كلام من القلب
 

ها يا جماعة لسة زي ما انتو بتدورو علي حل مفيش اي جديد صح العيان لسة عيان والمهلوع لسة مهلوع وكلة بيدور علي الحل علي الجاهز وكلنا عارفيين من جوة نفسنا ان الحل الوحيد هو الارادة الحل الوحيد هو انت انت الوحيد اللي معاك المفتاح لحل مشكلتك صدقني ولا دكتور هينفعك ولا دواء هينفعك طالما انت معتمد اعتماد كلي علي الدكتور والدواء طالما انت مستني الفرج من غير ما تسعي اليه زي بالضبط اللي مارحش الامتحان وقاعد مستني النتيجة في الاخير انا حبيت اقولكم من واقع خبرتي اننا لازم نتحرك لازم ننفض غبار الكئابة والهلع والخوف والوساوس عننا ونعيش زي الناس ويكون لينا هدف نسعي اليه بقوة وبأرادة لازم نطور من نفسنا لازم نقوم بقا انا زهقت من الركنة علي الرف والله تربت وبقيت مردوم بالتراب لدرجة اني بقيت تقريبا مختفي بقيت انفيزيبول هلامي واعتقد ان معظمكم بقا زيي صح طيب ايه الحل الحل زي ما قولتلكم ومفيش غيرة نستعين بالله ونتحرك واللي بياخد دواء ياخدة ويكمل واللي مابيخدش ياخد بكل اسباب النجاح بس قبل او اثناء ما انت بتاخد الدواء لازم تخرج للحياة لازم تضع الامل في الله ولازم تبتسم ابتسامة الرضا والثقة في الله ثم نفسك متستغربوش كلامي لاني والله منكم وحاسس بيكم ونفسي اكون زي ما بقول وتكونو زي ما انا بقول اسف علي وجع دمغاكم الكلام بالعامية بس الكلام كان من القلب وانشاء الله يوصل للقلب:doomz:

الله حلو كلامك اخ افرجها يارب واتمنى الله يفرجها انت والله اخوى الى محلك سر احنا على فكره في تقدم ولله الحمد بس انت الى لازم تطبق الكلام الى بتقولو انا بديت اخرج وارجع واروح لصحابى وبحاول احل المشاكل الى عندى وفى تحسن ولله الحمد بس انت اخ افرجها الى محتاج تطبق هالكلام وفعلا اتمنى اشوفك باحسن حال بس مدام انتزهقت وابتيت تفكر بالطريقه دى يبقى خلاص حطيت رجلك على اول الطريق ومش الطريق الزراعى لا الصحراوى كمان :) اتمنى تخرج وتشوف صحابك وترجع للدنيا الى نسيتها على فكره الدنيا حلوه بس لازم نشوفها بعين حلوه ياراجل انت عايش فمصر عارف يعنى ايه مصر ام الدنيا اخرج اتفسح عيش ايامك وموفق ان شاء الله

بارك الله فيك اخي افرجها يا رب و عندك حق
احنا عاملين حملة القضاء على الهلع باذن الله و مستنيين تجاوب الاخوة لحتا نقدر نكمل
على كل مشاركتك منورة و حبيت انبهك على شغلة بسيطة:
كتابة انشاء الله مو هيك
اكتبها هيك ان شاء الله

مشكووووور اخوي افرجها يارب على الكلام الجميل

فعلا معاك حق لازم نستعين بالله و نتحلى بالارادة القوية

جزاك الله عنا كل خير

هو انا لو مكنتش كدا كنت كتبت الكلام دة انا عارف وبقول لنفسي وللي زيي وعلي كل حال ما مررنا ونمر به ليس بالهين اخي الكريم انا اعلم انه عزاب ولكن ان شاء الله كله بيعدي ويمر علي خير ونحاول نساعد بعضنا علي امل اننا نرجع تاني لحياتنا الحلوة

ان شاء الله اختي الكريمة انا اول من يتجاوب مع هذة الحملة وانشاء الله كانت غلطة مطبعية مش اكترههههههههههه

ربنا يبارك فيك

امين اخى الكريم وانا قلتلك قبل كده عشان تروح للدكتور بتاعى لانو كان فمصر بس انت كسلت عموما اخى اى شى ممكن اقدمه لك انا حاضر كلنا هنه لازم نساعد بعض لاننا اخوان

انا بصراحة ماشي علي دواء اسمة صفا مود وهو مستخلص من عشبة القديسيين جنب الرقية و بعض مهارات العلاج السلوكي والحال تمام الي حد ما يعني خف الاكتئاب ولسة الهلع قافش فييه ههههههههههههه علي العموم انا عندي دكتور بستشيرة وقولتلة اني مش عايز ادخل في دوامة الادوية الكيميائية ونصحني امش علي العشبة لعل وعسي ادعيلي يا معلم متنسانيش

لا ان شاء الله مش حنساك وانا بدعى للى فالمنتدى انت عارف انا بحب مصر اوى وكل شهرين كنت لازم انزل مصر بس الهلع خلانى بقالى 6 شهور منزلتش وعندى فرح واحد صاحبى بعد شهر مش عارف اعمل ايه لانى بقيت اخاف من الطياره انت بأه ادعيلى هههههههههههه
ربنا يشافينا اجمعين يارب

ان شاء الله تركب الطيارة وتلف بيها من الصين للمغرب ومن جنوب افريقيا لكندا من غير اي خوف قول امين وان شاء الله يديم عليك السعادة ومصر تنور بيك قريبا

اللهم امين الله يبارك فيك اخوى مصر منوره بأهلها

والله معاه حق بالكلام كلو إلي حكاه انا يا جماعة بفضل من رب العالمين من لما بدأت معي نوبات الهلع احس رب العالمين بيسرلي العلاج من غير شيء بعد فترة بكتشف أني كنت ماشي على طريق صحيح للعلاج من غير ما أعرف

بس يا جماعة اذكروا الله كثيرا واطلبو منه الفرج وصلوا بالليل والله صلاة الليل وتحينو فرص يوم الجمعة مستجاب في ساعة من الساعات فتحينو هذا اليوم وادعو الله ان لا يصبكم مكروه ما حييتم وأن تتوفى على شهادة لا إله إلا الله محمد رسول الله دائما اجعلوه دعائكم ربي يفوقكم انشا الله

بالنسبة لي أنا تحسنت كثيرا جدا حتى انا النوبات لما تعد تأتيني بفضل من الله نهائيا ولكنيي لازلت اشعر بعرض واحد فقط ولم يزول إلى الأن وهو ضيق شديد في الصدر وألم في الصدر وأحيانا يكون الألم على شكل ومضات

بارك الله فيك اخي الكريم وان شاء الله يزول هذا العرض كمان وتتهني بحياتك قول امين