18 عضو موجودين حاليا
 

18 عضو موجودين حاليا وكلهم منتظرين موضوع جديد
انا اخلى هالصفحه عشان الكل يدخل وينصح نصيحه لباقى الاعضاء
احنا كل واحد فيه مشكله انا بالنسبه لى تخلصت من اعظم مشكله وهى القلب والخفقان قدرت اتخلص من هالمشكله بسبب انى ما احط ايدى على النبض ولا اشوف سرعه نبضات القلب والى يبى يتخلص من هالمشكله يسوى نفسى
اما الى موقادر اتخلص منه القلق يجينى بين فتره وفتره
ارجووووووووووووووووكم يا اعضاء شاركو

ههههههههههههههههههههههههههههههههههه
محد له خلق

الحمد الله علي كل حال

زين احد شارك انت عضو جديد غاده اهلا فيج معانا
ان شاء الله بترتاحين وبتلقين مساعده بالمنتدى واذا حبيتى اى استفسارات احنا جاهزين او تفضفضين
الكل ان شاء الله بيساعدج

يسلمووو كلك ذوق.... والله انا كفاية اسمع هموم غيري علي طول ارتاح واقول الحمد الله علي كل حال

انا والله ما ارتاح الا لما افضفض انتى بس تعالجتى سلوكى يعنى منتضمه مع الدكتور النفسى

احد يفسر الحمدالله لاخايف من الموت ولا خايفمن مرض وقلبى ما المسه ولا اقرب صوب دقات قلبى نهائيا يعنى ما ادرى دقاته سريعه ولا لا فمو خايف من قلبى ولا شى بس المشكله خايف من شنو مادرى وضيقه وحراره بنص صدرى ياجماعه زهقت والله صارلى 3 ايام ومليت افرجها يارب

شفيكم ياجماعه محد قال كلمه ليش داشين المنتدى احنا والله ما ارتاح الا لما تصير مشاركات وكلامكم يخفف عن الواحد الله يشافينا وياكم يارب
مشكورين

صبحك الله بالخير يالغالي اخوي لاتفكر في هاالاعراض طنشها اشغل نفسك باي شي اقراء قران تابع التلفزيون اقرا جرايد صدقني بتحس براحه الواحد مننا اذا جلس يدقق بكل شي بيتعب هونها وتهون اخوي
والله شيفيك ويشفينا جميع

بيض الله وجهك ياتركى الواحد مايبى الا احد يخفف عنه جزاك الله خير ويشافيك يارب ماقصرت ياخوى

احنا نكمل بعض اخوي

والواحد اذا اشتكى يحس براحه واذا حس انه فيه ناس مثله هالشي يطمنه وانه مو لحاله مبتلاء الحمد لله على كل حال

اى والله بالظبط هذا الى كنت اقصده الله لايورى احد هم ويشافينا يارب

امس 18 عضو والكل ساكت والحين 21 عضو ومحد هم يتكلم الكل ناطر موضوع عشان يشاركون
ودايما المواضيع تكون شكوى من الاعضاء الى خايف والى فيه نوبه
وانا واحد منهم طبعا
بس خلونا نقول اشياء مفيده شى تفائل شى حلو كلام يطيب الخاطر
وادرى بعد ما اكتب محد راح يشارك بس هم بكتب يمكن تشاركون
قولو كلام يفرح او تجربه جيده او نصيحه حلوه
شافانا الله واياكم