|
الرجاء المساعــدهـ .. صحة أخـوي في خطـر
السلام عليكم ورحمة الله وبركاته
ماراح اطول عليكم أخــوي .. منهار وتعبان نفسيا ومو عارفين نتعامل معاهـ عنده أوهام كثيرهـ .. وعلى طول خايف من احد يقتله ويقفل ابواب البيت لدرجه وصلت فيه انه يمشي في البيت بـ سكين .. ولما يجي ينام يحط السكين تحت المخدهـ .. ويمر اليوم كلله وماينام الا فقط ساعه وحدهـ على طول صاااحي ويمشي كثييير ومعظم أوهامه عن القتل وضرب بعنف وحاولنا اكثر من مره نقنعه يروح لدكتور نفسي لكن يعصب ويقول انه هو مافيه شي كل الي صير له حقيقه ويعصب اذا قلنا له هذي اوهام ارجوااووكم ساعدوووني .. هذا أخـوي الكبير مانتحمل نشوفه ينهار بطريقه هذي واخر وهم جاله انه رقبته انفصلت عن جسمه وانه فيه نزيف داخلي .. وراح يموت .. قام يبكي ويودعنا عشان كذا انا لجأت لكم ابي الحل.. وان شاءالله ماراح تقصرون |
الله يعيينك و يرفع عن اخوكي البلاء
يمكن عن جد في حدا عدو لاخوكي عم بهددو بالقتل و بعديها اجت الحالة انا ما عندي خبرة كتير بس بحس انو اخوكي ضروووري جدا يروح طبيب باسرع وقت |
والله مدري .. مشكلته هو كان وحداني
منعزل .. ودوم معصب .. وكان قاسي شوي ويجلس بروحه في الغرفه .. ونحاول نتقرب منه لكن بدون فايده نحس انه مايحب وجودنا معاهـ .. ودوم يتهاوش معانا والله مدري وش اقول لكم .. أخوي مر في مراحل كثيره في حياته والحين وصل في هذي المرحله الصعبه وحنا نبي نوديه الطبيب لكنه مو مقتنع ابداً ويعصب لما نقوله بنوديك يقول اذا خذوهـ ماراح يرجعونه |
يعني مافي أمل أحد يرد ويساعد
من جد تحطمت << من زمان وهي تنتظر مشكورين |
وش ذا القهرر
يعني تقرون وتطلعون وماتعطوا الموضوع اي أعتبار وكأني مو محتاجه لمساعده اي نوع من البشر انتوا ..؟! مافي احد مهتم أستغفر الله |
أختي صفاء أخوكِ بحاجة للعلاج الدوائي فقد يكون مايعاني منه ضلالات فكرية وأوهام فهو يتفاعل معها وكأنها حقيقة ولا توجد طريقة بديلة عن الحيلة أو القوة في أخذه لطبيب نفسي، فهو قد يؤذي نفسه أو يؤذيكم وربما تحتاجو ان تستعينوا بأحد من الاقارب لإجباره على الذهاب للمستشفى ونادرا قد ننصح الأهل بشراء دواء ريسبيردال من الصيدلية وتذويب حبتين قوة 2 ملجم في عصير مثلا ويعطوها للمريض وبعد نصف ساعة يصبح مطيع ومتجاوب معهم وممكن يأخذوه لطبيب نفسي ، فجربوا هذا معه وكان الله في عونكم |
لآآزم طبيب نفسي .. لانها اوهاااام وافكاار مسيطره علييه والدكتور رعد ماا قصر .. عطآك الحل .. ويمكن تكون سبب لمآضي !! |
ربي يجزاك الف الف خييير
ويعطيك العافيه .. ماقصرت طيب يادكتور .. ممكن طلب وربي خجلانه اطلبه لكن وربي غصبا عني ممكن ايميلك .. عشان نقدر نتواصل معك ... لحالة أخـوي |
اسأل الله العظيم رب العرش العظيم ان يشفينا ويشفيه
ويطمنكم عليه يارب |
أختي صفاء القلب: والله أدخل المنتدى أكثر من ايميلي وممكن يمر يومين ماأطل ع الايميل وهنا في المنتدى فيه خصوصية بعيادات مشاكل الكبار نقدر نتواصل واتابع حالة اخوكي وأساعدك وربي يشافيه ويفرحكم فيه |
الله يشفيني ويشفي اخوك والمسلمين
|
كلام اخوك صحيح مافيه شي اخوك فيه مس وصدقيني لانعول كل شي على امراض نفسيه وننسى الروحيه من طريقة كلامك عن اخوك ابصم بالعشره ان اللي فيه مس والعلم عند الله وحده . انصحكم تودونه عند شيخ ثقه ولا تعلمونه ان فيه شي حاولو بس تقولون بنشوف وش فيه او وحده تقول انها تعبانه وتاخذه معه مثل المحرم عند الشيخ وهناك تبان باذن الله . |
أشكر الجميع لحسن تعاملكم ودعواتكم الطيبه
وأخوي الدكتور رعد انا ماطلبت الايميل للخصوصيه طلبته لانه بصراحه انا المنتدى يوتر لي اعصابي على ماتردوا واكون انا محتاجه الرد فورا |
اقتباس:
لكن شفناه يحب يسمع القرأن ودوم يناديني ويقولي أقري علي قرأن او دعاء ويرتااح كثييير .. وصار ملتزم اكثر من اول في الصلاه و الحلال والحرام وفي اشياء كثيرهـ |
أختي صفاء القلب ايش صار على أخوكي طمنينا
|
| الساعة الآن 12:29 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا