ارجوك المساعده ضروري
 

السلام عليكم ورحمه الله وبركاته
مابي اطول بالمقدمات ولكن ابي حل جزاك الله خيير
انا اعاني من وسواس في الطهاره والصلاه كتير حاولت اغير وضعي ماقدرت وقبل شهرين جاتني حاله وهي ان تجيني ضربات قلب سريعه او بطيه فجاء ومعه ضييق في النفس ومع الايااام صارت تجي لي مع الالم براسي وتنمل باطرافي والالم بصدري وظهري واشيااء زي كذا بعد هالحاله تعبت نفسيتي كتير لدرجه صرت اقول دايم اني بموت باي لحظه وصرت طول الوقت اقول بموت بموت ...صرت اخاف من كل شي واتروع باقل شي ....
قريت بالنت ان هذا اللي تجيني حاله توتر ومع هذا مرض الخوف من الموت قلت اكيد هذي من افكار الشيطان بس مو عارفه ارجع مثل ماكنت ماصرت احب اكل ولااضحك ولاشي صرت دايم ابي ابكي ..
رحت للاستشاري نفسي وصف لي علاج اسمه سبراليكس وقال مع توتر عام وبعد وصرت استخدمه ومن اول اسبوع صار تجيني دقات قلب قوويه



الله يخليكم عطوني حل لمشكلتي او عن طريق الرقيه الشرعيه
الله يجزيكم خيير
احس نفسي جالسه اموت كل يووم وانا استغفر الله طفشت من وضعي

انا اؤيد كلام اختي زهور

لازم تصبرين شوي علشان لأن فعالية الدواء تظهر تدريجيا

اسنمري على الدواء و واظبي على قراءة القران والرقية الشرعية

وان شاء الله ما فيه قدامك الا العافية

الله يشفيك أختي ويفرج عنك
شوفي أختي تبغين حل سريع ويعالج المشكلة من جذورها أدخلي على اليوتيوب وشوفي كل المقاطع عن التوكل على الله وحسن الظن بالله وبالذات مقاطع الشيخ المغامسي والحويني ومحمد حسان كثير فادتني.. وابحثي في النت عن كيفية تقوية الإيمان والتغلب على الوسوسة كثفي قراءاتك عن هذا الموضوع وإن شاء الله خير
أنتي الأفضل لك تشوفين لك معالج سلوكي يحلل لك الأفكار المزعجة اللي عندك وباعتقادي الدواء في مثل حالتك مايفيد ممكن بس يهدئ الوضع بس ماراح يعالج المشكلة لأن مشكلتك بالأساس أفكار تحتاج إلى تحليل وأفكار مضادة لها وأقوى منها
إذا تحبين تحطين أفكارك المزعجة هنا ونساعدك في تحليله وتصحيحه فراح يسعدنا ذلك

طمن الله قلبك بالإيمان

انا مثل حالتك حبيبتى مجننى الخفقان 00

اصبرى واستمرى ع الدوا وبتشوفين العافية ان شاء الله

انا جربت السيبرالكس مدة سنتين وتشافيت الحمدلله بعد ماكنت مثل

حالتك -

الله يطمئن قلبك يارب يالايمان"شوفي أختي تبغين حل سريع ويعالج المشكلة من جذورها أدخلي على اليوتيوب وشوفي كل المقاطع عن التوكل على الله وحسن الظن بالله وبالذات مقاطع الشيخ المغامسي والحويني ومحمد حسان كثير فادتني.. وابحثي في النت عن كيفية تقوية الإيمان والتغلب على الوسوسة " موافقة كلام مطمئنة في هذه النقطة ويارب تفيدك .

الف الشكر لكل من رد ع موضوعي

ما ازيد على كل الردود شامله وكامله .