تكفون ساعدوني والله اني ضعيف
 

تكفون ساعدوني والله اني ضعيف

السلام عليكم ورحمة الله وبركاتة ................... اما بعد
طبعا انا من ضمن ضحايا سيل الرهاب الجارف ....... الذي قطعني من صلة رحمي....... وقطعني من اصدقائي..........وفصلت من وضيفتي..... ولم يجعلني اتزوج علما ان عمري 33 سنة
المراد:انا استخدم سيروكسات للرهاب وزيبركسا للفصام كما وصفة لي الدكتور
المهم تركت السيروكسات بالتدريج الان لي شهر ماكلتة وطبعا الاعراض الانسحابية اختفت
المهم انتكسلي الرهاب بشدة ونا مابي السيروكسات
المهم والمطلوب والسؤال: ابي علاج ممتاز ارتحتولة واعراضة الجانبية بسيطة وسوف اشور لدكتوري علية واستعملة بعد موافقتة
انا استشرتكم انتم لانكم مرضا وجربتم المرض وجربتم الدواء واهميتة والمثل يقول اسعل مجرب ولاتسأل طبيب

آخوي انا مثلك تماما اعاني من الرهاب.
لكن اذا السيروكسات نفعك فـ اتمنى ترجع له..واصبر عليه...كل اللي نبيه الصبر الصبر الصبر...واغلب الادويه تحتآج صبر
وفي اعتقآدي ان السيروكسات هو الافضل....وجهة نظري
لاني اعرف ناس تعاني مثلنا من الرهاب واستخدمو السيروكسات وتغيرت احوالهم بفضل الله ثم السيروكسات..
...
لكن الاهم..وانت تستخدم العلاج غير طريقه تفكيرك..من سلبي الى ايجابي

فـلا تقول انك ضعيف..بل قل انك قوي.....والقوي الله
...
وربي يعين

كم شهر استخدمت السيروكسات

وبعدين لاتلقب نفسك بهذه الالقاب انا ضعيف انت رجل وقادر تاخذ قرارك بنفسك وهذا زواج وحياتك الخاصه ...

يا أخوي النفس زي الطفل مالها قوانين ولاحدود


انت اللي لازم تضبطها وتعدلها وماتستسلم لنداءاتها السلبية


ترى فيه غيرك كثير حسوا بنفس شعورك لكن مااستسلموا


قبل ماتفكر بالدوا غير من طريقة تفكيرك


"إن الله لايغير مابقوم حتى يغيروا مابأنفسهم"

ابدأ من اليوم انتبه للأفكار السيئة اللي تخطر على بالك

واستبدلها بأفكار تفرحك وتزيد من قوتك

بالبداية بتلاقي صعوبة لكن بعد كذا خلاص تتبرمج عليها

يعني مثلا" لوفكرت " أنا ضعيف ومسكين وعندي رهاب "

استبدل كل هالأفكار المحبطه بأفكار ايجابية زي مثلا"

" أنا طيب ومسالم وربي قادر يشفيني من الرهاب وأنا متوكل على ربي "


هذي النقطة لازم تنتبه لها لأنه طريقة التفكير هي السبب بكل شي


حتى الزوجة ممكن بسبب طريقة تفكيرها تكره زوجها وتتحول حياتها جحيم


مثلا" كل ماتشوفه تفكر فكرة سلبيه زي " زوجي مايهتم بنفسه وماعنده أسلوب ..الخ


كثرة هذي الأفكار تخليها تكره زوجها وبقوووه


لكن لوانتبهت وكان عندها فن اصطياد الأفكار السيئة تقدر تغييرها

يصير لما تشوف زوجها تفكر مثلا" " زوجي مره طيب وماقصر معايا جابلي كذا وسوالي كذا ...الخ

بعدها بيصفى الجو بينها وبين زوجها ..

وهذا الشي ينطبق على كل العلاقات الإنسانية وحتى على علاقة الشخص بنفسه

اذا كل تفكيري أقول بنفسي " أنا ضعيفة أنا غبية أنا ماراح أستمر بالوظيفة واللي زيي يجلس بالبيت ...الخ "


النتيجة أكيد بتكون مدمره ..


معليش طولت بس ودي أوصل المعلومه وان شاء الله قدرت ..

وياليت من اليوم تبدأ تغير من كلامك عن نفسك ..

ربي يوفقك ويرضى عنك ويرضيك ..

اشكركم جميعا بعنف ايوالله صدقتم لازم اغير من تفكيري اولا واحاول افكر افكار اجابية
بالنسبة للسيروكسات استخدمتة ثلاث سنوات وقضى على 10% من الرهاب يعني نسبة ضئيلة وتركتة لاني مقبل على زواج ومثلكم عارفين
دمتم

ليش تحذفون ردي ؟؟؟

موقعكم كان ناجح لكن بعد الدكتاتورية وكل شي لي انا اصبح فاشل

والدليل شوفوا عدد المشاركين يجلس المنتدى بالاسبوع ماكتب فيه موضوع

الله يعينكم على انفسكم