|
ليه نكبر موضوع الرهاب ؟!!
السلام عليكم ورحمة الله وبركاته
صبــــــــاح الخير w==ewe قبل ماأبدأ كلامي بقولكم اني دخلت المنتدى بشوف لي حل من مشكلة الرهاب ولقيت موضوع تجمع الرهيبين والرهيبات << خلاص بعد اليوم اسمنا كذا ^_^ المهم قرأت وقرأت وجا ببالي كلام فقلت قبل ما أكتب سؤالي اجي هنا واقول اللي بقلبي بموضوع وان شاء الله نستفيد كلنا أول شي طبعا " ودي أشكر نوفا على جهودها معانا ربي يسعدها وأشكر الدكتور رعد " قاعده أدور كلمات شكر تليق بس والله عجزت " لكن فيه حديث بمامعناه من قال جزاك الله خير فقد أبلغ في الثناء وأقولك الحين وقلت من أول وأنا أقرا جزاك الله خير ربي يسعدك دنيا وآخره ويآرب نتقابل كلنا بالجنه ونرتاح من الهموم وانت ترتاح من مشاكلنا يآآآآرب بدون حساب ولاعذاب.. مدري من وين أبدأ ؟! أغلب الصفحات قرأتها وحسيت بانزعآآآآج شديد وزعلت مررره على بعض اللي كتبوا مشاكلهم .. حسيت في طريقة طرحهم بنبرة يأس وكلمات سلبية تزيد من المشاعر السيئة وتفرح الشيطان أكثر وأكثر وتخليه يدخلهم من مداخل ماحسبوا حسابها أنا ماأقلل من معاناتكم بالعكس والله حاسه فيها لكن لازم نذكر بعض ونشوف الناس اللي أقل مننا احنا مشكلتنا دائما" نشوف الناس اللي أحسن وندور على اللي ناقصنا ونشوفه عند غيرنا ويبدأ مسلسل الهم والعذاب طيب أنا عندي رهاب اجتماعي لكن الحمدلله بكامل صحتي أقدر أمشي وأطلع وايش يعني مآآآقدر أتكلم مع الناس الله يرضى على الصم والبكم عايشين حياتهم الحمدلله حالي أحسن من ملايين ومليارات كمان فيه غيري مايقدر وانتو بكرامة يروح للحمام يقضي حاجته ولازم ينتظر لين أحد يجي ويشيل فضلاته من تحته بكل وقت يحس بالاحراج والذل والاهانه ويمكن يسمع تأفف من اللي حوله خلونا نفكر بس في الشباب اللي بالعناية التأهلية واحنا اذا حسينا ان الناس انتبهوا لارتجافنا أو تلعثمنا نتنكد ونتمنا الموت بالله مو سخافه ؟ ايش يعني لوارتجفت قدام الناس ؟! يعني بتكون نهاية العالم مثلا" ؟! أنا ماأقول خلونا كذا من غير علاج لا بالعكس حلو نستشير وندور على الحل لكن فرق بين اللي ياخذ العلاج وهو يحب ويحترم نفسه مهما كان وضعها وبين اللي كاره نفسه وياخذ العلاج وكأنه يقول لنفسه يلا تشافي بسرعة ترى قرفتيني في حياتي يعني معقوله اذا أعاني من الرهاب يعني خلاص ما أستمتع بحياتي ؟ وأجلس أجلد نفسي جلد على كل ارتجافه وكل اهتزازة صوت ؟ اذكر بالجامعه كانت تدرس معاي وحده عندها تأتأه لكن ماشاء الله تبارك الله تتكلم مع الأساتذه وتتناقش واحنا معانا تسوولف وأغلب الوقت الكلام كله لها بالرغم انها تتأتئ واحيانا" تتقلص عضلات وجهها وبصعوبة تطلع الحرف وهي ولاهمها الله يحفظها والله أحيانا" أطالع فيها وهي تتأتئ وأقول بنفسي الظاهر لو أنا مكانها يمكن ماأطلع من بيتنا .. يعني القضية في المقام الأول قبل مانعالج الرهاب لازم نعالج تعاملنا مع نفسنا وكلامنا مع نفسنا .. يعني مثلا" حسيت ان الرهاب كان واضح علي وكان