مادري كيف أوصف لكم شعوري وقتها...
 

اللهم لاإعتراض....


ياناس يابشر ياعالم وربي تعبت قاعده ابكي...استغفر الله العلي العظيم..


قبل فتره استمريت اقرأ قرآن وادعي وأصلي الليل والتزمت اكثر ولله الحمد...وتركت الأغاني والأفلام والمسلسلات والمعاصي كلها تركتها عن قناعه...وتبت لوجه الله....مو عشان الرهاب....

والحمدلله خف الرهاب كثيررر...والله حسيت بطعم للحياه ...حسيت اني عايشه...حسيت اني اقدر اعالج نفسي.... والله فرحت كاني كنت ضايعه ولقيت نفسي....كاني كنت ميته وحييت.. حسيت اني إنسانه ...مادري كيف أوصف لكم شعوري وقتها...


واليوم صارلي موقف مو قادره انساه من الصبح وان أفكر فيه وقاعده آكل في نفسي حسيت اني رجعت لنقطه البدايه ورجعت في دوامه الرهاب ويافرحه ماتمت.......موقف مدري وش اوصفه ولا اوصف شكلي الغبي ...ولا نظرات العالم لي...آآآآه من هالنظرات اللي تحسسني اني ولاااا شي اني اقل منهم اني ناقصه عنهم...والمووووت اذا كانت نظرات شفقه ....

آآآآآآآآه يارب رحمتك....أحس أني تحطمت معاد أقدر أكمل ...ولا أقدر افضفض لأحد ...ولاأشكي لأحد ...على الأقل أنتم ماتعرفوني أقدرآخذ راحتي....

يارب وين أروح ابي أختفي ابي أهاجر....

اختي كلنا في الهوا سوا

اختي الغالية

سجينة اهدي شوي

واقولي اعوذ بالله من الشيطان

وثقي تماما اننا في انتظارك

لتبوحي بما يؤلمك

وكلنا لك اذان صاغية

نشاركك المك

ونضمد جراحك

فكوني بخير ياغالية

خطا كبير ماتقومي به وتذكري ان الوضع لايحتمل ان تضغطي على نفسك اكثر من الازم

معاملة نفسك بشكل قاسي ليست حل

ممكن تذكري لنا طبيعة الموقف اللي تعرضتي له هل هو مخيف محزن محرج

الناس لاآيهموونك حاولي تقنعي نفسك دائما .. اذذا الناس تستحقرك اقنعي نفسك .. واذا استحقروني وش بيصير واذا قالو لي شي وش رح يصير بموت مثلا .. قولي واذا خفت منهم واستحيت بجيب نتيجه ؟؟ لا طبعا .. خلي عندك قناعاات بداخلك ان الناس ماتسوى كل واااحد عايش حياته طول وعرض ولا همه احد ابددا .. يعني الأشخاص اللي كانو قدامك لما صار لك الموقف اكيييييد نسو الموقف وعددوه لأن الناس بس تجرح وتروح وتنسى .. وحنا مو واجبنا وعلينا ان حنا ننسى المواقف الشينه .. انــــسي ان فيك شي من الخوف من الناس ولليس رهاب وعيشي حياتك واذا تكلمتي عيشي الجو مع اللي تتكلمين معه ولا تفكري بنفسك اببدا .. ادخلي النت وخذي دورات تطوير الذات وعن الثقه بالنفـــس ولا يهمـــك احد .. انا عندي احساس اننك جميييله وحلوه ومثقفه بس الناس تغار منك وتستفززك وانتي تحسسين نفسك بأشياء غلط:wink: ....قولي امين .. ربي يفتح عليك وينوور طريقك ويحقق منااااك ياااااااااااااااااااارب ..:cool:

احمدي ربك انج بنت مو ولد

اجل لو ولد وش راح تسوين هههههههههههههههههههههه.

ارفعي ايدج وقولي ياله لك الحمد اني ماني رجال هههه
يا اختي انا اربعتعش سنة رهاب او سنتين والله حتى البنغالي اخاف منه ههههههههههه مع احترامي للاخوة البنغاليين والله ابوي اخجل منه بس امي هي الوحيدة اللي ما اخاف منها انا ايام الرهاب في اول سنة تشفقين علي الحين الحمدلله قدرات اتصرف معاه وطبعا خف عني بس انتي بنت يعني الامور ارحم معاج

مافي احد مرتاح....الله يشافيني ويشافيك قادر سبحانه...

يكفيني انكم تسمعوني ...

ويكفيني انك قرأتي مشكلتي وتفاعلتي معي ..شكرآ لكِ

الموقف اللي صار لي لو صار لطفل أصغر مني قدر يتصرف...وانا اضعف من اني اواجه مثل هالموقف....

شكرآلك أخوي..

عزيزتي نوف الكلام سهل حتى انا أقول مثل كلامك بس اذا جا الجد ضاعت علومي...

حتى لو كنت جميله ومثقفه وكل الاشياء الجميله فيني ماراح ينفعني كل هاذا...

الرهاب يدمر كل شي ويحول الاشياء الجميله الى اشياء باهته مافيها حياه.. ...والناس

ماراح تشوف الى ضعفي وانكساري...

شاكره لك دعواتك الحلوه ..

الحمد لله على كل حال....

الله يشافيني ويشافيك ....

يا قلبي إنتِ :(
هو كذا يذهب ويختفي ثمّ يعود فجأة
أسأل الله لي ولكِ الشفاء

القاعدة الاولى لاتراقبين نفسك وتصرفاتك يعني ارتحتي لما راح الرهاب لاكن بقى متى سيعود وحين عاد لم تستحملي الموقف


لاتراقبين نفسك كثيرا

الأخ يزيد معذرة على المداخلة

بس كيف ما تراقب نفسها وتصرفاتها ؟

سواءً بالمراقبة أو لا هو شبح راح يباغتنا فجأة

الاخت سجينة كل الي صار لك من الشيطان

يبغى يرجعك لحالتك الاولى لانه زعلان انك تحسنتي وتركتي الاغاني والمساسلات

وهو ابتلاء من الله ليختبر مدى صبرك وقوتك

فما عليكي الا الصبر وحاولي تنسي الموقف وابداي من جديد


الرهاب الي هو الخوف من الناس ليس بالامر الصعب

انما يحتاج الى وقت وتدريب ومواجهات مستمرة


واهم قاعدة : الغي صورة الناس في حياتك

بالنسبة لي انا لايهمني الناس ابدا ومايقولوه الناس عني

ولا افعل اي شيء من اجل الناس

الناس اخر اهتماماتي

لو تدربنا على تطبيق هذه القاعدة في حياتنا لقضينا على الرهاب وبنسبة كبيرة

اتمنى لكي التوفيق والشفاء