اخى واثار تعاطى الحبوب
 

السلام عليكم ورحمة الله وبركاته
اشكرجدا القائمين على الموقع جزاكم الله خير عنا
مشكلتى اخويا الكبير كان بتعاطى الحبوب المخدره فى فترة الثانويه العامه ومن يومها وهو كل مايبطل يرجع وهو حاليا عنده 35 سنه واقلع عنها على حد قوله من 4شهور
هوطيب جدا وحنون بس المشكله دى واجعه قلبى عليه نفسى افرح بيه بس تأثير الادمان مأثر على نطقه للكلام وشكله العام هو حاليا عاوز يفوق لنفسه خصوصا بعدوفاة امى الله يرحمها ويجعل مثواها الجنه
انااتكلمت معاه وصارحنى بأنه لمابيبطل الحبوب دى لسانه بيتقل وبينسى كتير وهو مش عاوز يرجعلها تانى بس اناخايفه عليه يضعف من تريقة الناس على منظره ورفضهم التعامل معاه
هو مدرس لغه عربيه ومحبوب من الجميع لطيبة قلبه وصدقه رغم اننه كان بيتعاطى الحبوب دى لكن سلوكه مش مدمر ولا مجنون هو بس بينام ممكن 3ايام يفوق بالعافيه ياكل وزينام تانى وزده بيأثر على علاقته بالمجتمع كله ومدرسته
انا اللى عرفته من اخواتى انه كان بياخد حبوب اسمها حبوب الصراصير
هل هناك امل انه يرجع سليم ويقدر يتجوز ويخلف ولا هيفضل طول عمره مسكين يتعاطى ويبطل وهكذا
انا لمابتكلم معاه بيقبل كلامى وبيسمع لى وبحاول معاه يحسن علاقته بربنا علشان ميضعفش
محتاجه ارشادات علشان من بعد ارادة الله ورحمته اقدر انصحه وارشده بكلام وافعال لانه مسكين يكسر القلب ملوش حد يهتم بيه من بعد وفاة امى اخواتى قلوبهم قاسيه عليه وبيجرحوه بالكلام وهوحساس بيقعد يبكى زى الطفل و
انامعتبراه مريض وحقه عليا رعايتى له وانابحبه لانه طيب جدا وغلبان وحنون ونفسى اشوفه كويس وبخير
انامتجوزه بعيد اوى عنه فممحافظه تبعد عنه اكتر من 5ساعات سفر بس بكلمه بالتليفون باستمرار وممكن اخليه ييجى يقعد عندى اسبوع او 10ايام كل شهر ونص اوشهرين
متشكره لسعة صدر ار القارىء طولت فكلامى بس قلبى واجعنى على حالة اخويا وخايفه يضيع وهو لوحده ومحدش حاسس بيه
متشكره جدا جدا

أختى أسأل الله أن يشفى أخيكى ولا يرده إلى هذه الحبوب مرة أخرى ،،

حاليًا لا يتواجد أخصائى بالمنتدى للرد عليكِ ولكن يمكنك كتابة موضوعك هنا

http://www.nafsany.cc/vb/forumdisplay.php?f=24 حتنى يفيدك إخوانك

ونصيحتى لكِ أن تحتوى أخيكى ..وتكونى بجانبه فى هذه الفنرة الحرجة ...

فهو فى أمس الحاجة لمن يشعر به ..ويخاف عليه بصدق ،،،

شاكره لكى اهتمامك اختى الحبيبه
بس
لوكان المكان اللى حضرتك بعتالى اللينك بتاعه عام ويظهر افضل لا انا عاوزاه خاص لانى ذاكره فيه حاجات محبش حديعرفها على العام
شاكره ليكى اهتمامك بارك الله فى عمرك