فيه تجمع كبير وحسيت انهم لاحظوا طبعا" يجيني شعور سئ جدا" ويستمر لين أرجع البيت لكن أحآآآول اني ماأخلي هالشعور يسيطر علي مثلا" أجلس وأحضن نفسي "أجلس القرفصاء وأضم يديني على رجولي " يعني كأني لميت جسمي على بعض << ان شاء الله وصلت : ) أو حضن عادي المهم اني أحتوي نفسي وأجلس أقول: خلاص ياقلبي يامريوما الدنيا ماتستاهل ايش يعني شافوكي وانتبهوا يختي انتي ايش سويتي عشان تزعلي ؟ شوفي غيرك يالطيف يقتل القتيل ويمشي بجنازته ولاكأنه سوى شي وانتي قاعده تحاسبي نفسك على شي تافه يختي الحمدلله انتي بخير وكنتي ماشاء الله قمر وألف وحده تتمنى تكون مثلك وخلاص فكيها عآآد خلينا نعيش اللحظة لاتفكرين باللي راح << أتوقع الدكتور رعد بيعطيني تحويل لأقرب مصحه * _ * بس الحمدلله ارتآآآح بعدها ماشاءالله لاقوة الا بالله ولازم نخلي ببالنا ان الرهاب موجووود عند أغلب الناس ولانفكر نفسنا غريبين ولاكائنات عجيبه عآآآدي زادت الحين النسبة بشكل رهيب والله ناسيه بس الظاهر واحد من كل عشرة يعني اللي زينا مرررره كثير سيم سيم احنا ^ _^ المهم لاتقسوا لاتقسوا لاتقسوا على نفسكم ترى الدنيا ماتستاهل دلعوا نفسكم مثلا" بالنسبة للبنات كل ماحسيتي انك تعبانه نفسيا" البسي ألوان فراحيه واكشخي وحطي مكياج ولفلفي شعرك وسويلك عصير ولاقهوه واشتريلك كوب شكله حلو وحاولي تملي وقتك يعني لوكنتي عاطلة زيي روحي تحفيظ قرآن واشتركي بدورات ومحاضرات ولوكان الرهاب مخوفك هنا بالنت فيه كل شي حتى تحفيظ قران فيه عن طريق قاعات البث المباشر ممكن تتمرني فيها بالنسبة للشباب برضو فيه تحفيظ قرآن وممكن كمان نادي لو يومين بالأسبوع غير كذا حاول تتمشى بأي مكان لو لوحدك أول مره بعد كذا تاخذ معاك أحد أهم شي تغير جو وتجدد نشاطك ولو تقدر تسافر كمان حلو ولوتعتمر بعد كل فتره بتحس بشعور روعه .. يقول ابن تيمية : (ما يصنع أعدائي بي ؟أنا جنتي وبستاني في صدري أينما رحت لا تفارقني ، أنا حبسي خلوة، وقتلي شهادة ،وإخراجي من بلدي سياحة ) ودي نعيش كلنا هذا الشعور اللي عاشه ابن تيميه رحمه الله .. يعني سواء باين علي الرهاب ولا موباين أنا جنتي بصدري .. سواء فادني العلاج أو مافادني أنا جنتي بصدري .. والشي المهم اللي لازم ننتبه له في علاجنا هو تحسين علاقتنا مع ربنا سبحانه وتعالى أي ذنوب وآثام نتركها ونطلب من الله المغفره والشفاء في آخر الليل والصلاآآآآه المحافظة عليها هو سبيل النجاة من كل الهموم والأكدار .. ربي يشفينا ويشفي مرضانا ومرضى المسلمين .. |
ماشاء الله تبارك الله ,, في موضوعك ذكرتي العلة والعلاج بالكامل فالعلة هي تضخيم المرض والعلاج هو نظرتنا لذواتنا ,, فكما ذكرتي فهناك من يقتل القتيل ويمشي في جنازته بدم بارد ولايرتجف ولايعتكف ولادرى عن المقتول ولكن الرهابي كل مايريد فعله هو ايصال وجهة نظره وتجده يتصبب عرقاً وارتجفت جميع اطرافه ووقف الكلام وتغير صوته من ذلك , فيجب على الرهابي الا يضخم المرض ولكنه يضخم من نفسه.
