مين صار له كذا
 

صباح الخيرات/ انا مصابه بالهلع والوسواس خخخخ ندري ماقلتي شي جديد المهم اذا كنت بمجمع او سوق اسولف واتعرف على اشخاص ماعرفهم يعني لاصارت جنبي وحده اطق سوالف معها كاني اعرفها من قرن خخخخ واذا صرت بمستشفى وشفت حرمه كبيره بالسن احب اخدمها واقوم فيها مو على الله لانه دعوه العجايز مستجابه خخخخ وانا متعوده لاصرت بسوق وكذا وشفت عامل نظافه اعطيه يعني اتصدق عليه فامره كنت بالسوق وشفت من بعيد عامل نظافه يعني المسافه بينا وبينه 3شوارع فاقلوا اهلي لاتروحي امس متصدقه فاانا مايمشى عندي هالكلام خخخخ فجاءه اهلي فقدوني وقالوا اووف عديتي ال3 شوراع عشان تعطينه قلت ايه والله شكله ملفوح من الشمس ماطوعني قلبي فاعطيته علبه مويه ومبلغ من اصبت بالهلع وانا متغيره وصايره كذا فاهلي متضايقين من اسلوبي وتعاملي مع الغير مادري من الادويه خلتني مهلوسه ولا هالشي من الهلع فابغى اسالكم ي مهلوعين هل اسلوبكم تغير بعد مااصبتو بالهلع ولا كيف خخخخخ جاوبوني لاانهبل واحس اني انسانه مخرفه مبكر خخخخ 09`1`01`01 ميمي ال(..................... ) اكملو الفراغ بمايناسبه بجمله مفيده خخخخ

أسأل الله أن يشفيك

ههههههه ذكرتيني ليما كنت رايحه السعوديه بالجسر كل مااشوف عامل نظافه بالجمارك اعطيه فلووس

حتى لو كان مر علي وعطيته هههههههه

عادي اختي

:)

ميمي الغالية ليه تقولين عن نفسك كذا بالعكس انتي ربي ابتلاك عشان يشوف مدى تقربك لله

ذكرتيني مره مرافقة مع الوالدة الله يخليها وارتفعت درجة حرارتها ولا حد حولي وطرت زي المجنونة

اوزع فلوس عل الكلينر (عاملات النظافة) والحمدلله انه ربي فك امي وترا جوانب الصدقة كثيرة حتى معاملة

كبار السن تقربي بها لربك شئ حلووووو

وبالنسبة للاجتماعية انصحك ما تصيرين زيي خففي منها اذكر رحت مراجعه للمستشفى وجت وحدة معها امها

وهرتني اسئلة كنت تعبانة وسالتني ونفضتني نفض وانا اجاوب ويوم قلت لها انتي وش جايبك للمستشفى

يالله بايالله ردت علي انا عصبت وكرهت روحي وقتها ^_^

وتقبلي ودي .

بالعكس الصدقه تطفئ غضب رب العباد
اخت زوجي باعت كل ذهبها وتصدقت فيه كله
لان ولدها كان مصاب بالسرطان بالكلى والحمدلله ربي شفاه

كلنا في الهوى سوا أو سوى إذا نزل السيروتنين يزيد الخوفتنين والكرمنالين مع الأدرنالين وهذا شئ طيب قال الحبيب صلى الله عليه وسلم إن صدقة السر تطفئ غضب الرب وإن صنائع المعروف تقي مصارع السوء بس في شئ بكلامك مخوفني ومشككني بالدواء اللي عندك ، كلمة خخخخ في نهاية كل جملة !!! أنا فاهم إنها ضحكة بس إذا كنت بكلامك مع الناس تقولين خخخخ ورى كل كم كلمة لا أنصحك راجعي الطبيب وخليه يغير الدواء والله يشفيك ويشفينا ويغنينا عن الأدوية ?

يا بندق انشهد انك انسان مهستر ههههههههههههههههههههه وش دخل خخخخخخ في العلاج صادق انت يوم تكتبها والا تمزح هههه او يمكن عندك بعد نظر تكتشف ان المريض مايصلح له علاج معين بسبب طريقه كتابته ،، الله يسلمك حبيبي وتقبل مروري عليك

هلا
 

خخخخخخخخخخ من جدي ي بندق الدواء سبب لي هلوسه وصرت اقول خخخخ امزح لاالدواء ماله دخل بس يمقن انا خرفت ولا صابني طشار مادري وش السالفه اذا الله كتب لي عمر جديد بعد العيد راح اسال الدكتور واقول وش معطيني من ادويه خلتني امشي واقول خخخخ على قولتك ي بندق لا من جد الدواء سبب لي اعراض الي هي دوار قلق توتر بس المشكله الدكتور مايخليني اتكلم كل ما قول كلمه سكتني يفكر نفسه فاهم كل شي مع خشته بس مره احرجته وقلت له انت مستشار لاتسوين نفسك طبيب فاجلس يبلع ريقه ماعرف يرد علي خخخخخ والله صحيح اني جبتها على الصميم ميمي المرجوجه دائماا وابدا خخخ واي حدي سخيفه والله طفشانه واخربط بالكيبورد بقوم اصلي الوتر وش تحسين فيه انتى اركدي ي بنت خخخخ ربي يشفي اعضاء منتدى نفساني ويعافيهم ويخفف مافيهم ويجعل مافيهم تكفير ونخفيف لذنوبهم وخطائيهم هذا دعائي لكم يوميا 09`1`01`01

ماشاءالله ياميمي أحسك تحسنتي كثير الله وهذا واضح من كلامك ماشاءالله تبارك الله الله يديم عليك الصحه والي تعمليه جداً رائع الله يجعله في ميزان حسناتك

السلام عليكم هلا والله بالطيبين بالأخ ملحوس والأخت ميمي كتبت الرد ونمت وأحلام وكوابيس خصوصا بعد نوبة الهلع اللي صارت معاي أمس وكانت بعد غيبة طويلة وحسيت روحي بتطلع وخفت وحاولت أقرأ الرقية ما قدرت أكملها حسيت زاد علي التعب وخليتها من الخوف ولما سمعت الرقية الموجودة بموضوع نداء للاخت حنين الذكرى على طول نمت .
المهم أخت ميمي لاتخافين ماعليك شر إن شاء الله وشئ طيب إن الواحد يتقرب إلى الله سبحانه بالصدقة وماهي أعراض غريبة ولا خبال ولا بداية هبل لانك في حالة من القرب إلى الله والإحساس بالحاجة إلى رحمته أكثر من غيرك اللي ماهو عايش الإبتلاء مثلنا قبل، ممكن يتعجب من حالنا الدنيا شاغلته واحنا زاهدينها من اللي فينا وهذه حلاوة الإبتلاء انك بحالة من الصفاء مع الله أكثر من أي وقت فات كان شاغلك طول الأمل الله يفرج عنا وعنكم كرب الدنيا والآخرة

الأخ ملحوس حياك أنا أتغشمر ويا الأخت ميمي بخوفها من الدواء أنا أحس ساعات إن أفكاري مو مترابطة وماني عارف أعبر كتابة وحتى بالكلام وهذا من التوتر لأن الذهن مشغول ومافي توافق الخوف سابق التعبير فالكلام ساعات يطلع ملخبط خصوصا مع واحد صاحي ولا طبيب عندك مليون فكرة بمخك تبي تقولها مرة وحدة وحاس إنك ملحوق ماعندك وقت هذا إحساس الهلع
الله يعفي عنا وعنك ومبارك عليكم الشهر لاتنسون أخوانكم بسوريا لا تخلون الدعاء ادعوا الله يخلصهم ويفرج كربهم ويهلك بشار ومن ساعده وناصره من حمير اليهود


تحياتي ....

هلا
 

السلام عليكم ورحمة الله وبركاته
الأخت ميمي أعراضي متنوعة مرت علي كل الأعراض والأفكار والأحلام والفحوصات أو خلينا نقول جلها يعني أكثرها علشان ماأكون مبالغ رجفة سرعة دقات قلب خوف غريب إحساس إن الشخص اللي كان إسمه إسمي وجسمه جسمي قبل شهر يوليو 2008 هذا واحد ثاني نسيته وولهت عليه ومتعجب شلون كنت أسافر بروحي وأمشي وسط العالم وأروح كل مكان وأنام وأصحى مرتاح لو نايم نص ساعة، الحين حاليا فلتحيا التنبلة بمعنى الكلمة تنبل بضمير واستحقاق وأنا متمدد حاس إني تعبان ودي أريح من السدحة وإذا وقفت هو هو هو أحس دقات قلبي تسرع طبعا موطول الوقت لكن أغلب الوقت باستثناء بعض البريكات ساعات يطول البريك يوم يومين أقول يمكن طبنا وغدى الشر لكن ثاني أو ثالث يوم ترد بقوة يعني أنا ماعندي نوبات هلع متكررة لأني حاس إني عايش نوبة مستمرة وأكثر شيئ مخوفني ضيق التنفس اللي معاي أغلب الوقت أول ما أصحى من النوم آخذ شيق أقول يمكن اليوم طبت واقدر أملئ صدري بالهواء لكن الشهيق عندي ضعيف وخصوصا إني مدخن واقعد أفكر يعني بعيش طول عمري مخنوق وسويت فحص الرئة ساعات يطلع ضيق خفيف وكل طبيب يفحصني لما يعيد الفحص يقول توتر الضيقة اللي عندك بسيطة عند كل المدخنين والفحص بعد المهدئات يصير طبيعي يعني الضيقة ضيقة قلق لأني لمايجيني صداع يصير التنفس عندي طبيعي وأركز على راسي وانسى الضيقة وبعدين أفكر بالقلب واعتفس والنفخة والارتجاع والجيوب تحالفوا علي شد عضلي بالرقبة والأكتاف وبالصدر ورأس المعدة وبكل مفاصل جسمي أما الخوف وما أدراك مالخوف مع هذه الأعراض مسخرة بس قاعد أفكر بالموت وإذا طلعت ووقفت بالزحمة أحس ودي أفتح باب السيارة وأركض من الخوف أو بصالون الحلاقة أول ماأقعد على الكرسي وأحس إني بنص الحلاقة يعني ما أقدر أطلع الحين لأن شكلي مسخرة إذا طلعت بنص لحية ولا شعري مقصوص من ناحية وحدة ولما يقرب من التشطيب أبتدي ارتاح شوية وأقول قربت الطلعة أما إذا صار عندي اجتماع بالعمل ياسلام من أول ماتكلمني السكرتيرة تبلغني بالإجتماع إلى يوم الإجتماع وأنا مستنفر وتوتر وقلق ورعب وداخل غرفة الإجتماعات مرعوب واتصنع الضحك أخاف أحد يلاحظ رعبي وخوفي ولا أخربط بالحجي وصارت فيني أول سنة هلع يتكلمون بموضوع وأنا راد بموضوع ثاني وبكل ثقة آه آه لاحول ولاقوة إلا بالله يمكن تخليص ذنوب كل ايجابياتي صارت سلبيات الطلاقة والفصاحة صارت تلعثم بالكلام وصعوبة بمجاراة الآخرين الإستيعاب والقدرة على التحليل صار صعوبة تركيز وشرود ذهني الشجاعة والنشاط صار خوف وتنبلة شنو بعد مابقى إلا الأحلام والكوابيس ومعانيها خصوصا إذا شفت شئ ممكن يفسر بطريقة تشاؤمية مثل واحد اسمه أو اسم العائلة على يوم من أيام الإسبوع إذا شفته بالحلم أقول أكيد راح أموت بها اليوم ويتيتمون عيالي وأنا اللي مخليني متعلق بالدنيا وبالحياة عيالي ماأبي أفصل أكثر بالأحلام والخوف من الموت لأن في أفكار ممكن تأثر عليك وعلى غيرك وإنتوا بغنى عنها لأن طريقة تفكيري والأحلام اللي أشوفها تخوووف وفهمي لها يخوف أكثر وبالنهاية كلها من الوسواس الخناس اللي همه الأول والأخير إنه يوصلك لشقاء الدنيا وعذاب الآخرة الله يجيرنا ويجيركم منه ومن وسوسته الحل الوحيد الثقة بالله وعدم القنوط والتعلق بالله وحده مع اتخاذ الأسباب والإيمان بأن الله سبحانه هو من سببها وسخرها سواء كان السبب دواء كيميائي فهو من أوجد أصله والعقول التي ركبته أو كانت الرقية فالكلام كلامه سبحانه والراقي عبد من عبيده اغتنمي واستثمري هذا الشهر الكريم بالصيام والقيام والدعاء والحي سبحانه قريب يجيب دعوة الداعي إذا دعاه ،اللهم ياقوي ياعزيز يامقلب القلوب ثبت قلوبنا على دينك بحق هذا الشهر الفضيل الكريم شهر رمضان الذي أنزل فيه القرآن اللهم اجعل مافي قلوبنا من هلع وخوف وهم وغم ينتقل إلى طاغية الشام بشار الفار وجنوده وزبانتيه ومن شايعه ونصره ونكل بأهلنا في سوريا اللهم وابدلنا به سعادة وسرورا وراحة بال غابت عنا فارجعها يا عفو ياكريم واجعلنا ممن طال عمره وحسن عمله وبورك له بصحته وعافيته وذريته اللهم ارزقنا سرور الدنيا والآخرة من غير حساب ولاعتاب ولا سابقة عذاب بالدنيا والآخرة وارزقنا اللهم طاعة أساسها اليقين وهدى من عندك لما تحب وترضى وصل اللهم وسلم على سيدنا محمد سيد الأولين والآخرين وعلى آله وأصحابه أجمعين .?

علامة الاستفهام الأخيرة هذه مندسة على الموضوع المفروض نقطة

testfgfdgfgfgfdgfdffffffffffffffffffffffffffffffff ffffffffffffffffff