|
برجاء المساعدة السريعة في حالتي
بسم الله الرحمن الرحيم السلام عليكم ورحمة الله وبركاتة ياريت الموضوع ميتحولش لملتقي الصيدلية زي الموضوع الاول لان عوز اخد راي ناس متخصصه او ناس مجربة في البداية انا من اكتر من 6 سنين كانت انسان عادي خالص وانا دلوقتي 27 سنة المهم جاني شد عضل في رجلي وخدت دواء تعب المعدة عندي ولان مكنتش اعرف اعراض تعب المعدة فا كان عندي وهم كبير بان عندي مرض خطير واحساس باني هموت رحت لدكتور كتبلي ادوية ومع الوقت الحمد لله المعدة خفت وبعد سنة بدات اشعر باعراض انتفاخ في البطن وتعب ودوخة وتوتر وخوف بسيط وبرضو لان الاعراض غريبة عليا خوفت بس اكتر بكتير من المرة الاولي ايام مرضي بالمعدة المهم روحت للدكتور تاني وقالي دة القولون العصبي واداني في البداية دواء colona و motinorm ومحستش بتحسن كتير وبعد سنة او اكتر وبعد تردد اكتر من مرة علي الدكتور والخوف في تزايد روحت لدكتور تاني وقالي برضو القولون العصبي وقالي اخد مع الcolona و motinorm كمان librax في الاول خوفت اخد librax لانه دواء نفسي والمهم مع الوقت وزيادة التوتر وحالة الخوف اللي عندي لدرجة اني كنت بخاف انزل من البيت حتي مع اهلي المهم اخدت librax وبدات احس بتحسن بسيط وبالتدريج بدات حالة الخوف والرهبه تروح ومع اسرار مني اني اكسر حالة الخوف اللي عندي من نزول الشارع وبدات انزل الشارع ومع الوقت بطلت اخد librax وبدات امشي كتير وميحصلش معايا قصة الخوف اللي كانت بتحصلي لما انزل المهم واستمر سنة علي كدة تمام والحمد لله المهم من فترة بدات اشعر بحرقان في المعدة ورحت للدكتور وقالي خد rabicid 20 بالضافة colona و motinorm اللي بخدهم من الاول والحمد لله برضو المعدة علي 4 شهور اتحسنت ومكنش عندي حالة الخوف اللي كانت بتجيني المهم من اسبوعين وانا نازل انا واخوية حسيت بخوف وتوتر جامد زي الاول ورجعت علي البيت علي طول ودلوقتي بحس بيها كل ما افكر انزل الشارع وخدت تاني librax ولكن محستش بتحسن المهم لان مكنتش قادر اروح للدكتور الباطنه بتاعي دخلت علي النت وشوفت ايه الدواء اللي بيتاخد في الحالة دي اتلقيت احسن دواء هو Lustral 50 (لوسترال 50) وكلمت الدكتور الباطنه بتاعي علي التليفون وقولتله بخاف كل ما احول انزل واتلقيت الدواء Lustral 50علي النت ينفع يا دكتور قالي اه ودة دواء كويس جدااا وان شاء الله هتبدا تحس بتحسن كمان 10 ايام او اكتر المهم دلوقتي انا باخد الدواء Lustral 50 (لوسترال 50) من 16 يوم وفي تحسن في حالة الخوف بدرجة بسيطة بس لسة لما افكر انزل الشارع مع اخوية حتي لو لحد نص الشارع ابدا احس ان حالة الخوف هترجعلي واتوتر واخاف وانا قريت في النت عن حالات كتيرة كانت عندة نفس حالة الخوف ومع دواء Lustral 50 باذن الله انتها من عندها حالة الخوف فالسؤال دلوقتي ايه رايكم في دواء Lustral 50 هل هياخد وقت طويل عشان يجيب مفعول واقدر انزل تاني من غير خوف ولا مدام المفعول بسيط لحد ال16 يوم يبقي يبقي مش هيجيب مفعول جامد معايا بالضافة كمان هو الخوف دة ممكن يكون اصلا من القولون يعني مرتبط عندي باعرض القولون لان هيا كانت بداية حالة الخوف عندي مع بداية القولون وفي انتظار الرد لان بجد محتار وعوز اعرف اجابة مع العلم انا باخد دلوقتي colona و motinorm وlibrax قبل الفطور وقبل السحور وباخد rabicid 20 للمعدة و Lustral 50 حبة وحدة قبل السحور بس في انتظار ردكم وشكرا لكم ومعلش ان طولت في الموضوع بس انا حبيت اديكم فكرة عن حالتي من الاول |
اين الردود عوز اتطمن ياريت حد مجرب الدواء لوسترال 50 يرد علي الاسئلة اللي في اخر الموضوع |
وعليكم السلام
اخى ماجربت هذى الادوية بس شفت موضوعك وماحبيت اطلع من غير مافيدك ورد انصحك بالرقية روح رقاءة جيدين يرقونك |
اقتباس:
شكرا يا غالي لردك ومعلش بس انا عوز حد يكون مجرب دواء الوسترال او دكتور عشان يرد علي اسالتي |
في انتظار المزيد من الردود لكل حد مجرب دواء لوسترال (Lustral 50) والرد علي الاسئلة اللي في اخر الموضوع |
ان شاء الله ارفع موضوعك لدكتور رعد او انقل موضوعك هذا لعيادة مشاكل الكبار .
