هل تحصل دي الاعراض بعد الاكل
 

السلام عليكم إخواني الغاليين أتمنى إنكم بأحسن حال

عندي سؤال أتمنى تساعدوني

أنا بعد الأكل أحس بدوخة و ثقل بجسمي وضيق تنفس و احساس غريب في الصدر و اليد و مثل التشنج في الاصابع فهل احد عنده دي الاعراض او يقدر يفيدني و انشاء الله الله يشافي الجميع

عادى جدا ياخوى انا اصابع اليد اليسرى اخر اصبعين يشدون معاى وتوتر وقلق وضيق تنفس وتحس ان بيصير معاك شى لاتحاتى كلها اعراض طبيعيه

تسلم لي يالغالي بس هل الاعراض موجودة عندك طول الوقت لو بس بعد الاكل لأن أنا ما تجيني الا بعد الاكل فاذا كانت بس تجي بعد الاكل فهل هدا من اعراض التوتر و الهلع لو شنهو ووش الحل

مع تمنياتي لك بالشفاء اخوي

اخوى يمكن مشكله بالمعده عادى ترى روح افحص يمكن فى مشكله اذا اكلت تبدا المشكله بالمعده وتسوى هالاعراض على فكره كثير من الناس عندهم جرثومه فالمعده وتسبب هالاعراض وعلاجها بسيط وعاديه جدا ومنتشره روح افحص وريح بالك

شكرا اخويي على ردك السريع الله لا يحرمنا من مساعدتك

انا سويت تحليل الدم لجرثومة المعدة و طلع ما في جرثومة فهل النتيجة اكيدة لو احتاج اسوي اختبار التنفس؟؟و هل جرثومة المعدة تسبب دي الاعراض؟؟

عفوا اخوى واسف على السؤال انت جم وزنك

عادي اخوي اسال اي سؤال يالغلا

وزني 87

انزين بعد الاكل تجيك مباشرة هالاعراض ولا بعد فتره ولما تجيك شكثر تستمر؟

تجيني بعد الاكل مباشرة و تستمر الى ساعة او ساعة و نصف

شوف ياخوى انا ماراح افتى لانى مانى دكتور ولاكن احنا نتكلم على اساس الخبرات الى مرينا فيها
احتمال انه غولون او حساسيه عندك ياخوى مبين ان مرضك مو نفسى عضوى سو تحاليل شامله وشوف شنو المشكله واسف جدا انى ماقدرت افيدك افاده جيده سامحنى
وفى اطباء هنيه جيدين واتمنى يفيدونك الله يشافيك يارب وجميع المسلمين

أنا سويت كل التحاليل و الفحوصات للقلب و غيره و كلها طلعت سليمة بس التحاليل الوحيدة الي سويتها الى المعدة هي تحليل الدم لجرثومة المعدة و طلع سليم
و أنا كانت عندي نوبات هلع لكن الحمد لله تحسنت واجد منها
و بالعكس ياخوي إنت ما قصرت ابدا و جزاك الله كل خير و الله يشافيك و يعافيك

انت تاخذ علاج معين؟ يمكن العلاج يسبب بعض الثقل بالمعده واذا فحوصاتك سليمه لا تخاف كل شي بخير زمان كان يجيني كذا بس الحين لا الحمدلله

تسلم اخوي و انا ما اخذ اي علاج لان الحمد لله احس في تحسن يعني انت كانت تجيك دي الاعراض لما تاكل ؟؟

والله كانت تجيني الاعراض هذي بس لما اخذت علاج راحت الاعراض هذي كلها واحس بتحسن كثير بس بالبدايه تاكد زين من معدتك يعني اعمل لها منظار يمكن في شي عضوي

:msa3:هلا نوبة هلع شخبارك؟؟

والله انا مثلك بعد الاكل احس بخفقان ودوخة وضيق تنفس وطلع من المعدة

واخذت دوا للمعدة واختفت الاعراض-

انصحك تفحص ع المعدة وتسوى منظار وتتطمن- الله يشفيك:3aash: