نفساني - ~~دخيل الله مو وقته ~~

السلام عليكم ورحمة الله وبركاته

على طاري الفراق اللي طرآ لي بسيرتك الحين..
وعلى طاري الجروح الي طرت لي وجيت في بالي..

دخيل الله هالطاري طلع لي فيك بس من وين؟؟
دخيل الله مو وقته وانا تعبان في حالي..

انا من وين ابدي لك وابتدي من وين؟؟
تبي ابدي من اولها او الثاني او التالي؟؟

بصراحه ما توقعتك تحطم قلبي المسكين!!
ولا حتى توقعتك تدفعني الثمن غالي..

معك قلبي قضى عمره على النيه عمر وسنين..
وانا ما غير اتأمل على الله ترأف بحالي..

معك اوضح من الواضح.. ولا ألعب على الحبلين..
وانا هذا الامر مو بس ارفضه.. إلا ما مر في بالي..

اظنك كنت تلقاني اذا ناديت.. امد ايدين..
واظنك عارف (الطيبه في قلبي ) أردى أفعالي..

وتخيل كنت اتأمل بتجي وتسأل علي بعدين؟؟
لأني قلت بغيابك.. فال الله ولا فالي..

واحس بصدمتي سكين.. يا عمي اي سكين..
احس الدنيا تضيق بضيقة أحوالي..

بعد ماشفت صدماتي على الدنيا من الغالين..
بديت الحين اتوقع تجي الصدمه من ظلالي!!

مما راق لي..