نرجو المساعده..
 

السلام عليكم:
بغيت أطرح عليكم مشكلة ابن اختي البالغ من العمر 5 سنوات مشكلته انه كثير الصراخ وعدواني جدا جدا واذا بغينا نساله عن اي شي ما يسمع لنا ودايما العباره اللي يقولها "اسكتوا ما اريد اسمع منكم شي!!" سواء كاان الموضوع عن تصرف قام به او حتى لما نساله عن زياره قام بها او اي شي نفس الشي ما يحب يطلع من البيت ابداا الا اذا كانت الزياره لبيت جدته ويخاف من الاختلاط مع الناس واذا رحنا لزيارة احد يبقى سااكت وما يقول شي اما بالنسبه للمدرسه اختلاطه نادر مع زملاؤه و لما يرجع من المدرسه وتساله امه عن اللي اخذوه في المدرسه يصرخ "اسكتي!!" وتحس انه ما يستوعب لما تذاكر له وتحس انه عنده تشتت في الانتباه ويجد صعوبه فالحفظ والنطق بشكل صحيح بالاضافه لكل هذا فهو دايما يوصف نفسه انه غبي ويريد ان يموت ويقتل نفسه وايضا هو حسااس جدا بمجرد ان يصرخ عليه احد او يضربه كما انه احيانا يؤذي نفسه عن طريق تقشير جلده او قضم اضافره.
ملاحظه هو دائما يتعرض للضرب منذ صغره من ابيه حتى على اتفه الاسباب ودايما ينعته بالغبي!!
فارجو افادتي هل لدييه حاله مرضيه ام هو طفل طبيعي وكيف يمكن ان نجعله اجتماعي ومتفوق دراسيا وكيف ممكن نجعله يحب ابوه؟؟
أرجوكم افيدونا باسرع وقت وشكرا مقدما..

لو سمحتوا اخواني اخواتي الاستشاريين والتربويين ارجو الرد سريعا محتاجين لاستشارتكم!!!!!!!

مشكور اخوي عالرد لكن حاليا صعب نراجع نفساني
هل في نصايح معينه تقدر تعطينا اياها عشان يتحسن وضعه؟؟