كارهة نفسي
 

السلام عليكم دكتور

تذكر موضوعي

http://www.nafsany.cc/vb/showthread.php?t=49129

تركته وكنت خلاص راح انساه

لكنه رجع مرة ثانية يلاحقني باميلاتي واتصالاتي

يطرش لي مسجات انه يحبني وما يقدر يعيش من دوني

ضعفت وكلمته وحسيت اني مشتاقة له

ورجعنا لبعض

بس حسيته متغير اشوي

لما سالته قالي انه تعرف على وحدة ثانية

بكيت وصكيت التلفون بويهه و

هو يطرش يقولي انا احبج انتي هي بس زميلتي بالدراسة

كرهت نفسي حسيت اني غبية لما رجعت له

ومثل ماقلت حضرتك انه بس يبا يسمع صوتي واذوبه وامارس الجنس معاه بالتلفون

لما يخلص من غايته ويقولي الجو مو مناسب عندي

ويصكر احس اني رخيصة وبايعه نفسي له ابكي واكره نفسي

بس والله انا احبه وايد وما اعرف ليش اضعف جدامه

كنت قبل اسمع اغاني واشوف افلام وكنت مشتركة بمنتديات وعندي اكثر من اميل

لغيت كل شي وابتعدت عن الكل صرت وحيدة حتى ريلي لاحظ علي

يشوفني اسوي واجباتي اطبخ له واشوف عياله وادرسهم بس انا ساكتة واذا كنت بروحي اصيح وابكي

حتى صرت اصلي قيام الليل والشفع والوتر وانا اصيح واطلب من ربي انه يبعده عني ويكرهني فيه

ريلي احيانا يدخل علي يشوفني بها الحالة يحضني ويقولي شو اللي مضايقج شو ناقصج حبيبتي

اصيح اكثر اقوله انا ما استاهلك

صار المسباح بايدي كله اسبح استغفر واقرا الاذكار

وصيت اختي تيب لي من العمرة مسباح بالف حبه

والله يادكتور اكتب لك وانا اصيح

مو عارفة كيف انساه

ابا اطلعه من حياتي مو قادرة

رغم عيوبه واللي يسويه فيني اللا انا متعلقة فيه وايد

قلت بغير رقمي بس لاني مقدمة على وظايف وعاطنهم رقمي

احس عندي فراغ داخلي

بالرغم ريلي يعزمني على مطاعم رومانسية يلقمني يدلعني

نطلع الاسواق يمسك ايدي

كلها الاشياء تعور قلبي

احاول احبه مو قادره لاني قلبي متعلق بهذاك

ابا اكرهه ابا انساه

الله يخليك ابا حل

ادعي لي دكتور

الله يخليك

ماعندي احد اشكي له غير رب العالمين

ولك لاني كلامك يقنعني ويريحني

وانا اتقبل اي كلام جارح
09`1`01`01

بانتظار الحل

بانتظار الحل دكتور

نرجو منك الإنتظار أختي الكريمة لحتى نتواصل مع الدكتور

نعتذر لكِ أختى الكريمة فهذا القسم لايتوافر به الآن مختص ،،،

لكن اسمحى لى أختى ..لايوجد أى طبيب سيحل لكِ مشكلتك

فالحل أنتى فقط القادرة عليه ...استعينى بالله وإن شاء الله لن يضيعك ،،،،

جزاك الله خير دكتور
والحمدلله اني ابتعدت عنه واطلب لي الهدايه والثبات