|
د.رعد الغامدي .. ممكن دقيقه بس ..
السلام عليكم ورحمة الله وبركاته .. صبحك الله بالخير يا دكتور .. يالغالي .. يمكن شفت لي كم موضوع او كم رد في المنتدى .. انا كان عندي وسواس ..و .. اوهام كنت خايف من وقوعها .. وهي مثل .. الخيانه .. و الإعجاب .. الحمد لله استخدمت سيروكسآت لمدة 8 شهور وتحسنت حالتي 95% وراح الوسواس ولله الحمد .. بس يآآدكتور .. الوهم ما يجيني الا اذآ اكتئبت وضآق خلقي .. يعني سبحآن الله كآنه مرتبط الوهم بالإكتآب .. الوهم .. تخيلات قديمه طبعا وقت ما كنت اعاني من الوسواس ..وكلها تحصل لاي شخص .. مثل الخيآنه .. او مثلا من التخيلات الي تطرآلي .. ان امي مثلا تعجب بشخص و و و وطبعا في بنات اسمع سواليف الشبآب عنهم انهم يعجبون بفلان وتروح معه و و وانا الحمد لله مالي اي علاقه مع اي بنت ابدآ .. فآنا يا دكتور تصورات البنات هذي تضآيقني وكنت اخاف انها تصير مع اهلي .. فمن هنآ بدآت التصورات والخيآلات والآوهآم .. بس الحمد لله تحسن حالتي مره .. بس اتضآيق لمآ تجيني وخااصتآ ما اتذكرها الا وقت مآ اكون مكتئب .. فيآ دكتور ... عندك حل .. مثلا استخدم علاج للإكتئآب .. او طريقه اقدر افصل الآوهام عن الإكتئآب .. ... الله يرضى عليك .. زوآجي قريب .. والآوهام مع انها سخيفه تعكر جوي .. وكلها بسب القلق والإكتئاب .. والله احيآنا تجي الأوهام وانا غير مكتئب .. ترووح سلام سلام .. . . والله يجزآك الف الف خير |
|
|
أخي الفاضل احبك: ان كان ماتعاني منه هو شيء تجده سخيفا وتقاومه فهو حينئذ وسواس اما ان كنت تصدقه وتعتقد انه محتمل جدا وتبدأ تراقب وتحاسب فهو حينئذ ضلالات فكرية والعلاج مختلف في الحالتين، واقصد العلاج الدوائي ولا توجد طريقة لمنع وقوع هذه الافكار وانما المتاح هو اخذ العلاج الملائم الذي يعالجها ويذهبها والشكوك سببها ضعف الثقة بالنفس وضعف الثقة بالآخر (قريباتك مثلا) وانت بحاجة للإطمئنان لهن واحسان الظن بهن صدقني ياأخي الفاسدة فاسدة وستمارس الفساد حتى لو سجنتها في قفص حديد والعفيفة عفيفة لايضرها اعجاب احد بها او اعجابها به والوسواس لعين وقد يصور لك مريم العذراء خبيثة (حاشاها ذلك) فلا تفتح له الباب ولن يذهب بالبرهان العقلي اطمئن لوالدتك واخواتك وزوجتك مستقبلا وبناتك، فالحافظ هو الله واطلب من الله ان يحفظهم من كل مكروه، وهو على ذلك قدير |
الله يجزاك الف خير يا دكتور .. يآ دكتور رعد .... لما يجيني القلق .. وشوية خوف تصير مربوطه بالآوهام .. لكن ما احسها انها وساوس سخيفه .. وفي بداية الحاله كانت سخيفه .. لكن الحين احس انها ممكن تحصل .. يعني اوهام .. ولا احاسبهم ولا افتش وراهم .. لآني عارف انها كذب .. وطبعا الآوهام هي نفسها تجي يعني ما تطلع اوهام جدد .. الا اذا قمت اخترع اوهام .. .... بس احيانا يا دكتور ارجع طبييييعي مررره .. انا قلت يمكن اعراض السيروكسات الإنسحابيه .. ؟!! واذا فيه علاج للآوهام يا ليت تدلني عليه .. اذا كان مهم اني استخدم العلآج .. الله يوفقك يآ دكتور .. املي بالله ثم بك .. |
نعم اخي احبك
استخدم ريسبيردال 2 ملج مساءا وستكون بخير بإذن الله مع ضرورة استخدام دوا من مجموعة ssri مثل سيروكسات 25 او بروزاك 60 او سيبراليكس 20 فهذه هي الافضل مع الريسبيردال |
الله يعطيك العافيه دكتور .. بس وش اسوي الحين انا الحين في تدريج السيروكسات 12.5 مج ...... ومن متى ابدآ .. تنصحني ابدا من الحين .. والا انتظر يمكن اعراض انسحابيه .. ...... وكيف تكون الجراعات ولمدة كم ؟ .... وهل العلاج ريسبيردال 2 ملج يخفف القلق يعني والا وش يسوي . . معليش يا دكتور تعبتك معي بس والله انا في حاجتك . |
اقتباس:
او اذا على وشك زاج وقفه مباشرة واستخدم سيبراليكس او بروزاك بالجرعات اللي قلتها لك، والريسبردال ليس مضاد قلق وانما يضاد الشكوك والاوهام |
طيب يا دكتور .. بس لمدة كم استمر عليها .. ولما ابغى ادرجها كيف نظآمهآآ .. ايه باقي على زواجي شهر ونص ان شاء الله .. تنصحني في السيروكسات والا من الحين استخدم سيبرالكس بس من جد يا دكتور الآوهام هذي مشكله .. لو تجيني الآوهام من غير خوف ارتاااح .. عندي قدرة اسيطر عليها قد ما اقدر .. .. فديت قلبك يا دكتور .. |
اقتباس:
وفديت قلبك ياطيب مادام زواجك قرب فتوجه للسيبراليكس مباشرة لأن سيروكسات يأثر على العلاقة الزوجية ومايحتاج تتدرج في السيروكسات، وقفه طوالي واذا راحت الاوهام بيروح الخوف فلا تشيل هم الدوا (سيبراليكس وريسبيردال) تحتاج تستخدمها فترة طويلة شوي لاتقل عن 6 شهور وعلى فكرة، الريسبيردال ايضا ممكن يأثر على الحياة الزوجية وممكن تستخدم ستيلازين 2 ملجم بداله |
كلامك على راسي يادكتور .. بس انا متخوف من شيء .. انا قلت بما اني ادرج السيروكسات .. يمكن الي يجيني الحين اعراض انسحابيه .. لان يا دكتور اواهمي ضعيفه يعني مو مثلي الي يصدق اوهامه وتحس ان عنده انفصآم .. يعني الحين لما انشغل في شيء .. خلاص تروح المخاوف .. والاوهام .. وابدى ارجع طبييعي شوفني الحين الحمد لله مرتاح .. حتى لو جتني الآوهام .. مافي خوف .. ... انا قصدي ما ابغى استعجل واستخدم العلاج .. فآ ابغى نصيحتك .. |
اخي العزيز احبك
بامكانك تجرب نفسك بدون العلاج ولكن لاتتردد في اخذه ان عادت الوساوس او الاوهام فالدواء ليس رفاهية وانما لحاجة طبية تستدعي استخدامه البروزاك مع ستيلازين بالجرعات التي اخبرتك عنها ممتاز جدا لحالتك وربي يكتب لك الخير |
| الساعة الآن 05:24 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا