آرجو المساعدة
 

السلام عليكم .،

تكفونن ???‏????نـ? تعبانة واختباراتي قربت

ابي ايميل استشاري او استشارية

الله يفرج همكم

وشكرا ..

أفتحي موضوع جديد في عيادة مشاكل الكبار وسوف تلاقي جواب من الأخصائيين أو الإداريين

وش نوع تعبك ؟

خوف وقلق من وانا صغيرة والحين عمري 18
عندي اكتئاب حاد ووسواس واذا قربت آلاختبارات تزيد علي تعبت

والله حراااام
احس يوم عن يوم تكبر وانا ما عاد فيني اتحمل كرهت حياتي وحاولت اني اوصل الى استشاريين نفسيين وسجلت في اكثر من. 10 منتديات واخرهآ منتداكم
حياتي راح تنتهي وانا الان في فترة اختبارات وخايفه حدي

ارجوكم ساااعدوني والله ظروفي صعبه
ابي ايميل اي استشاري نفسي لاني مررررة تعبانه ومافيني اتحمل اكثر من كذا

؛(

أختي..أن شاء الأمور طيبه وهدي أعصابك..ناظري في الدنيا من هالزاوية... زاوية الأمل والتفاؤل.. زاوية أن الخالق لايعجز عنه شي في هذة الحياة الدنيا...

أنتي اللي فيك جداً بسيط جنب أناس يعانون أمراض عضوية مزمنة يتمنون يوماً ما أن يكون فيهم اللي فيك ولا اللي هم فيه...
أنتي اللي تسوينه أنك ماتبين تقاومين الوساوس بنفسك وأرادتك..طول هالفتره أنتي اللي تسوينه تتعايشين معاها فقط دون البحث بشكل عقلاني عن كيفية دحضها...

ولما تعبتي أردتي الغير ( الأستشاريين ) البحث عنك أو أعطاءك أدوية تساعدك على ذلك رغم أنك في الحقيقة لاتحتاجين لذلك...

أنا مستعد أتناقش معاك لين بكرة واذا ماطلع معاك نتيجة أنتي بعدها حره...


محدثك = ضحية علاج نفسي وخبرة سنه ونصف...

شكرآ اخوي ع الرد

الحمدلله على كل حال..
والله اني صابرة ولا عمري فكرت آروح لعيادة ولا اخذ ادوية ولا شي من عمري 8 سنين فيني قلق والحين حالتي زادت خاصة السنة هذي وصلت للاكتئاب حاد ووسواس الموت وخوف من كل شيء ونوبات هلع كل يوم : والاعراض فيني صداع مستمر وآلام المعدة وبرودة وتنميل شديد في الجسم وعرق وخفقان وآلام في الصدر شديدة وماعندي شهية للاكل ابد ونغزات بالجسم والله خسرت اهلي كل يوم بالمستشفى بدون فايدة والحين ماعاد اروح لأني مابستفيد شي نفس الادوية فيتامينات ومغذيات ونزل وزني 10 كيلو ولا اروح المدرسة من اسبوعين اهملت كل شيء وكتبت بقوقل يطلعلي اعراض العين او المس وتزيد الوساوس صايرة مااطلع ولا اكلم احد وبكاء مستمر وكرهت كل شيء الحمد لله اسمع واقرأ قران والرقية ..

آسفة عالاطالة ..

عندك عياده مشاكل الكبار وممكن كمان موقع المستشار او موقع الاستشارات كل هؤلاء ان شاءالله بيساعدوكي كثير الله يفرح همك

اول شي هوني تهوناغلب الي هنا مروا بحالتك ويمكن بشكل اكبر بكثير


ندري انه احساس غثييث ومايحتمل ولكن نحكم عقلنا وندرك وبكل حواسنا ان لنا رب قوته تفوق قوة همونا واوجاعنا .

انتي خسرتي اهلك على مستشفيات مغذيات وفتيمنات وكأن بك شي عضوي لاسمح الله انتي تحتاجي طبيب نفسي توجهي لاقرب عيادة نفسية وستجدين الحل صارحي اهلك بحالتك وتوكلي على الله .

شوفيلك راقيه وروحي لها وخليها تقراء عليك اللي فيك والله هوالعالم انه حسد لازم تقراين علي نفسك

إن شاء الله شكرآ ع مساعدتك

شكرآ عالمساعدة

أهلي يدرون باللي فيني و مفكرين اني ابالغ او اتصنغ آلمرض وحالي عاجبهم

أنا من زمان فكرت اروح عيادة بس اذا الاهل مايبون ماادري وش اسوي

والله حاولت اروح بس اهلي مو راضيين يقتعون

ابي طريقة غير احد يرقيني ابي اعرف وش آلي فيني

وباكر عندي اختبار نهائي ولازم اروح ولي أسبوعين منقطعة عن الدراسة وفكرت اترك الدراسة بس آخر سنة لي ومابفى شي غير اسبوعين

جزاكم الله خير

الله يصبرنا الحال من بعضه وانا بعد ع قرب اختباراتي بكرا ان شاءالله جاني صداع مايروح مستمر وقلبي صائر يئلمني وخفقان بس اقوم احس سويت مجهود الساعات

خلينا نستغفر بنية الشفاء وربي يرحمنا برحمته ولايضيع لنا تعب اهم شي دراستك لاتفكري تبطليها

مافيك إلا كل عافية ان شاء الله يا أخت واهم شي لاتعطين الموضوع اكبر من حجمه طول الوقت ..
اول نصيحه انك اليوم تقرأين سورة البقرة وبعدها أبي تطبقين اللي انا كاتبه في رد هذا الموضوع/
http://nafsany.cc/vb/showthread.php?p=782188#post782188

وبعدين تبدأي بالمذاكره وراح تلاحظي بإذن الله ان امورك متيسره يارب وراح ترتاحين

ملاحظة: ابتعدي عن الشاهي والقهوة والبيبسي خلال هذه الفترة لأن كلها مسببه للقلق في مثل حالتك

وأمورك طيبه ولاتخافين من شي وفكري بمستقبلك ولايروح مستقبلك بسبب شي تافه

بالنسبه للطبيب النفسي أنا اشوف تزورين معالج او اخصائي نفسي يعني يدربك تدريب سلوكي بدون اي ادوية لأن الأدوية أغلبنا جربها وماجابت أي نتيجه وبالعكس الأدوية تسبب اشياء ضاره وراح تدخلين في دوامه ثانيه .

الله يشفينا ويشفيك يارب