الى الاخ تو الناس
 

السلام عليكم اخوى تو الناس انا قريت ردودك الاخيره فموضوع الادويه النفسيه وكلامك اثر فينى ياخوك وانا مابى اشوفك بهالحاله
انت خايف من الادويه وماتبى ادويه لانك قاعد تشوف ان الدواء من تتركه يرجع الهلع انت تبى حل جذرى وبدون علاج
ياخوى انا بكون وياك خطوه بخطوه
انت قاعد مستسلم جرب انا وياك اعطيك علاج سلوكى لانى مثلك بالظبط ما احب الادويه بس الفرق بينى وبينك انى ما استسلمت وقاومت واخذت جلسات علاج سلوكى مكثفه وكنت انفذ تعليمات الطبيب حرفيا والحمدالله انا الحين متحسن كثييييييييير ولله الحمد تجينى ساعات ضيقه ونوبه كل شهر بس افضل من قبل واطلع وامارس حياتى بشكل طبيعى
المهم
ياخوك انا بحاول اساعدك بالعلاج السلوكى بحكم خبرتى الى اكتسبتها من الدكتور ومن المنتدى وان شاء الله الاخوان بعد بيساعدونى عليك
بس شوف اذا تبى نتعاون انا وياك والاخوان ان نعالجك ونساعدك بالعلاج السلوكى وراح نتعب وياك المطلوب منك تنفذ التعليمات الى نقولها لك ومعانا الاستاذه ليلى والدكتور رعد كلهم ان شاء الله بيساعدونا اذا حاب ياخوك ترى انا مستعد انى ابدى معاك هالجلسات ونحدد لها وقت معين انا وياك نكون موجودين فيها والطلبات الى نطلبها منك تسويها
واذا قررت انك تتعالج سلوكى عند دكتور بره فعياده فهالشى طبعا افضل لانه متخصص وبيفيدك اكثر واحنا بنساعدك على قد مانقدر بس الاستسلام الى انت فيه هذا ماراح نرضى فيه ولا راح نسكت عنه بالمنتدى شفايدتنا اذا شفناك انت وغيرك مستسلمين ومانساعدك
انا اقول هالكلام لانه الكل ساعدنى هنيه واولهم بوناصر ماقصر فينى وباجى الاخوان ما ابخص حقهم بس لازم نشوفلك حل مو معنى هذا انه حالتك خطيره لا بس انك مستسلم وهالشى الى لازم نغيره فيك باذن الله
قرر وانا اخوك وعطنى خبر

وانا ابغي اخذ فكره عن العلاج السلوكي لاني قررت ان شاء الله اترك الدوا لما اخلص هالكورس واعتمد ع العلاج السلوكي
وتو الناس يالله غصبا عنك بتوافق شو الموضوع لعبه هاذا مستقبل وحياه حرام تضيع شبابك بوساوس الشيطان

العلاج السلوكي نصف العلاج

يااااااااااااااالله ونا بساعدك اخوي تو الناس بس انت من اي منطقه؟؟؟

خوفتوووووني يممممممممممممممه < لا لالا لا امزززززززح

ماقصرت يارجل وربي صدقني امس ردوودي كلهاا كنت انتظرك متعوود عليك تسمعني كلام يريح وارتااح
بس عافكرة انا موافق ومتقبل فكرة العلاج السلووكي الادوويه اخاف منهاا يعني قلبي لك عليه ع طريف ينتظر اي شيء عشان يقوووم يطقطق خخخخخخخخخ

وماقصرتوووووو ع حرصكم ويكفي وجوودكم معي وخووفكم علي هذا اكبر راحه لي

يعطيكم العافيه

وانا موافق

من اي مدينه انت تو الناس وكم عمرك؟؟

انا من الرياض وعمري 20

وتقول عمري ضاع وجالس تضرب براسك قسم بالله احسب عمرك 40 سنه توك طلعت الدنيا قداااااامك انا من الرياض وراح نتساعد كثير وراح اوقف معاك كثير ولا يهمك اخوووووي

مشكوور يا ابوو هلع الله يخليك تسلم ماتقصر

تو الناس الله يهديك والله انا عبالي صكيت الخمسين
تقول لنا مستقبلك ضاع ههههههههه
بعدك فاول الحياه ان شاء الله بتشفى وبتعيش شبابك بطاعة الله وبسعاده
الله يشفيك ويشفينا

ههههههه سجينه ان اللي شفته بحياتي خلاني احس ان عمري 90 سنه