ارجو من كل شخص ياخذ علاج نفسي الدخول
 

السلام عليكم ورحمة الله وبركاته

اخواني الي ياخذون علاج نفسي

ممكن كل واحد يوصف حالته قبل اخذ العلاج وبعد مااخذ العلاج ؟

لو ترجع بك الايام ورا قبل تاخذ علاج نفسي هل تكرر نفس التجربه وتاخذه ؟

هل تعتبر قرارك زيارة عيادة النفسيه واخذ العلاج النفسي قرار صحيح او خطا ؟

هل انت ندمان لانك اخذت علاج نفسي؟


اوصف العلاج النفسي في سطور قل عنه ماشئت من مدح او ذم


انتظر ردودكم

الله يديم عليك الصحه والعافيه

بس الغريب اخوي اني كذا مره قريت لك كلام الي فهمته منه انك الى الان تعاني من المرض

تدري انا وش مشكلتي ؟

مشكلتي اغلب اعراضي جسديه مو نفسيه

يعني انا اروح واطلع واتمشى ومرتاح وعايش حياتي بس جسمي يوجعني عضلاتي راسي عيوني الجهه اليسرى من صدري

كل الدكاتره يقولون اعراض قولون عصبي مع اكتئاب

خايف اخذ علاج نفسي وادخل في دوامه ما اطلع منها


احترت من جد

اللهم آمين جزاك الله خير ...

الحمد لله أبشرك الآن نفسيتي مرتاحة 100% لاأكتئاب ولارهاب والعلاج النفسي ( لوسترال) اخذه بجرعات خفيفة جداً حبة كل يومين أو ثلاثة أيام فقط تمهيداً لإيقافه نهائياً ..

وأستخدام العديد من المكملات والفيتامينات مثل الكالسيوم والزنك والبيومارين ( زيت السمك) والديناميزان وحمض الفوليك ..

هاذي ياطويل العمر يسمونها أعراض نفس - جسدية وعلاجها نفسي حتى لو رحت لطبيبب باطنية راح يعطيك علاج نفسي لها ..

أنصحك تأخذ دواء نفسي واحد أو دوائين بالكثير وتصبر عليها وتركز على المكملات والفيتامينات والأدوية العشبية مثل السانت جونز والمود آيد والريسكيو ريميدي

وإن شاء الله راح يتحسن وضعك ..

ألف سلامة عليك وماتشوف شر ..

تحياتي

:)

الله يجزاك خير

بس اخوي انا سمعت ان السانت جونز وايد مود تتعارض مع الادويه النفسيه

انا بس لو اتخلص من الالام راسي وعيوني وعضلاتي. كان انا بخير

والله خايف اخذ علاج نفسي ومتردد كثيرررررر

يقولون تجيب السمنه والضعف الجنسي

ما أخفيك سرا أنني قبل الأدوية كنت جسدا بلا روح الآن ولله الحمد والمنة تحسن وضعي كثيرا ..
صحيح أن للأدوية النفسية آثار سلبية لكن الايجابيات تطغى على كل السلبيات .. والحمدلله أولا وآخراً

انا انصحك بالرياضه فقط مادام هذي الاعراض اللي تعاني منها , لأنها مع الرياضه بتروح ان شاء الله ..
يعني انت مو محتاج ادوية نفسية وهذي من وجهة نظري : )