تجربتي معى الرهاب الاجتماعي وعلاجه واضراره ومنافعه
 

السلآم عيكم ورحمه الله وبركاته
كيف حالكم يا اخواني
انا سجلت في المنتدى هاذا لكي اخبركم بقصتي معى لرهاب الاجتمعي وعلاجه

سابدا بطرح قصتي بلتفصيل وبالغه العامية

اولا: في يوم من الايام كنت جالس لحالي وبعد لحضات دقات قلبي زادت وبسرعه واححسست بدوخه وجسمي فيه مثل الكهرباء احسست بالموت
رحت المستشفى اعطوني مغذي وقالو روح البيت مافيك شي
المهم روحت البيت وصحيت اليوم الثاني احس نفسي دايخ
وحس بطفش شديييد واحس نفسي بموت وما يعجبني اجلس ف لبيت لازم اطلع اتمشى وافكر كثير في حالتي قلت يمكن عين رحت للشيخ وقرى علي قال روح مستشفى نفسي
وخرت الفكرة من راسي اني اروح المستشفى النفسي
المهم كنت اخاف اجلس لحالي عشان ماتجيني كتمه وماحد عندي ويوديني المستشفى
وكنت تعباااان حيييييل قلت يمكن لو سافرت تروح لكتمه عشان اغير جو
وسافرت وبعد يومين اصحابي يضحكو ويفرفشو وانا حزين وتجيني كتمه
وكنت اذا اكلت وزودت في الاكل تجيني كتمه واحس اني بموووووت
دق علي ولد عمتي جوال وقلي في التيلفزيون سمعت واحد مرضه نفس مرضك وقاله لو مارحت مستشفى نفي يزيد المرض وهو يكذب علي بس يبيني اتعالج
المهم فكرت قلت لازم روح النفسية حالتي صعبه ابي اصير مثل العالم
وكنت لما اروح مثلا مكان عام او مطار يجيني مثل البرد ارتجف معى انه الجو ححااااار
ورحت النفسية
قالي الدكتور انت تصلي قلت احيانا قالي لازم تصلي صلواتك لخمس
ثانيا:قال تعالى(الا بذكر الله تطمئن القلووب) قلي تدري وش معنى الايه قلت وش معناها قالي معناها والله لو خلف الجدار حرب انت رح تكون مطمئن ومنت خايف قلت ونعم بلله
قالي كم وزنك قلت وزني 48 قالي وقبل المرض قلت 60 قلي المرض يخليك ماتاكل وهو الي تركك تضعف ملاحضة(وقت المرض كان ما اكل اكل لقمتين واحس اني بطرش)
المهم قالي انا بعطيك حبوب اسمه سيروكسات تاخذ حبة يوميا لمده شهر وباذن الله رح تحس بالتغير من اول اسبوع وجرب وشوف راح تبوس رسي قلت اجرب وارد خبر
اخذت اول حبه وحسيت بخمول وتعب وصداع وقلت للدكتور قالي هاذي اول اعراض من استخدام الحبوب وراح تروح الاعراض والحمدلله رحت الاعراض
ومن اول شهر استخدمت الحبوب ولله الحمد تشافيت من مرضي بنسبه 95% الللهم لك الحمد ياااااااارب
ومن يعاني مثل مرضي لا يخاف يروح مستشفى نفسي ويشرح للدكتور الي يحس فيه وباذن الله زيارتك للصحة النفسية راح تكون اول خطوة من علاجك من المرض بعد الله سبحانه
وانا استخدم العلاج لي 6 اشهر وراجعت الدكتور قالي رح نوقفه العلاج عنك تدريجيا حتى تتركه نهائيا وقالي الحمدلله انت بصحه وعافية ومبروك عليك تشافيت 100% وماتحتاج دكتور
وانا الحمدلله الان تشافيت تماما


الي عنده استفسار او اي شي يكلمني وانا حاضر راح اساعده بكل روح رياضية
الي مستحي يشتكيلي على لعام يكلمني خاص

اتمنى لكم لتوفيق يارب

مبروك عليك الشفاء،
انا بعد الحمدلله طلعت من الرهاب الاجتماعي بنسبة 90%، وهذا بفضل الله ثم الدواء، ولازلت مستمر على العلاج،،

الحمدلله الله يشفينا ويشفي جميع المسلمين

مبروك عليك الشفاء من الرهاب اخوي العواجي وعقبالي يارب :)


انا صار لي شهر استخدم سبراليكس بجرعة 20 والى اليوم انتظر النتايج


ابو علي انت تعالجت بالسيروكسات بعد ؟؟

الف مبرووك ياخوي ويارب شفاء تام ..


وعقبالنا يارب

الله يبارك فيكم وعقبالكم ان شاء الله

ما شاء الله تبارك الله
ذكر تجربتك هذي تبعث الامل لنا جميعا
وجزاك الله خير ونتمنى ان تفيدنا اول باول
واسال الله لنا ولك العافيه في الدنيا والاخره

جربت السيروكسات وكانت النتيجة مذهلة بس طلع هوس وبعد اسبوع رجع الاكتآب ( هذا لما كان تشخيصي اكتآب )
الحين مع مثبت مزاج، الخوف الاجتماعي موجود لكن بسيط نوعا ما،، يعني لازلت ما احب اختلط مع الناس كثير لكن عادي اطلع حتى مجمعات تجارية والحمدلله،