مستعد اخذ دواء طول عمري بس اصير طبيعي واعيش مثل باقي الخلق
 

انا لي اسبوعين صرف لي الدكتور علاج فافرين وبداه معاي بالتدرج اول خمس ايام حبه 50 مل بعدها خمس ايام حبتين ضهر ولي 3 ايام 3 حبات 5 مل يعني 150 مل

الي الاحظه ان ولا تحسنت ولا واحد بالميه بل على العكس اصبحت عصبي ومتنرفز وصرت ماطلع من البيت هذا عاد الي ماعرفت حله مو قادر اطلع احس موقادر اواجه احد ببان علي اني مو طبيعي من ملامح وجهي ومتوتر وعصبي

والله الوضع متازم لدرجه لي اسبوعين مو طالع من البيت وابي اعرف ليه مو قادر اطلع رغم اني ابي اطلع لاكن احس شي يمنعني من الخروج

وانا تعبت جدا من هالوضع مادري استمر على العلاج او اغيره لانه زي ماقلتلكم مو قادر اطلع من البيت وجوالي قفلته لان حسيت الكابه زادت علي ولا لي خلق اشوف او اكلم احد وعصبي ومنرفز

ياليت لو دكتور يحي يستشير علي او احد المجربين لاني جربت من قبل كذا دوا بروازاك اول ماخذته كان ممتاز بعدها ماصار يجيب نتيجه بعدها جربت سبراليكس شهرين يعني وخذت سيروكسات 25 كله نوم وافكسر الحمدلله افتكيت منه ماجاب فايده معي والحين فافرين يعني مابقا الا لوسترال زولفت هذا الي في بالي من زمان لاكن مادري ابي رااااايكم والله والله اني اعاني معاناه ماعمري شفتها بحياتي لانها اثرت على حياتي كلها

وصراحه وصلت لمرحله ياس كبيره لدرجه استغفر الله اقول كلام عن الله مو بيدي من القهر اشوف كل الي اعرفهم عايشين حياتهم وانا زي الميت حراااااااااااام والله حرام

ياخوي لا تحكم على الدوا من اول اسبوعين ,, اصبر على الاقل شهر او شهرين ... تغييرك للادوية بهالسرعة ما راح يعطيك نتيجة .. لازم تستمر عليه .

والله يهون عليك يارب .

والله مو اعلم شىء عن الأدويه لأنى مو جربتها لإنى ما رحت لطبيب نفسانى من الأساس ولكن هل للدواء علاقه بنفسية المريض يعنى إذا ما المريض عنده اى امل فى شىء احس ان ما الدواء يجيب نتيجه هل ده ينطبق على الأدويه النفسيه ولا لا ولو ممكن الأخوه يوضحوا لأن ممكن يكون فقدانك الأمل حتى فى الدواء ما يجيب نتيجه وتزيد الحاله عندك. انا والله بييجى عليا اوقات كتيير كتيير ما بدى اشوف حد خالص لأنى انعدمت الثقة عندى بأى بنى آدم! (اللهم فرج هم المهمومين وكرب المكروبين) آمين يارب العالمين.

ياخي الدقيقه اذا راحت وانت مكتئب ومتضايق مصيبه كيف اذا كان اليوم كله؟؟

هذا غير التوتر والعصبيه وتحس ان بدال متعالج الاكتئاب يزيد عليك فانا بين نارين استمر على العلاج او اغيره طيب ياخوي لو استمريت عليه

ماهو سبب اني ماقدر اطلع من البيت احس شي يردني وخووف غير طبيعي مستغرب منه

ياخوي هذي اعراض الدوا في البداية يزيد الحالة لكن يتاقلم جسمك عليه بتحس بتحسن ان شاء الله ,, صدقني استمر على الدوا على الاقل شهرين خلك صبور وانا فاهم عليك وحاس فيك لاني امر تقريبا بنفس الحالة لكن لاني تعبت وودي بحل صابر ومكمل على الدوا .


