ذهبت للدكتور اليوم
 

اليوم ذهبت للدكتور محمد العقيل في عيادات سليمان الصغير في الملز

وكان الرجل خلوق وحريص على المريض وبسيط جدا جدا ويتكلم باللهجه العاميه

دخلت عليه وشرحت حالتي والي ما يعرف حالتي يرجع لموضوعي السابق

طبعا شخص هالمرض بالهلع وانه ياتي بدون اسباب وان الانسان معرض اي وقت لهاذي النوبات وانها بسيطه جدا ما دام الانسان متاكد انه لا يشكي من مرض عضوي

وصرف لي حبوب باروكسات 20 + دوقماتيل 50

طبعا الرجل تنرفز لما عرف اني متزوج ولا اذهب للعمل واحتماليه فصلي

قال المشكله بسيطه وتخسر وضيفتك عشانها

قال بكل بساطه نوبات الهلع لها مده معينه وقصيره وتذهب

خبرته ان خوفي تاتيني نوبه الهلع وانا بالسياره او العمل

قال اذا اتتك نوبه الهلع في السياره وقف في اي محل بسرعه وانزل من السياره وسوف تذهب سريعا واذا اتتك بالعمل وانت في مكتبك اخرج من المبنى واسترح قليلا وسوف تذهب وطرح لي مثال لحالات كانت تعالج عنده وتشافت عند عمل هالشي

وفعلا انا عند خروجي منه استرجعت بالذاكره وشفت ان كلامه صحيح

انا جتني نوبه الهلع وانا في خط القصيم وكنت لا استطيع التنفس ودقات قلبي تتزايد وراسي بيننفجر ونزلت عند محطه كي اشتري شراب لرجلي لاني احسست بالبرد مجرد نزولي للبقاله وركوبي للسياره هديت مررره وكملت خطي وبعد لحظات عادت لي النوبات ولم انزل كملت خطي الى ان وصلت للرياض وتوقفت عند مستشفى دله وعند دخولي للمستشفى راحت الحاله وارتحت قليلا ثم عدت للمنزل

موقف اخر حصل لي قبل اسبوع ونص كنت قريب من البيت تفصلني اشارتين واتتني نوبه الهلع وقلت بسرعه اروح للبيت عشان استريح وكنت متوتر جدا ودقات قلبي تزيد عند الاشاره وتمالكت نفسي الى ان وصلت للبيت ونزلت من السياره وانا ارقى الدرج راحت الحاله ودخلت لشقتي طبيعي ..؟

لا اجزم لكن الدكتور اكد على ذالك وانا صارت معي حالتين

قال لا يمنع انك تاكل حبوب اندرال 20 قبل الذهاب للدوام لتنظم دقات القلب واذا احسست انك مرهق كل 20 في الاوقات الضروريه

هل منكم من جرب انه يغير المحل وتروح نوبه الهلع منه ..؟

أنا نفسك أخي.

لما جتني النوبة. كنتب ف بيت زوجي.

ولما غيرت المكان ورحت سكنت بيت أبوي شهرين. رجعت طبيعية. وخف غني الهلع وأيد.

الحمدلله. الحين حالتي تحسنت كثير.

حتى كرهت بيت زوجي فالبداية. لاكن لما خفت حالتي. رجعت وعشت طبيعي. والحمدلله.

استمر على العلاج.

سؤال .. شو الاحساس اللي حسيت به بعد ماطلعت من عند الدكتور. وأنت راجع البيت ؟؟

ماحسيت أن التعب خف. خصوصا انك فضفضت للدكتور. ماحسيت براحة ؟؟.

الله يشفيك اخوي الكيد اذا آجن النوبة وغيرت المكان او انشغلت بي شي تروح استخدم العلاج بانتظام وان شاءالله بتنحسن حالتك كثير

انا اذا جات لي نوبة الهلع وانا واقفه اجلس والعكس اغمض عيوني واسرح بعالم خيالي كيف تخف عني اكثر من قول لااله الا انت سبحانك اني كنت من الظالمين ,ربي اني مسني الضر وانت ارحم الراحمين , لااله الا الله مع كل شهيق وزفير وربي يشفينا ويعافينا ويجعل مافينا تكفير لي ذنوبنا انه علئ ذالك قادر اختك ميمي

الدكتور فعلا عطاني امل وشرح لي حالات كثيره عالجت عنده لذالك حسيت بالراحه قليلا

لكن لحد الان شايل هم المرض والدوام ولو ما وراي دوام كان همي اصغر وقلت الحين اني طبيعي

بس طمني يقول كل الاندارل وما عليك خوف وهذا بحد ذاته طمني واقدر اروح للدوام بدون خفقان وهذا شي يطمن

