كنت شجاعا أما الآن فأنا رهابي
 

انا مثلك اعاني من واسواس
واحس فيني رهاب لكن مطنشته
تصور حتى لو رحت زياره لاهلي اتوتر وابي ارجع لبيتي لكن اطنش
واهل زوجي مابي اروح لهم لكن مجبره واضغط على نفسي
حتى لما اطلع مشوار مع زوجي اكون متوتره وعلى اعصابي لكن ابين اني طبيعيه

الحل انك تواجه الموقف وتكون طبيعي وتطنش

الله يشفيك ويشفينا يارب

شكرا لكم كثيرا
أهم معلومة هي التطنيش وعدم الإكتراث

عنوانك جميل جدآآآ وبنفس الوقت احزنني كثيرآآآ

والله اني كنت مثلك اخوي مخلب النمر لاكن مانقول غير الله يشفينا والحمد لله ع كل حال ........

الرهاب مرض غريب و غير مفهوم ..
كيف يأتي الشجاع و الجريء ؟؟

أتمنى لكل المبتلين الشفاء العاجل.

الأخ رحال
هل كنت تعاني من رهاب قوي جدا
أم رهاب متوسط أم أنه ضعيف ؟؟

كان قوي جدآ عانيييت كثير ووقتها ماكنت ادري ان في شئ اسمه رهاب كنت منعزل عن العالم وكنت اشعر اني ماراح اتخلص منه
لاكن كثر انكبابي على الكتب تطوير الذات وتغذيه فكري بالكلام الايجابي ومع الممارسه استطعت التخلص منه ولله الحمد...استغفرالله العظيم واتوب اليه
:
:في بدايه تخلصي من الرهاب كانت تمر علي مواقف اكون شجاع جدآ ومواقف اشعر بالدوار والاغماء من شده الرهاب ولاكني تجاهلت ردات فعلي واستمريت الى الحمدلله شفاني الله..الحمدلله على كل حال

الله يشفي الجميع ,, انا اعاني من نفس المشكله

الحل المواجهه والتجاهل .. انا الحمدلله تخلصت منه بهذي الطريقه
عقبال يارب ما اتخلص من الوسواس
الله يشفينا يارب شفاء لا يغادر سقما.

طيب اخ محاال ماكانت تصير لك مواقف تخليك ترجع للورا بدال ماتتقدم
يعني انا سبب رهابي من موقف ولازلت اتوتر واخاف مع اني احاول اواجه المشكله يعني انا مشكلتي برجفة يديني مسببتلي ازمه احاول طوال قعدتنا مع اخواتي مع بنات اخوي انا اصب انا اباشر بس لاجونا ضيوف اصير مااقدر امسك بيديني شي من الرجفه كأن فيني الرعاش استغفر الله اتحاشى اكل قدام الناس وان رحنا لاحد اصوم مااكل الا كم لقمه واليد شغاله هزاز
ابي حل والله تعققدت حياتي كلها متوقفه بسبب هالمرض ابي اتوظف ابي اعيش حالي حال الناس

^^^
اكيد كانت تصير لي مواقف ترجع بي الى الدرك الاسفل واشعر خلاص ان الرهاب ماله علاج لاكن مثل ماذكرت كنت اجاهل واستمر لان نتائج التخلص منه ليست فوريه يبي لها استمرار..


اثناء مرحله علاجي كانت تمر بي مواقف مثلا اكون في مجلس كبير وعزيمه كنت ارتجف وعيني ترمش بسرعه واعيد الكلمه كم مره ووجهي يحمرر ويعرق واتكلم في سالفه واسكت في نصها مااكملها هم يناظرون فيني يحترون التكمله واقوم اطلع اقول شوي وآجي:(
وكنت لما يجيبون سالفه حزينه اضحك وسالفه مضحكه ماتكون لي رده فعل ابد ..اللهم لك الحمد..
مع كل ذالك كنت مصر مصر الا اني اتخلص منه لاني قرئت كثير عن اللي تعالجوا انهم راح يمرون بهذه المرحله الي هي مد وجزر فعشان كذا استمريت في المواجهه والتحدث وكلها بشكل تسلسي الا ان شفاني الشـآفي الحمدلله..

لاني حطيت لي اهداف واخذت عهد على نفسي اني اعملها..
ومن ضمنها مثل ماذكرت اني القي محاضره امام مجموعه
لما سخر لي ربي ووجدت مكان القي فيه المحاضره اول يوم القي في محاضره عادت الي اعراض الرهاب كان امامي ضباااب كثيف عقلي ماهو معي واشعر بضغط نفسي رهيب احيانا لم اكن اشعر بجسدي..
الحمدلله اصريت مره بعد مره من القائي تحسنت كثيــر
وكان هناك تقيم على القائي ومن كانوا معي معافين مافيهم شئ والحمدلله تفوقت عليهم واخذت تكريم الحمدلله رب العالمين
والان تركت الالقاء بس كان تجربه جميله اتمنى اعود اليها .

هي في البدايه افكااااار ثم ممارسه (مواجهه)غذي نفسك بافكار ايجابيه لاتقول ابي اتعالج وبس لازم تصر لازم تتعب على نفسك لازم تتحمل كلام الناس الى ان تصل الى هدف..
وبدايه دخولي لهذا المنتدى كان فيني اعراض الرهاب البسيطه والحمدلله الان تخلصت منه الحمدلله

اعتذر اخي على طول الحديث..اتمنى لك الاستفاده والشفاء العاجل..
`111`1`
09`1`01`01
اللهم صل على نبينا محمد
سبحان الله والحمدلله ولا إله إلا الله والله اكبر