ريحوني الله يريحكم
 

انا يدور بذهني كلام عظيم ماقدر اقوله واليوم تنرفزت من شدة مااعاني وتلفظت بلساني قلت والله العظيم انه صدق صدق اللي يدور بذهني وبنفسي من دون ماانطق هالشي هو امر عظيم ومن اليوم وانا حزينه اخاف اني وقعت بذنب عظيم او شرك اوغيره دلوني تكفون وايضا دايما المشايخ يقولون انت بمعصيه وانا يعلم ربي قد ايش ودي اتخلص من هاللعين مافيه مستشفى ولادكتور ولامنتدى ولاشي الاطبقته بس مالحيله عجزت ابدا?

شنو قصد المشايخ انت بمعصية يا ليت توضحين

المشايخ يقولون انت تطيعين الشيطان بالاعمال الوسواسيه وتعصين الله

اااااه هيونا الحل بيدي بس صعب عجزت ماقدر الاخت ريم الاطلال لا بس مجرد خواطر بس اتلفظ ببعضها غصب عني والاهم عندي كيف ابدا الصلاة اعجز اكبر واعجز اقرا واذا كبرت قلت مانويت وعدت وع هالحال لساني مربوط

iهادا وسواس قهري انتي جربي رقية شرعية لحالك بدونم معالج اسمعيها بس من مسجل او كمبيوتر لكن مع التركييز و ان شاء الله تتشافين

مرافئ الشك أسأل الله ان يشفيك سبحانه على كل شيء قدير
تدرين انا تذكرتك و قعدت ابحث بقوقل عنك باسمك لاني قبل سنتين تقريبا كنت مريضة بالوسواس مثلك تقريبا و قريت مشكلتك بس اظن ما علقت

و انا مازلت الى حد قريب مريضة و تشافيت ولله الحمد اكتب لك و عيوني مدمعه تصدقين خلال مرضي مرت فترات ولله الحمد ما كأني مريضة ما شاء الله و بعدين يشتد معي و بعدين يختفي المرض
أوصيك واوصي نفسي بقيام الليل و قراءة القرآن الكريم مهما وسوستي صدقيني أحلى لحظات حياتي كانت لحظات توبتي و كنت ادعي كثير في اوقات الدعاء وربي ما خيب ظني سبحانه المجيب
ومثل ما قلت كان يشتد احيانا فترة مرت كأني مجنونة في الاشهر الاخيرة لدرجة تمنيت الموت استغفرالله و ما كنت اقدر اكبر للصلاة و كذا كنت ارقي نفسي و ذهبت لدكتور نفسي ارشدني جزاه الله خير
للعلاج النفسي السلوكي المعرفي و كتبلي دواء يخفض من التوتر

نصيحة روحي لدكتورة للعلاج السلوكي المعرفي و نصيحة توي وانا اكتب جت ببالي و انتبهت لها انا لما تركت و تكاسلت في قراءة القرآن اشتد بي المرض بدرجة فضيعه بس لما تبت من سنة من أمر ما كنت أكثر من قراءة القرآن وتدبره سبحان الله خف الوسواس بدرجة فضيعه
و في العلاج السلوكي المعرفي الاسترخاء والدكتورة سوت لي تمرين الاسترخاء بس انا ما كنت فاضية له مع انه ما ياخذ 20 دقيقة تقريبا بس انا اقلك بدل تمرين الاسترخاء قراءة القرآن وتجاهل الوساوس تماما

تحياتي