لو عايزة خاص ..يبقى هنا أختى ،،

لكان بكل أسف ..هنا لن تجدى مساعدة لأن مثل ما أخبرتك

فى الوقت الحالى لا يتواجد أخصائيين ,,,والموضوع لا يراه سوى الإداريين ،،

وأرى انه لا يوجد مبرر لقلقك ..فأنتِ داخلة بمعرف وهمى ولن يتعرف أحد عليكِ ،،

وما زلت أذكرك بضرورة احتوائك لأخيكى ...وان تكونى له نعم العون بعد الله حتى

يشعر بالأمان الذى يجعله يبتعد عما يتعاطاه ...ومن الضرورى أن تحاولى أن تقوى

صلته بالله ...وتشجعيه على التقرب من الله ..بكافة الطرق الممكنة ..فقربه هذا

من أهم الأشياء التى ستعينه إن شاء الله ,,,ولا تنسى ان تدعى له دائمًا وخصوصًا

فى الثلث الأخير من الليل ..حيث يتنزل الله عز وجل ..ويجيب دعاء السائلين ،،،

وطمنينا عن جديدك دايمًا ..

انادخلت على منتدى التجارب وهكتب موضوع جديد غامض عن ده شويه والله المستعان بس اذا تكرمتى قوليلى امتى الاخصائيين هيتواجدوا وهل اقوم برفع موضوعى بدعاء كل يوم حتى وصولهم بسلامة الله ولا هو موضوع واضح بدون رفع وجزيتى خيرا

يسلم قلبك الابيض اختى الحبيبه والله انك انسانه بحق
انافالاول مكنتش دخلت على الرابط وبعدمادخلت غيرت رأيى وبالنسبه لخوفى هكتب موضوع جديد شامل بس يكون غيرواضح مثل هذا الموضوع
ادعيلى اختى نوفا وادعيله قسما بالله هو يستحق حياه افضل انا ببكى عليه لما الاقيه هايم فالدنيا ربنا يشفيه ويقويه ويهديه قادر كريم
متشكره جدا جدا

أوعدك إنى هدعى له ..وأسأل الله أن يتقبل دعائى ،،

ربنا يفرك كربك وكربه وكرب كل مكروب ،،،

بالنسبة لرفع الموضوع مفيش داعى ..وأنا بوعدك عند تواجد أى أخصائى

انى هعرض عليه موضوعك فورًا...

ولى رجاء ..ألا تنسينى انا أيضًا من دعواتك ،،،،

اسأل الله العظيم الكريم ان يسعدقلبك ويراضيكى ويطمن بالك فى دنياكى ويرزقك جنة النعيم فى اخرتك
مش عارفه اوصفلك فرحتى بوعدك لى بالدعاء لاخويا ربنا يكرم اصلك ويوسع رزقك يارب وشاكره ليكى جدا جدا اهتمامك واحساسك بيا وبأخى ربى يجعل لك فى كل طريق تسلكيه من يسعدقلبك
امين يارب

انا اللى سعيدة جدًا بدعواتك ..لأنى حسيت بصدقها ،،

وانا عند وعدى..دعيت لأخوكى اليوم ..ولن أنساه من دعائى دومًا إن شاءالله

وأرجو ان تطمينى على جديده ..لو سمحتى ،،

تسلمى وبارك الله فى عمرك واسعدقلبك
امين
ان شاء الله هبعتلك اطمنك على احواله باستمرار
والله اسعدتينى حسيت ان الدنيا لسه فيها قلوب رحيمه وناس تحس بالغير وتهتم ربى يسعدك مثلما اسعدتينى

ربنا يبارك فيكِ حبيبتى ويسعدك بشفاء أخيكِ عن قريب إن شاءالله

انا قرأت كلامك بملتقى التجارب ..وحبيبت أطمنك أن الأدوية النفسية ليست

إدمانية ..يعنى لو ذهب أخوكى لطبيب نفسى ..وأعطاه أدوية فلا تقلقى ،،

المهم يكون تحت إشراف طبى ونفسى حتى لا يعود لهذا الإدمان ،،

انتى من أى منطقة ؟؟؟؟؟

الله يطمن قلبك زى ماطمنتينى
انامن مصر ومقيمه فالقاهره نفسها
ادعيلى اعرف اقنعه بالعلاج النفسى لانى حاسه انه رجع للحبوب تانى لانه بقاله يومين نايم ومش بيرد على تليفوناتى واخويا الصغير اللى عايش معاه مش بيعرف يتعامل معاه بيتعصبوا على بعض والله قلبى وجعنى يانوفا وبقالى يوم ببكى على حاله