انا استغربت انك استخدمت السيبرالكس لمجرد اسبوعين او ثلاث وتركته ما يصير ياخوي هذي ادوية تاخذ وقت الين ما تلاحظ مفعولها وبعض الناس ياخذ وقت اكثر من غيره عشان يحس بتحسن .


اصبر فان الله مع الصابرين .

أخي الكريم أنا في بداية إستخدامي للفافرين لاحظت أيام يجيني إكتئاب شديد جداااا وعصبية بس مع الاستمرار راح هذا الشي بس المشكلة لمن رفعت الجرعة ل100 صرت لمن أصحى من النوم احس بضيق تنفس ولو طولت بالوقفة احس بيغمى علي يمكن أوقفه خلاص.

يعني انتي تاخذيني فافرين الان؟ وماهي حالتك بالضبط وجرعه 100 تعتبر بدائيه حسب ماقرات طبعا على حسب الحاله انا سببتلي قلق وتوتر مو طبيعي لدرجه ماقدر اطلع من البيت لاكن عرفت السبب اني اخذها النهار ويوم اني ماخذتها قدرت اطلع من البيت
ورحت مشاوير وانقهرت على الايام الي انحبستها

فالافضل ان الواحد ياخذ الحبه قبل النوم ويفتك من التوتر والقلق

تسلم اخوي بس بعض الاحيان من زود التوتر والقلق تكره العلاج وانا عرفت السبب اني كنت اخذ لحبه بالنهار وكانت تسببلي قلق وتوتر وعصبيه مو طبيعيه ومو قادر اركز مشوش تفكيري لدرجه ماقدر اطلع من البيت بس اليوم ماخذتها وقدرت اطلع من البيت واروح مشاوير وخذتها بالليل عشان ارتاح من القلق والتوتر بس اتمنى يبتدي مفعول العلاج وانا صاابر والله صابر ابي اتحسن يكفي معاناه تعبت ابي اعيش الحياه بنفسيه حلوه اه ياقلبي المسكين الي ماكل هوا

بستمر عليه والله يكون بالعون تسلم اخوي

بالنسبه لافكار الكفر سمعت شيخ يقول ماعليك اثم اذا ماتلفظت فيها لأنها وساوس من الشيطان

اهم شي ماتسترسل فيها وقول "هو الأول والآخر والظاهر والباطن وهو بكل شئ عليم "

ثاني شئ الاحظ عليك كاره حياتك ووضعك بزيآآآآده

وتقارن حياتك بحياة غيرك وانت اصلا" ماتعرف ايش بداخلهم

كل واحد يحاول يبين افضل ماعنده امام الناس لكن ماندري عن خباياهم

جيب ورقه واكتب النعم اللي ربي اعطاك هي عشان تحس فيها وتشكر ربك عليها

ولو انه الواحد مايحس بالنعمه الا اذا فقدها

وكم واحد ما كان حاس بنعمة البصر الا بعد ماصار له حادث وفقد بصره

أو نعمة المشي والحركه و...الخ نعم لاتعد ولاتحصى

اتمنى لك الشفاء العاجل ,,

الحمدلله ان وفقك للتخفيف من حالة التوتر ( بعدما غيرت الوقت)
صدقني هذا بفضل الله عليك جاتك الفكرة،
بالمناسبة، انا استخدم دواء نفسي ( لامكتال) ولما رفع الطبيب الجرعة من 50 الى 100مج صابني خوف شديد وماقدرت اطلع من البيت، فخففت الجرعة بنفسي الى 75مج لأسبوع وراح الخوف وبعدين رفعت الى 100مج والحمدلله ما جاني خوف،

اعتقد ان اذا الواحد صارت له اعراض شديدة بسبب رفع الجرعة، احسن ينقصها شوية وياخذ وقت وبعدين يرفعها،

وفق الله الجميع،،

اقول وقسم بالله الموت ارحم من هالحال

اصلا من البدايه ليه اصيب بهالمرض وليه اخذ ادويه حياتي تدمرت كلها مو شي واحد حياتي كلها

الله يآجرك ويشفيك بحق محمد وآله الطاهرين،،