|
ماشاءالله عليك يامريوما كفيتي ووفيتي
وكلامك عين العقل فيه تمرين استرخاء انا باسويه لمى تجيني حالة الخوف هو انك تاخذ نفس عميق شهيق وزفير والحمدلله بارتاح بعده الله يجزاك خير |
واياي فارهبون
أزهار النرجس يعطيكم العافيه شاكره لكم مرروركم وبالفعل التنفس العميق له مفعول رائع .. |
مشاءالله..ربي يزيدك من فضلك..هكذا الايمان بالله حينما يخالط القلوب.. تجد اليقين بشفاء الله ورحمته بعباده.. ربما كلامك هذا نبع من التزامك وتقربك الى الله..زادك الله قربا وتذلل له.. المشكله بالرهاب..هو التفكير السلبي..والفراغ اذا اقترن معه.. سيجد الرهابي نفسه مكبلا بالاوصاد.. لكن اذا خرج للحياة والمجتمع..وانطلق فيها..مؤكد سيتحرر من افكاره السودوايه.. والله اني اخرج مع اهلي لكل مكان..مع المعاناة النفسيه اللي احس بها..ولاعمري حسست غيري بها.. تخيلي الناس تخرج وتتفسح للوناسه..وانا اطلع ومعي الهم..واقول يارب متى ارجع للبيت ههههههه.. مع اني اتصنع الفرح,,مع من حولي..وادردش معهم..يعني منطلقه بظاهري..ومكبله بداخلي.. ولكني غير مستسلمه له..الا في بعض الاحيان.. بس كلما الانسان زاد تقربا من ربه..هانت عليه مصيبته..وتصاغرت.. اشكرك عزيزتي على اسلوبك..وتفكيرك الرائع. |
كلام سليم
بس لابد ان نعترف بان الرهابي يحس بقسوه داخليه في حال تعرضه لمواقف تحرجه ويفهما اكثر من غيره ربما لايستطيع يشرحها ولكن تاثيرها داخليا اعمق من تاثيرها خارجيا ولو ان الثاثير الخارجي يضهر في صوره حراره و تعرق ورعشه شديده وتاتاأه بالكلام والام فالضهر يحس بها الرهابي دون غيره صحيح ان الشخص المقابل ينظر لها بنظره ربما تكون عاديه بس مايحس بالاحساس الى يشعربه الرهابي تحياتي |
مشااللله عليك ياامريوومه اشك انك مصابه بالرهاب الله يعاافيك ويعاافينا جميعاا
بصراااحه الكلاام سهل بس عند التطبييق كل شي ينسي |
الله يجزاك خير وكلامك صحيح
وانا انتقدت المشرفه اللي كتبت تجمع الرهابيين ؟؟؟ سلامات ؟ <<< كذا تزيد المرض كنت ابي ارد في صفحاتها لكن تعوذت من ابليس |
والله صدقتي ي مريوووما
يالله يارب تششفينا < اللهم آمين |
الله يتمم عليكم الصحه والعافية
|
ماشاء الله تبارك الله
كلامك مو درر وبس الا كنوز واتمنى كل الي بالمنتدى يمرو عليه ويقروه ويستفيدو منه والله اتمنى لو يتثبت موضوعك لان بكلامك عين العقل فعلا واذا احنا رهابين خلاص نهايه الدنيا تدرون ان الموضوع نفسي من داخلنا احنا لو نطنش الاوهام الى معششه براسنا ونتناسا الاوهام والخيالات السخيفه ونتذكر لحظات حلوه ونستفيد من وقتنا بافكار ايجابيه وبصحبه ناس ايجابين في حياتنا ونتجنب نتجنب اي شخص سلبي او وجوده بقربنا سلبي لنا ولافكارنا بارك الله فيك اختي واختنا مريوم اكبر داعم ايجابي بالمنتدى |
قاتل الله الرهاب قاتل الله الرهاب قاتل الله الرهاب
|
الرهاب بالرغم من اننا مقتنعين انه شي تافه الا انه ليه قدرة سيطرة عجيبة عالانسان علاجه المواجهه
لكن ياخد وقت ولمن يكون مقرون بتعب عضوي يزيد الرهاب عن حده |
أقل شي إستفدته من قراءتي لموضوعك
إنك رفعتي روحي المنعوية مرررررررررررررة الله يجزاك ألف خير مريومااا ويعافينا جميعاً بلا إستثناء يارب في تلك الساعة إستجب دعائي |
جزاك ربي خير وجعله ماكتبتيه لنا في موازين حسناتك غاليتك ميمي
|
| الساعة الآن 03:35 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا