المــوت
 

ما اقدر اتخيل لحضه وحده أني بدخل في متر ونص وفي ضلام
كل ثانيه تمر بي أحس ان أجلي قرب ..
عمي توفا وحضرت وشفت بعيني كيف يقبرونه
واليوم جدي لازم اروح للمقبره ولاني قادر
فيني خووف في صدري مع كل نفس
البارح حضرت انا وامي بالعنايه المركزه وكان يحتضر
أختلفت موازين الحياه عندي صرت خايف من اي شي اسويه يمكن اموت
انا بجد خايف يا خواني خايف ولا ادري وش أسوي

انت ذاهب لأفضل حل لقتل الخوف

كان عندي نفس أعراضك وهي الخوف الشديد من الموت والقبر

ولم يكتسر معي هذا الخوف إلا بعد الذهاب للمقابر ثلات مرات

اكسر خوفك واذهب وربي معك

اهلي قاعدين ينادوني عشان احضرالعزاء وانا ماني قااادر ورب البيت مدري وش اسوي

ادري اخوي الشاكر بس المنظر هذا مر علي ودخلت في نوبه قرابه ال 4 اشهر خايف اروح وتجيني عقده من ثاني

تصدق يا اخي ميلاد اني حضرت عزاء واحد بحياتي و شفت ميت واحد الي هي جدتي الله يرحمها و يرحم موتى المسلمين

عندي خوف مرضي من الموت و رؤية الجثث

و كل ما يكون عزاء اتحجج باي شيئ عشان ما اروح الا بعد الدفن مشان ما اشوف الميت

و الى الان اعاني من هذه العقدة

و الناس تلومني و ما تفهمني

و انا ربي عالم بالضيق الي امر فيه كلما سمعت خبر وفاة شخص قريب

كل حياتي تهرب من هذه المواقف .. الى متى ؟؟ لا اعرف

حتى المقابر ما ادخلها الا نادرا .. اخاف اشوف قبر محفور و انهار

الله يرحم ضعفنا و يشفينا يا رب

أهلين أختي امل ً نفس الحال اليوم عيال خالتي يقولون ادخل المقبرة عيب عليك وانا يوم دخلت مغسله الأموات وشفته وطلعت ع طول وكلهم حطو علي مافيك خير وانا قسم بلله متالم اكثر منهم بس ماقوا اشوف القبر بس الحمد لله واسيت خالتي وخوالي كلهم ارتحت لان جأت وحده من خالتي بكت على صدري وبكيت معها وحسيت براحه ًً يالله انك ترحمه يااااااااارب

ربنا يزيل الهم عننا كلنا ان شاء الله

الله يرحمه و يرحم موتى المسلمين و يرحمنا برحمته يوم نصير الى ما هم عليه

يا اخي اشوفك اشجع مني

بما انك دخلت المغسلة و شفته هذا في حد ذاته انجاز

شوي شوي الواحد يتغلب على خوفه

الله يصبركم و ياجركم في مصيبتكم


و الله المستعان