زوجي والشراب
 

السلام عليكم

مشكلتي بأختصار انا متزوجه من عشر سنين وأم لثلاث أطفال

حياتي ولله الحمد هاديه ومستقره

لكن مشكلتي ان زوجي يشرب الخمر وغالبا يجلس مع عياله وهو في هالحاله

حاولت بشتى الطرق انه يتركه وعجزت جربت كل شي اللين والمسايسه وتذكيره بالموت والاخره

وجربت الشده والقوه ومافاد فيه شي لانه مقتنع ان بلاه على نفسه والمفروض اتركه بحاله ,,,


أبي حل يخليه يقطعه نهائيا لأنه هو مو مقصر معي بشي بس هذا عيبه الوحيد

شكرا لك دكتور

انا سويت زي ماقلت خيرته بيني انا والشراب وقال اكيد انتي

وطلبت منه انه مايروح للأستراحه اللي فيها الشراب وحلف انه ماعاد يروح

وقال الشراب اصبري علي شوي شوي اتركه ورفضت قلت له ماعندي صبري

الشراب تقطعه نهائيا وبس وانهيت النقاش


انا خايفه ان زملائه اللي يشربون اذا شافوه مايجي للاستراحه يكلمونه يجيهم أو يجون لبيتي وهو يلين

مع العلم انه قبل سنه كان يجيبهم يشربون بالبيت وانا قومت الدنيا عليه وماسكت لأني خايفه على نفسي

وعلى بناتي

وقلت له طالما انك اخذتني من بيت محترم السيجاره ماولعت فيه أنت مجبور تسكني ببيت محترم

وخل بلاويك انت وربعك برى بيتي ,,, ولا برجع للبيت أهلي وافضح فيك

وبعدها صار مايجيبهم للبيت



انا بسأل الخمر مايقدر يقطعه من نفسه يعني لازم يعالج عند أحد ؟؟

لانه رافض العلاج نهائيا يقول شوي شوي انا اخليه من نفسي

ان شاءالله يارب يصلح حاله

هو في الفتره الاخيره مايشرب بانتظام غالبا بالاسبوع مره أو مرتين

شكرا لك دكتور والله يكثر من امثالك

العفو أختي، وأدعي الله انه يوفقك