|
حبيبتى ماتت
قصيدة جحا او(حبيبتى ماتت) للشاعر هشام الجخ .. (قبل الثورة المصرية ) شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة مش لاقى تطفح اديك هاتولنا وجبولنا وادونا ودولنا هنجيب منين نديك طافح يابلدى غدايا ولوعتى غدايا وادى الاحبه التقو واتجمعو عدايا أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لأجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى .. حبس اعتباطى يعنى ايه مش حاسة بالعمر وغلاوته بتصبى مر العمر ليه ده انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى ا نا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف ده انا كل شبر فى أرضك اتمرمغت فيه وكل يوم عشتيه أنا اتغذبت بيه بتكرهينى عيونك السودة وأيامى اللى فاتت مانتيش حبيبتى من النهاردة حبيبتى ماتت علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهل ترى خاينة ولا زيى مغصوبة كل الكلام اتقال والشعر بقى ماسخ والصبر علو جبال والظلم شىء راسخ وطن وغرقان فى النطاعة كل شىء ريحته نطاعة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق؟ غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئينى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة الحب جواكي استحالة .. . . هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله <iframe width="420" height="315" src="http://www.youtube.com/embed/anI0CqL0dlU" frameborder="0" allowfullscreen></iframe> |
<iframe width="420" height="315" src="http://www.youtube.com/embed/RSLMykhid0o" frameborder="0" allowfullscreen></iframe> |
<iframe width="420" height="315" src="http://www.youtube.com/embed/a0NksgMwQGg" frameborder="0" allowfullscreen></iframe> |
مشكووور على القصدة استاد
|
تعرف أستاذ صلاح القصيدة دى سمعتها كتير ...
بس لا امل ..أبدًا من سماعها ..وخصوصًا أن هشام الجخ ،،، له طريقة روووعة ....فى إلقاء قصائده بتزيدها روعة وجمال ،،، وخصوصًا هذه القصيدة ..تألق فى إلقائها ،،، |
اقتباس:
العفو اختى وردة .. نورتى .. |
اقتباس:
دايما الكلام اللى بييجى على الجرح بيدخل القلب قبل الاذن .. علشان كدة .. كل اللى قالوا كلمة حق فى عز الطغيان ولا خافوا من البطش .. لازم ياخدوا حقهم مرتين .. مرة علشان قالوا .. ومرة علشان احنا اتعلمنا نسمع ونفرق ونعرف الحق فين .. |
الحبيبـة لم تمــت أستاذ،،، ولكـن الذي جـرى لم يكـن بالقليـل عليها،،، لما يتآمــر عليها الكثيـر من كـل صوب وحدب،،، وينهكوا قـواهــا،،، الحبيبــة تبقى الحبيبـة،،، التي ملأ حبـها القلب،،، وسكنت الصميـم،،، تقبـــل مــروري أستاذ،،، ودي وتحيـــاتي،،،، |
اقتباس:
اهلا بك اختى وردة .. اعتبرها الشاعر ميتة وجميعنا كذلك قبل قيام الثورة من كثرة الطغيان والفساد والظلم البين ولا احد حرك ساكنا .. لكنها اليوم اكتشفنا انها فى غيبوبة .. ونبذل جميعا كل ما يمكننا من جهد لكى تستعيد نبض الحياه من جديد .. دعواتكم .. |
هشام له قصائد رائعه ووطنية
شكرا لك وللقصيدة |
اقتباس:
صحيح بالاضافة الى انه يعرف طريقة الدخول لمناطق الاستقبال بسهولة وبساطة .. اشكرك اختى الم الدموع على المرور .. |
| الساعة الآن 04:56 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا