رهابي.! ناوي يتزوج .........شرايكم
 

مرحبا يارهبان ....
ههههههه
عسى الله ربي يشافيكم ويشافيني معكم.

انا جاي افتح موضوع
انا بصراحة افكر اتزوج مو ناقصني شي وظيفة ولله الحمد وسيارة وللعلم وظيفتي قريبة من بيتنا حييييييييييييل وانا اداوم يوم واحد بس بالاسبوع ومرتاح بدوامي.

انا بصراحة عندي طاقة كبيرة حيييييييل .................وانا اخاف جدا من الحرام وانفر جدا من الحرام على الرغم من طاقتي اللي عندي وكل ما افكر بالزواج ارتاح ( بس ) اخاف من الرهاب انه يخرب علي .
الا انا ابسأل اللي متزوجين من الرهابيين ابيكم تقولون لي تجربتكم مع الزواج زين ولا شين .
للعلم ياجماعة والله انا مافي احد يدري اني ملك الرهاب هههههههههه بس يالة الحمدلله ان الله القى حبي في قلوب الناس فأنا محبوب بشكل ماتتصورونة ولله الحمد وواجد ناس يقولون ليش ماتتزوج رجال سمعتك طيبة وكلا يمدحك وحبيب وطيب حيييل بس انا اقول بقلبي ( اي هين حبيب يبآ آبلني ) هههههههه.

بس والله بقولكم شي ياجماعة والله انا انظر للرهاب انه قزم ومتمتع بحياتي غصب عليه وانا مرتاح بحياتي بس اخاف ........ الرهاب يخرب علي .

ها ياجماعة شدوا الهمه وقولوا لي ارائكم

لاتخاف
 

السلام عليكم اخي الكريم

والله العظيم اني كنت مو رهابي وبس الا دبل رهابي واقدمت على الزواج رغم خوفي الشديد منه وانا الان متشافي متعافي من الرهاب. حتى قلت لدكتوري الخاص اني احس ان الزواج كان شفائي من المرض . فقال لي في ناس كثيره تزوجت وتشافت ما ادري ليش . يمكن الحاجة الى الحميمية او تفريغ الطاقة الجنسية. والله ياخوي توكل على الله واسأل نفسك سؤال قول انا ليش خايف من الزواج وشنو اسباب الخوف . توكل على الله وانشالله الله يشافيك.

الله يوفقك والزواج فيه بركة من جمع النواحي

ويمكن تشفى بسببه او على الاقل يخفف عنك

انا اعرف رهابي متزوج

وتحسن كثير يمكن يكون بسب انه متزوج

ربما يكون الزواج سبب للشفاء من الرهاب
كلّ شيء بيد الله سبحانه
أسأل الله لك التوفيق و التيسير

طيب يا ملك الرهاب انت عندك رهاب من ماذا هل رهاب الساح والاماكن العامة ام رهاب من الاماكن المرتفعه ام النساء ! ؟ام ماذا ....
ايضا في العادة المرأة لا تهتم من كون الزوج فيه رهاب بل تريده كذلك كي يكون عندها ولا يروح منها .

وبعدين من قالك ان الناس كلهم مكتملين
ان شاء الله تتزوج وتشوف تقلبات المرأة النفسيه التي يمر بها جميع النساء تقريبا
وفقك الله

أخت ثنائية القطبية : انا فيني رهاب من سنة 1996 ميلادي الى يومنا هنا اذكر في هذه السنة لما جاني رهاب كنان يجيني رهاب من لما ادش السوق والمجمعات وغيرة من الاماكن لكن بسرعه خف وبعدين راح وبقى معي زيميلي رهاب اللي اسمية انا رهاب ( المجاميع) لما يكون اكو ناس واجد قاعدين في مجلس او لما اكون تحت الانظار صدقيني مثل ماقالت الفنانة احلام ( قلبي يرجف رجف المكينة ) او مثل ماقال حسين عبدالرضا الفنان في مسرحية عزوبي اسالمية لما ساله الدكتور قال اشفيك ياحسين قال يادكتور ( قلبي يرقع قلبي يرقع يرقع يرقع ).
انا بطبيعي لا اخاف من النساء والصحيح اني اخجل خجل طبيعي وديني خاصة انه عندي رادع ديني ولو انني ماني ( امطوع) الا اني اشوف اني صج و ما استحي على وجهي وانا بصراحة ماجربت اني اسولف مع نساء انا اسولف واضحك مع خواتي وعماتي وخالاتي عادي ماعندي مشكلة ورهاب الساح كان عندي وطس الله لايرده وبقى معاي حبيبي رهوبي الجلوسي ( رهاب المجالس ).

انا معاي في الجامعة 80% بنات خاصة في الفصل ما اتكلم معاهن ابدا ولو انهن عليهن جرئه على الحديث معي لاحول ولا قوة الا بالله وانا اكره هذا الشي واتحاشاهن حيائا وليس خوفا

من الحين اقلك الف مبرووك ياعريس توكل على الله وتزوج انا رهابيه اكثر منك وتزوجت الحمدلله بفضل من الله ثم العلاج النفسي كنت من قبل الزواج استخدم علاج سبرام وبيوم الفرح اكلت نص حبه من اندرال جرعة 40 والحمدلله كنت مره هاديه وواثقه وانا بين الناس واتمنى من الله انه يرزقني وياكم الهدوء والثقه بدون حبوب امييين يارب
انت مشكلتك بسيطه باذن الله ويكفي انك تاخذ نص حبة اندرال بيوم الفرح والف مبروووووووووووك

اعقلها وتوكل يارجال والله يسعدك انشاء ...

إلا أقول ماتلقالي وظيفة بجنب بيتنا خخخخخخخ >> شكلك راعي واسطات..