الهلع رجع لي..بس هالمره انا خايف
 

السلام عليكم
الله يشفينا ويشفيكم ويرحمنا برحمته ويدخلنا جنته يارب

اخواني واخواتي انا توي جاي من المستشفى

وحالتي النفسيه محطمه حيل
وما جا على بالي الا انتو ..

انا جاني نوبه الهلع اول مره قبل 3 شهور وجاني بعدها بكم يوم واختفى ..
وانا فرحت لكن الخفقان اللي مستمر لحد الان

ومرت الان ثلاث شهور ورجع لي

قبل ماجي من المستشفى كنت بتوضى عشان اصلي الفجر وانا من اول حاس كتمه بالنفس وفجاه حسيت باول احساس جاني مع اول نوبه هلع وخفت لما تذكرت اللي صارلي ..حاولت اتمالك نفسي ومافكر عشان اقاوم الهلع ويروح لكن للاسف

يوم حسيت بكتمه شديده لدرجه اني بتنفس من فمي وماحس انه اكسجين بيدخل وبدا الخفقان رحت صليت وسلمت واحس روحي بتطلع لما مسكت قلبي كان زي كذا

دق دق دق دق..دق دق دق..دق دق دق

كان قلبي بيتجاوز الضربات ويتوقف بعدين بيرجع يدق

ورحت المستشفى وعطوني محلول وانا بعاني فوق السرير والله تعبت تعبت تعبت

خلصت من المحلول قمت ومشيت شوي وبعدها عطست ..وفجاه رجع النفس طبيعي وقدرت اتنفس من انفي حسيت كانه فيه خيوووووووط تقطعت وقدرت اتنفس

ولما قلت للدكتور ابغى اكسجين قالي عندك 99 مايحتاج

طيب ليه الكتمه ليه

انا تعبت يعني ليه النفس تسوي كل هالاشياء انا اللي اعرفه من صغري النفسيه بس مزاج ويتعكر ماتوقعت انه يسوي في الجسم كذا

ولحد الان انا مقتنع انه السبب عضوي ومادري ايش هو ؟؟

ومستشفيات زفت محد يهتم ابدا

انا مادري الى متى يصير بي كذا

متى ارتاح

السلام عليكم
اسأل الله لك العفو والعافيه
هل تستخد العلاج الدوائي ؟ وما هو نوعه ؟ كم الجرعه ؟

هلا اخوي

اذا تحس انه الكتمه تطوول وانها موب وهم يعني هذا شي عضووي

انا كنت اعاني من ذي الشي وحتى كنت اخذ جرعه زنكس بس بعد الاعراض نفس الشي

استغربت من حالي لانه المفروض ماتجيني كتمه النفس وضيق التنفس لانه يلازمني طول اليوم

واكتشفت انه معاي جرثومه المعده ياليت تجيك على الحرثوومه لانها تسبب ضيق تنفس شديد

الله يعينك

هلا حبايبي الله يحفظكم..

بالنسبه للدواء ماستخدمت ولا دواء لحد الان لاني سبق وقلت ادويه نفسيه ماراح اخذها

لاني عندي الوسواس القهري وتحملته 10 سنين مابي اتعالج الا بالسلوك..

لكن الخفقان والكتمه ...الخ ماتوقع ان الادويه النفسيه تشيلها>>احس ان في شي عضوي

......................................
اختي الفراشه بالنسبه للجرثومه تدرين انا مره شاك بهالشي..

خصوصا اني من 3 سنين اي وجبه دسمه اكلها على طول يجيني الم مو طبيعي

وقبل 6 شهور جاني الله يكرمكم اسهال مستمر حتى لو اشرب مويه..

واستفراغ قوي لدرجه اني احس فيه كوره بتطلع من فمي وعيوني بتطلع من مكانها

وراح ورجع لي فتره بعدين راح ..

وانتفاخ بالبطن ملاحظ من اماكن معينه وحموضه تطلع من فمي

وغازات كثيره

بس مافكرت اشخص مادري الجرثومه تسبب خفقان ؟؟

انا اللي قاهرني انه اول مره انا وهمت لنفسي بعدين جاتني نوبه الهلع

يعني ماجاني الخفقان من حاله<<وهذا الشي ممكن يثبت انه عضوي

لكن ماني فاهم ليه بيصير كذا

وخصوصا لما اوقف على حيلي يشد معي الخفقان

مرات اسمع قلبي يضرب كانه طبله ومرات احسه يرفرف زي الريش ومرات احس قلبي مره ضعيف لدرجه اني احس انه مايقدر يوصل الدم لاماكن الجسم

انا مالقيت الاهتمام بالمستشفيات الحكوميه ابدا

واذا دبرت فلوس ورحت خاص طلعولي الف مشكله

قبل فتره رحت مستشفى المدينه الوطني قالولي كشف الايكو بـــ750؟؟؟؟؟

يعني انا لو بسوي فحوصات كامله قد ايه بيكلفني 10000 الاف؟؟؟؟


انا تايه وحياتي تدمرت ودراستي تركتها وماصرت افكر الا بقلبي

استغفر الله بس

ربي يشفيك اخي يااارب
اخي انت اتخلصت من الوسواس من غير ادوية!!؟

بس انا حاولت كثير انسى بس بترجع تضايقني

وحالتي بتدهور يعني الاعراض تطلع لي شوي شوي كانه فيه شي بجسمي محتاج علاج وكل ماله بيتأزم

.....

اما بالنسبه للوسواس اخوي
انا ماتخلصت منه بالكامل
بس اهون من اول بكتيرررر

انتا لازم تتخلص من الاساس عشان تتشافى

يعني وسواسك من المرض لازم تطنش وتقول في نفسك خلي المرض يجيني عادي

فتره وراح تتعود

انا كان عندي وسواس انه الناس راح يكرهوني وقلت في نفسي خليهم يكرهوني وتعبت لكن في النهايه تحسنت


المساله ترا تعووووود انت لما تتعود ع الوسواس راح تحس انك لو تركته بيصير كذا وكذا وكلها اوهاااام

انا معاك انه متعب والا يومك انا بعاني



بس كلها تروح

اهلين

اعراضك اعراض الجرثوومه وخصوصا الخفقان تسبب خفقان القلب

بصووره كبيره وخصوصا اذا بتسوي مجهود حتى لو كنت نايم


جرب تحليل النفخ ياكد لك خلوك من الجرثوومه

يعطيكي العافيه اختي فراشه

انا راح اسويه

والله يكتب اللي فيه الخير

جزاكم الله الجنه وشفاكم من كل مكروه

اخوكم اسير

إن شاءالله اخي انها تروح وربي يشفينا أجمعين المشكلة انا شاكة اني كافرة لاني قرات فتوى ان الشك ردة عن الاسلام بس ماادري هل انا شكيت ولا بس وسوسة والله ماااادري احاول أميز ماني قادرة !!!!
ربي يشفيك اخي ويجعلك من كل هم فرج وشكراااااا على جوابك ربي يحفظك ويعافيك.

انت يا اخي السبب موجود عندك من اسمك اسير احزاني ...لما اتبطل اسير الاحزان كل اشي يروح