تكفون اللي يعرف معالج او معالجة سلوكية في جدة يدلني
 

السلام عليكم ورحمة الله وبركاته
زي مانتو عارفين اخواني واخواتي العلاج السلوكي له دور كبير في الشفاء بأذن الله اللي يعرف معالجه او معالج سلوكي متخصص في جدة يدلني والله يسعده ويوفقه ويناوله مراده

انا عندي لك عيادة بس يمكن تكون غالية عليكي

وانا عن نفسي استفدت منها وما همني المبلغ المادي اهم شي صحتي و طز فالفلوس


طبعآ الاستشارة بـ 500 ريال هههههه > حسيت انو جاتك جلطة من السعر


هيا كانت بـ 300 وكان سعرها كذا كويس بس ما ادري ليش رفعو السعر 500 مرة وحده

ع العموم الله يعين اذا حبيتي تروحي قوليلي عشان اعطيكي الرقم تبع العياده و تحجزي

وهيا دكتورة سعودية اسمها ( مها حريري ) بس بصراحه كويسه

اختي الصبورة العيادة موجودة بجده في شارع صاري من بعد مكتبة جرير تلفي يمين و تمشي لآخر الشارع و ترجعي يو تيرن من نفس الشارع وتمشي وتلقي العيادة ع اليمين اسمها ( عيادات ايلاف ) بس اللوحه صغيرة يعني ركزي وانتي ماشية و شكرآ

يعطيكم العافيه
بالنسبة للمبلغ 500 في جلسه واحده ولا عدده جلسات

وثانيا هل يوجد معالج او معالجة سلوكية في المدينة المنورة

ب500 ريال كشف هههههه يارب لا تنزع الرحمه من قلوبنا

و فيه عيادة اخرى عند الدكتور حسن الاهدل > اتوقع اسمه حسن العيادة مكانها شارع التحلية عمارة عبدالله البلوي تقاطع التحلية مع الاربعين

في بشارع فلسطين عمارة نورا قبل مستشفى فقيه الاستشاري طارق ابو العز الكشف 300 ريال
بس طز في الفلوووووووووس اهم شئ الصحه وراحة الباااااال