نفساني - مجتمع صآير حلاله .. حرامه ؟!

السلام عليكم ورحمة الله وبركاته

المجتمع صآير حلاله .. حرامه
و حنا نقول انه مثالي و مرموق

نحرص على أسباب الزعل و الملامه
و نقول كيف نفارق الضيق و نروق

صرنا نفكر في ( الغطا واللثامه )
و نكشخ و نقضي يومنا لفّ فالسوق

نتبع مفاتن .. قبل نتبع ( شهامة )
كن الجسد شهوه ما هو دم و عروق !!

الشخص فينا كل همّه .. غرامه
كأنه عشان الحب و العشق مخلوق !

نحكي بذوق مع العرب .. و ابتسامه
لكن مع أهلنـآ ولانعرف الذوق

ننسى إن كل إنسان فكره : مقامه
و نصنّف أهل المجتمع تحت أو فوق

صار الرجل حلمه و جلّ اهتمامه
يصبح غني لو كان من مال مسروق

نشرح سبل عيش الحياة بكرامه
و حنا الأوادم عندنا أرخص من النوق !

قليل .. من فكّر بيوم القيامه
تفكيرنا كله فالاحساس .. و الشوق

نبغى حقوق إنسان لو هي علامه
و حنا ما نعطي ( ربنا ) أية حقوق ؟!

نحكي عن الدين و عن الاستقامه
و بيوتنا أغلبها ( خيانات ) و عقوق

كلٍ يبي .. يملي علينا كلامه
كان الأوادم عايشه وسط صندوق

وشلون يفرض مجتمع احترامه
و اكبر طموحاته متى الحرمه تسوق...

[راقت لي]