اخوي توكل على الله واستخدم العلاج ومع الرقيه بتحس نفسك طبيعي وتقدر تروح وتجي من غير اي خوف لا تخسر دوامك بسبب أوهام انت عارفه ان البدايه صعبه بس لاتستلم أنا عانيت كثير من الهلع والاكتئاب والوسواس بس الحمد الله أحاول أساعد نفسي واشجعها صدقني في ناس معوقين وعندهم أمراض خطيره الله يعافينا ويروحو إشغالهم ويحبو الحياه لازم إحنا نقوي انفسنا

الله يكون بالعون

انا ودي اليوم قبل بكره اروح للدوام بس لين ذكرت الزحمه والنوبه اخااااف

بس باحاول بقد ما اقدر

ام الهلع > الحين انتي لين قام يخفق قلبك كم يقعد تقريبا عشان يروح الخفقان ... وهل فيه اشياء تسوينها عشان يروح الخفقان

لما يجيني خفقان وأركز عليه ويزداد خوفي يطول بس لما اتحرك او اشغل نفسي باي شي مايطول معي الخفقان أنا عارفه ان بدايه نوبات الهلع تكون صعبه بس مع العلاج والرقيه وماء زمزم تخف ومعد تجي الا كل فين وفين أنا أجتني قبل سنه ونص وكنت مشً عارفه ايش فيني قعت ثلاث اشهر وانا أعاني لحد ماعرفت انها هلع بعدين اتعالجت عند دكتور نفسي وأخذت العلاج ومع الرقيه ورم زمزم اتحسنت ورجعت طبيعيه بعدها أوقفت العلاج بسبب الحمل وكنت.كويسه لحد بعده الولادة أصابني اكتئاب مابعد الولاه ورجعتلي النوبات بس على طول رجعت لدكتور وأخذت العلاج ورجعت أرقي نفسي واشرب ماء زمزم والآن الحمد الله لي تقريبا شهر على العلاج حالتي. أحسن بكثير دوشتك بس عشان تعرف ان هذا الس فيك عادي ولازم تقوي نفسك تروح دوامك لا تضيع مستقبلك

مشكوره يا ام الهلع واستحملينا شوي

طيب غير خفقان القلب وش تحسين وانتي طبيعيه ..؟

عندك صداع عدم تركيز تنميل في جسمك كتمه

بالنسبه للخفقان انا عندي الخفقان ما يجي الى وانا بالسياره بس خفقان قوي حتى اني افقد السيطره على نفسي ما ادري انتي يجيك كذى ولا خفقان عادي الي يجيني وانا في البيت بس ما اعير له اهتمام

أخي. نصيحة. لاتخسر وظيفتك بسبب هالمرض.

أنا جتني حالة أقوى من كذا.

ولله الحمد. مأخليته يتغلب علي. لأنه مرض بسيط. لو أن أغراضه قوية ومب هينة. لاكني مأخليته يتعلب علي. لأن إيماني بالله أكبر من هذا كله.

لما كانت تجيني النوبة. كنت أقول لن يصيبنا إلا ماكتبه الله لنا. وكنت استغفر كثير. واعير مكاني. وأسوي تمارين التنفس. وصدقني الواحد وأرادته.

غير من نمط حياتك. غير جدولك. صيف أشياء تغير لك حياتك. خصص وقت لقراءة القرآن. خصص وقت للرياضه. خصص وقت تطلع انت وزوجتك وابنك

وصدددقني وقتك مع طفلك ينسيك كل التعب. وأنا جربت هالشي. لما كنت أتعب. كنت أسئل بنتي واطلع للحديقة. والعب معاها. أو أسوي رياضه.

زور أقاربك. تصدق. لوتقدر. صوم كل اثنين وخميس. روح للبحر. أكثر من الاستعفار. أشياء كثيرة تساعدك انك تغير حياتك للأفضل. في كلمة قالي ياها الدكتور. لما كنت عنده. قالي ترى 60 بالمئة العلاج يكون بالدواء لاكن الباقي يعتمد على المريض. هو اللي يغير نفسه بنفسه وللأحسن.

جرب يا أخي.

والله يشفي جميع اللي يعانون. والحمدلله فالسراء والضراء.

والسموحه عالأطاله

الله يلبسكم لباس العافيه اجمعين

احنا نحاول وعسانا نقدر

احس احيانا دوخه عدم توازن تنميل في يدي اليسار واحيانا الم اسفل الراس عند الرقبه بس خلاص أحاول اطنش وعرفت انها. كلها من الهلع وان شاءالله لن يظرنا شئ والله يلبسنا لباس العافيه

حلو اذا كانت الي تجيك هاذي الحالات فترات متقطعه

انا عدم التوازن وصداع خفيف وعدم التركيز ملازمني وهاذي مشكلتي اذا راحت ان شا الله اني باقدر اتغلب على الهلع ببساطه