|
أرجو المساعدة
سؤااااااااااااال مرير .............. تقدمت لفتاه متدينة تصلى و لبسها محترم حساسة طيبة ........ فى جلسة ما تعرفت عليها وجدنها سعيدة بى يوم قراءة الفاتحة ( كانت سعيدة أيضا يوم قراءة الفاتحة ) و لكن ... بعدها بكام يوم بعتتلى رسالة معناها أنها مش فرحانة معايا و أنها مش حتكمل معايا حزنت و اتصلت بها و سألتها قالت انها يوم قراية الفاتحة قعدت طول الليل تبكى حزنت و صدمت تكلمت كثيرا بلا جدوى ....... أهلى كانو عازمينهم بعد اسبوع من قراية الفاتحة أتو طبعا أنا كنت زعلان من الكلام اللى سمعته ( بس مبينتش للناس ) قالت لى و أنا قاعد ساكت إنت زعلان منى ؟ تكلمت معها على انفراد عاتبتها و بينت لها غالوتها عندى و الأزمة اتحلت و لكن على مدار شهرين تكون كويسة كام يوم ثم تكون باكية حزينة مش فرحانة كام يوم و تقولى ( مش حاكمل معاك ) عشرات المرات عرضت عليها الطب النفسى وجتها غير مقتنعة بيه آخر مرة و كنا كويسين حاجزت القاعة لعمل كتب الكتاب كانت فرحانة و قالت لى أروح معاك فرحت و قلت ماشى و فرحت هى كمان وجتها فى السكة بدأت الدموع و الحزن بلا سبب و احنا مروحين خلعت التوينز و قالت لى مش حكمل معاك روحت و أنا مش عارف حل و نهيت العلاقة بس مش زى عشرات المرات اللى فاتت لإن الموضوع المرة ده دخل فى الجد قلت لأمى لأول مرة من شهرين و لم أرد على تليفوناتها خالص و قلت لازم أحسم الموضوع .............. هى شوية فرحانة تضحك و يبدوا ظاهرا علها السعادة و يعتذر أنها زعلتنى و شوية حزينة تبكى و تنهى العلاقة لإحساسها إنها ظالمانى معاها مرة قالت لى أنها خبطت نفسها بالشوكة ( و هى متنرفزة ) مرة قالت لى إنها ساعات بتنسى إنها مخطوبة أصلا على فكرة عمرها 27 سنة شهرين على ده الحال هل هناك حل فى الطب النفسى و هى عندها إيه ؟ و هل اللى عندها قابل للشفاء التام ؟ أو الشفاء الجزئى و إلى أى مدى ؟ و ما هذا الداء الذى عندها و ما هو العلاج مع العلم أنها مش مقتنعة أصلا بالعقاقير ده و ما هو العلاج لو أعشاب ؟ جزاكم الله خيرا |
اقتباس:
|
مواقف :
............ فى مرة قالت لى أنها ضربت نفسها بالشوكة فى وشها أكيد حال كونها غاضبة من شئ ما و حزينة ........... و مرة كانت معايا و فرحانة و احنا فى الشارع و فى ناس قالت لى تيجى نجرى بتتكلم بجد مكتش بتهزر .......... مرة كانت معيا و شارع البحر فى اسكندرية بعد التوسعة سيارات مسرعة حارات كتير فى الشارع و النفق بعيد شوية مصرة كانت و احنا عايزين نعدى الشارع نعدى من الشارع نفسه قلت لها النفق أكثر أمان و باين تشوفه بعينك بس تمشى شويه و احنا أصلا نازلين نتمشى و فعلا عادينا من النفق و على اللى عملتو دموع و زعل و قمصة مع انها فى أول الخروجة كانت فرحانة و بتضحك من أقل حاجة ......... |
و السؤال مرة تانية
هى عندها إيه بالضبط ؟ و ايه الدواء ؟ و هل هيكون الدواء طول العمر ؟ هل الشفاء التام ممكن ؟ محتاج اجابة ضرورى جزاكم الله خيرا |
عايز أضيف
فى نفس اليوم اللى أعطتنى التوينز منهية بذلك الموضوع و أنا مروح اتصلت أربع مرات متتالية و بعد كام يوم بعتت لى رسالة يتقول أنا آسفة ........ بس كان الكلام ده بعد ما لغيت حجز القاعة و استرديت الفلوس و طلعت أدام الناس عيل أدفع النهار ده و ألغى الحجز تانى يوم ...... ده كان الموضوع محتاج نصائح علماء النفس و أطباء النفس المتخصصين |
| الساعة الآن 07:12 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا