من شكى ظلم الليآلي والغدر ..!
 

السلآم عليكم ..
كيف حآلكم انآ ماسجلت بالمنتدى هذآ الا آعجابن فيه ..
بالبدايه انا اعاني الرهآب الاجتماعي من يمكن ست سنوآت ..
نتيجه المعامله السيئه من المجتمع من الاب من الاصدقآء من الجميع ..
مشكلتنا اننا لانعآمل الطفل معآمله صحيحه يعني تروح تجلس مع الرجاال
يقول ابوك رح العب مع الاطفااااال صحيح تبي تروح تلعب لكن مو كل شوي ..
لدرجة انك تحرم من الجمعات ومن الاختلاط مع النآس ..
آتذكر الحقيقه قصة حيآتي بشكل وآضح يعني كل مآ مرت على ذيك الذكريآت ..
اتآلم لدرجة اني ودي اعيد حيآتي واخليها حيآة صحيحه الله يسآمحك يآبوي
دمرت حيآتي وخليتني مقآبل آربع جدآرن لا اروح لا احد ولا احد يجيني ..
المهم سآلفة الرهآب هذآ قصته قصه يعني تخيلو آحد يروح المدرسه ..
من الحصه الاولى لين السآدسه او السآبعه وهو سآكت هذآ مو عذآآآآآآآآآآآآآب ..
والله عذآآب انا ودي آتغير عجزت اتغير حتى ودي آروح للطبيب بس آخآف اروح
اخاف مآعرف اسوي شي هنآك وشلون بتكلم مع الطبيب وشلون الطبيب بيتكلم معي ..
الله يعين بس زآد على الرهآب عندي تآنيب ضمير بدرجة كبيره والقصه اني شريت سيآره
وذي السيآره وسويت فيهآ حادث ويآلله عاد انا ماتحمل على طول اعظم الاموور ..
لازلت اتحسف عليها ما امداني شآريها لي شهرين وسويت فيهآ حادث ..
اقعد اقول لنفسي آنا انسان فآشل وآنا ماستحق آبدآ آي شي بهآذي الحيآة ,,
يعني تعرفون تآنيب الضمير كيف الواحد يعيش معه ..؟ وبعد آضف لذلك اني الى الان
ماوديت سيآرتي للورشه لاني ماعرف اخاف يصير لي شي هنآك موقف محرج ولاشي .
انا مدري ليه آحس ان ابوي دايمن احسآس اني احس انه ماكان ودي اني آصير ولده
يعني مافيه ابو يحب يشوف ولده بهذآ الشكل سآكت وخواف وفآآشل ..
__

عليكم السلام

اهلا وسهلا اخ معاذ , ياليت تذكر لنا عمرك ومرحلتك الدارسيه

ظروف التنشئه لها دور في صقل الشخصيه لاكن لانسقط جميع المشاكل عليها

هي ظروف بيئه ووراثه وخبرة ,


* ماهي ابرز الافكار المسيطرة عليك وماهي الاعراض الجسديه التي تعاني منها ( ضربات القلب - رعشه - )

في انتظارك

عليكم السلام

اهلا وسهلا اخ معاذ , ياليت تذكر لنا عمرك ومرحلتك الدارسيه

ظروف التنشئه لها دور في صقل الشخصيه لاكن لانسقط جميع المشاكل عليها

هي ظروف بيئه ووراثه وخبرة ,


* ماهي ابرز الافكار المسيطرة عليك وماهي الاعراض الجسديه التي تعاني منها ( ضربات القلب - رعشه - )

في انتظارك

____
هلا فيييك اخووي ..
عمري 18 سنه ادرس بالمرحله الاخيره بالثانوويه ,
الافكآر المسيطره علي هي اني لاجيت اتكلم مع احد يجيني شي احس اني مختنق
يعني فرضا ناس يجون يكلمونك وماتعرف ترررد عليهم وتهررب يعني باختصار
هي ضربات القلب فيه شووي رعشه بعد

اهلا اخ معاذ

انت في طور النمو الجسمي والعقلي 18 سنه هي فترة مراهقه تريد اثبات رجولتك هنا وهناك لذالك لاتقسو على نفسك , المرحله الثانويه يكثر فيها الاصحاب والاختلاط بهم واثبات القوة ( الهياط )

بعكس المرحله الجامعيه او الكليات الاخرى لذالك لاتتصور بان المرحله الثانويه راح تتكرر معك , الاهم تعلم الحد الادنى من المهارات الاجتماعيه فقط


بالنسبه لضربات القلب والرعشه اذ كانت خفيفه هناك طرق للاسترخاء ( قد تبدو سخيفه عند البعض لاكن لها فائدة عظيمه باذن الله )

اتمنى مشاهدة المقطع على اليتيوب

http://www.youtube.com/watch?v=whO9ZLT5ORQ


* اخ معاذ هذة صفحتك وانا بالخدمه دائما اكتب مايدور في مخيلتك