زيارتي للدكتور عصام الانصاري ادعوا لي بالشفاااء..
 

السلام عليكم ورحمة اللع وبركاته...
مرحبا اول شي اعذروني على عدم ترتيب الموضوع لاني اول مره اكتب ..

بالبدايه انا عمري 26 سنه وخلال كل هالاعوام اعاني من الرهاب الاجتماعي وحالتي عطلتني عن اشياء واجد بحياتي منها الزواج وعدم اكمالي دراستي الجامعيه ...

مثال على ذلك اخجل واخاف اذا طلب مني الدكتور القراءه واقعد ارجف وقلبي يطق ويبي يطلع من مكانه واذا عندنا مناسبه ما احضرها طبعا واذا حضرت احاول اتخفى وصلت الحاله الى اني ارفض الزواج لاني اخاف من المواجهه عند الخطوبه وبالنهايه صرت كله بغرفتي ما اتعداهاا الا قليل القليل ..

المهم توكلت على الله واتصلت على عيادة الدكتور عصام الانصاري وعطوني موعد بعد اسبوعين اللي هو امس 26/7/2011 الساعه 11
حضرت قبلها بنص ساعه دفعت 60 لفتح الملف لانه اول مره ..

المهم دخلت على الدكتور ماشاء الله مبتسم بشووش تعامله راااقي عاملني كاني بنته, وقلت له شنو فيني وكنت خاااااااااااايفه بس بطريقته ماشاء الله عليه ازال الخوف وقلت له شنو فيني ومعاناتي مع الرهاب وانه عطلني عن كل شي وخلاني مكتـئبه ...
قالي لاتخافين نااااس واجد يعانون نفسج والرهاب يصيب الرجال اكثر من النساء وان السبب نقس هرمون بالرأس يسبب هالخوف المرضي وقاالي وينج كل هالسنين حرام اللي ضيعتيه..


المهم وصف لي حبوب سيروكسات سي ار25 بالظهر وسيروكسات 12.5 مساء حبه
وزانكسxanax.,5 عند اللزوم فقط اي قبل الموقف اللي يستعدي مواجهه وبس وزيارتي القادمه بعد شهر ان شاء الله..


ادعوووو لي ربي يكتب لي الشفاء ونصيحه للي يعاني من الرهاب لايسكت عن نفسه كافي العمر اللي راح والواحد مايعيش الا مره حرام نضيع عمرنا بخوف ماله سبب مقنع ...

نسيت اقول امس اكلت اول حبه من سيروكسات 25 ودخت دوخه موطبيعيه نمت 12 ساعه مع انه قالي ان الحبوب ماتنوم وتدوخ !!!
وحسيت بعطش شدييييييييييد وصعوبه بسيطه عند بلع الريق ..
الدكتور قال راح تلاحظين التحسن خلال اسبوعين بأذن الله يعني ما استعجل النتايج..



اللي جربوا السيروكسات وزانكس يفيدوني بليز ودعواتكم لي واللي يبي يسأل اي سؤال حياه الله...

هلا اختي
انت ليش خليتي الرهاب ياثر عليكي وعلى مستقبلك
كل انسان يخاف في الاول مثلا اول لقاء لاي شخص
وكمان السنة الاولى للجامعة لانو فرق كبير بين الثانوي والجامعة
بس الانسان لازم يتاقلم مع الاجواء ويتفكر مزياه ويخلي ثقته في نفسه قوية
انا الايام الي كنت راح اناقش فيها رسالة الماجستير كنت خايفة كثير
بس حضرت حالي منيح كنت احط مرآة والقي ملخص الرسالة
وكنت احط ابناء اخي امامي واتخيلهم لجنة المناقشة واعرض امامهم الرسالة
والله بتدريب خفيف شلت كل الخوف ورحت ودخلت واتكلمت عادي مع لجنة المناقشة
كانت صعبة شوي بس عدت على خير ولله الحمد
يبيلك شوية ثقة وحاولي تكوين صدقات لان الصداقة لها دور كبير للاندماج في المجتمع
اسال الله ان يشفيكي ويشرح صدرك ويسر امورك
اتمنى لكي كل التوفيق
امين يارب

اشكرك ميسون انا جداَ كسوله ومعجزه مني انا راجعت دكتور نفسي وصاجه يبي لي مواجهه واندماج بحاول مع العلاج بأذن الله لعل وعسى اصير احسن ومشكوره على الدعااااااااااء ...

شكـــــراً جزيــــلاً ميراك ...

اختي الزناك ممتاز جدا عند اللزوم وليس له اي اعراض جانبيه ولكن كثرة استخدامه يسبب الادمان لانه فقط عند اللزوم


اختي

عرفت من ردودك انه بالكويت وياليت تعطيني باقي العنوان

وهل الزناك متوفر بصيدليات الكويت

هلا اخوي سعودي لا مو متوفر بصيدليات الكويت كلها انا اخذته بوصفه طبيه من الدكتور عصام الانصاري في عيادته مقابل بوابه حديقة الشعب مايضيع العنوااان " الصيدليه " تحت العياده في نفس العماره..

2 يوم لي مع الحبوب سيروكسات سي ار حسيت بمغض شديد واسهال عزكم الله ...


ياليت اللي مجرب يكتب تجربـته ...

تعبانة انا مثلج جيت الدكتور وعطاني مثلج بالضبط زناكس وسيروكسات سي آر لكن مانفع معاي .

المهم ويوم الاحد اللي فات جيته الصبح الساعة تسع وعطاتي تفرانيل وزناكس والحين احس ان التفرانيل نفع معي واعراضة خفيفة جدا معاي بس جفاف بالفم بس للامانة التفرانيل حسن النوم معاي واحس ان الرهاب خف عن اول مع اني صارلي اربع ايام عليه وانشالله الايام حبلى بالنتائج الايجابية .

وفعلا ادكتور عصام الانصاري يرحب ترحيب وبشوش وينزع عنكي الرهبة .

لااا تخرعني اخوي ملك الارهاب ان شاء الله السيروكسات تجيب معاي نتيجه !!


وانا عطاني زناكس نفسك بعد, وانا السيروكسات مو عاجبتني بسبب النووووووم والدوخه ..


ممكن سؤال جم جرعه السيروكسات اللي كتبها لك الدكتور عصام انا 25 ظهر و12.5 مساءا احس الجرعه قويه .؟!!

انا اول شهر عطاني خمسة وعشرين مللي غرام وثاني شهر خمسة وعشرين مللي غرام زائد اثنعش ونص مللي غرام بس ماستفدت شيء للاسف . والحين على التفرانيل واليوم سادس يوم . وحاس ان في تحسن خفيف والايام الجاية راح يبين كل شيء .

يعني التفرانيل جاب معاك نتيجه الحمدلله, الله كريم وان شاء الله استفيد من السيروكسات الدكتور قالي لاتوقعين نتايج حلوه قبل اسبوعين ومن صبر نال ...

الله يشافيك أختي الكريمة

آميـن وشكرا جزيلا..