|
اقتباس:
اشكرك اختي حنين انا يعني اكتب نفس الموضوع في منتدي عيادة مشاكل الكبار + انا العضوية بتعتي لحد دلوقتي مش بيبعت رسائل لان موصلش رسالة التفعيل علي الايميل يعني العضوية بتعتي حتي الان غير مفعله ممكن حضرتك انتي تبعتي رسالة لدكتور رعد بالموضوع دة عشان يشوف الموضوع ان امكن يعني |
ارسلته يا اخوي وان شاء الله بيرد عليك قريب والمنتدى لا يدعم الرسايل لكني وضعته في موضوعه وان شاء الله بيرد عليك .
|
من اعراض القلون
الانتفاخ بالبطن والقلق وتوتر اقرا عنه ولاتخاف وان شاء الله يفيدوك الاعضاء |
اقتباس:
الف شكر لكي اختي حنين وان شاء الله يرد عليا لان انا محتار جدااااااا واشكرك جدا اختي |
العفوووو ماسويت غير الواجب اخوي .
|
اقتباس:
اشكرك اختي شوق علي اهتمامك وردك وانا عارف اعراض القولون لكن انا سؤالي اللي بخصوص القولون هو دة الخوف دة ممكن يكون اصلا من القولون يعني مرتبط عندي باعرض القولون لان هيا كانت بداية حالة الخوف عندي مع بداية القولون |
الله يشفيك ويرفع عنك كل بلاء
الدواء ما جربته وبالنسبه للقولون فالقولون يتأثر بالقلقق النفسي والخوف وأول ما يخف القلق والخوف رح تزول أعراض القولون |
أخي الكريم دودو: انت تعاني من رهاب الاماكن المفتوحة غالبا ودواء لوسترال يستخدم للرهاب ، رغم اني افضّل دواء سيبرام او سيبراليكس فترة 16 يوم غير كافية للحكم على الدواء، وانت مخير اما ان تستمر على لوسترال مدة شهرين وبعدها تحكم عليه وهل افاد م لا، او تغير الى سيبرام 20 ملجم يوميا او سيبراليكس 10 ملجم يوميا حسب قدرتك المادية ولا يوجد فرق بين الدوائين سوى ان لوسترال يميل الى ان يكون منشط أكثر من سيبرام او سيبراليكس |
اقتباس:
الف شكر لاهتمامك وردك دكتور رعد بمعني ايه لوسترال منشط اكثر ياريت توضح لي وان شاء الله هستمر علي دواء لوسترال لمدة شهرين لكن اذا لم ياتي بالنتيجة بعد الشهرين ممكن اسيب دواء لوسترال علي طول وابدا في سيبرام او سيبراليكس علي طول بمعني ان ميحصلش اعراض انسحابية من دواء لوسترال لو تركته وبدات في سيبرام او سيبراليكس ومرة تاني اشكرك جدااا علي اهتمامك يا دكتور رعد |
| الساعة الآن 01:08 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا