ارجو النظر في حالتي الله يجزاكم خير ..
 

السلام عليكم ورحمة الله وبركاته

بذكر حالتي باختصار :

بداية حالتي قبل خمس سنين وشوي عند النوم لما احسست بالنعاس جاني خوف قوي بدون مقدمات وحسيت جسمي صار بارد وحسيت بفتور او حيلي مهدود ونبضات قلبي تضرب بقوة وتفكيري خلاص قلت بموت بعدها نمت نوم متقطع وفيه كوابيس وصحيت كاني مانمت او نومي خفيف ..بعد هذا كله صار معي خوف مستمر من ايش ما ادري لمدة اسبوعين لانوم زين ومزاج سيئ واحساس انه راح يصير شي بعد هالاسبوعين اختفت تماماً ورجعت انسان طبيعي اخذت تقريبا سنه وكنت في وقت الاختبارات النهائيه ثم جتني الحاله ثاني مره بشكل اقوى بدون مقدمات واستمرت .. بعدها راجعت مشائخ رقيه ودكاتره نفسيين وتحسنت تقريبا 50 بالميه واستمريت مابين رقيه ودكاتره ابحث عن العلاج وقبل يمكن 6 شهور رحت لدكتور ووصف لي علاج اسمه ساليباكس وارتحت عليه والحمدلله تخلصت من الهلع واعراضه لاكن بقي معي الوساوس والافكار السيئه وتقريباُ قبل شهرين احس انها زادت معي الوساوس وصرت اوسوس باحلامي يعني كل حلم مو زين افسره غلط ويسبب لي رعب وخوف الى درجه ان نومي الان متقطع وخفيف واحس اني ما كأني نمت هذي حالتي وارجو منكم مساعدتي .. وجزاكم الله خير الجزاء

الله يجزاكي خير واشكرك ع اهتمامك بموضوعي

انا راجعت اكثر من دكتور واستخدمت علاج دوائي وجلسات سلوكيه والحمدلله فيه تقدم بس وصلت مرحلة صارت حالتي مثل ماتقول واقفه ع وضع واحد وقعدت تقريبا 6 شهور او اقل وانا اراجعهم وحالتي ع وضع واحد ومليت واخر شي طنشت

سؤالي : ماذا تسمى حالتي ؟؟ وهل هالاحلام بسبب حالتي النفسيه ؟ وهل فيه امل اتعافى ؟

ليش ماتردون علي ؟؟؟ انا بعرف هالحاله هذي ايش ؟

الله يجزاكي خير

انا لي فترة تقريبا سنة ما استخدم ادوية واحس حالتي ساءت شوي بس عادي مسيطر ع نفسي
الهلع راح عني بس باقي الوساوس وقلة النوم والكوابيس

مافيه اخصائي يرد على اسئلتي ؟؟

اللي هي قلة النوم +الكوابيس وكثرة الاحلام ؟؟

هل هي من حالتي او ايش ؟؟ بليز ردو ..

اشكرك ع الرد يالغالي
اما بخصوص حالتي صراحه عدة مشاعر احيان احس بخوف من ايش مدري وتجيني حالات ملل بعطيك مثال اول كنت اجلس ع النت 6 ساعات واكثر حاليا من ربع ساعه الى ساعه واطفش منه وفيه اعراض ثانيه تجيني مثل افكار وسواسيه عن الموت مثل اتخيل نفسي ميت او مكفن .. الخ وتجيني حاله اني اكلم نفسي وو انا نايم او افكر في اشياء تخوفني مثل احلامي او ايات فيها ذكر الموت قراءتها سابقا والحين صرت موسوس بالاحلام اذا صار تفسير الحلم زين انبسط طول اليوم واذا سيئ اقعد طول اليون خايف ومتعكر مزاجي . والله حالتي صعبه ارجو مساعدتي