|
الاعراض الانسحابية المزعجة للسيروكسات
الأعراض الانسحابية للسيروكسات ازعجتني
كنت اتناول كل يوم الحد الاقصى حبتين ونص مقدار 20 جرام يعني المجموع 50 جرام يومياً لمدة خمس سنوات المهم اول سنة ونص تركتها لمدة سنة وانتكست حالتي بالمرة خاصة بعد مرور سنة صار الرهاب اكثر من قبل استخدام السيروكسات رجعني الدكتور لها المهم ياخوان اتعبتني في التالي : 1- الرهاب لم يزول بالكلية 2- زيادة الوزن حيث انها تفتح الشهية بشكل رهيب لدرجة انني اكل وانا شبعان ولكن استمر بالاكل والوجبات اليومية قد تصل الى 5 وجبات 3- النوم الزايد احيان انام في اليوم 15 ساعة بدون مبالغة 4- تعيق العملية الجنسية بشكل شبيه بالعاجز عن الجنس الان تركتها وقطعتها مرة من حبتين ونص الى حبة ثم بعد اسبوع من ذلك صرت اتناولها كل يومين مرة حبة ومرة نص حبة الان صارلي ثلاث ايام ما تناولت منها شي والايام الي راحت جاتني اعراض مزعجة جداً منها الاحلام المزعجة تخيلوا انام 8 ساعات ويستمر معي الحلم كامل كانه مسلسل حتى اصحى بالاضافة الى دوخة وخفة بالراس وزغلله بالعين ونسيان مؤقت سؤالي الى متى ستستمر هذي الاعراض |
ايه دهـ محدش يرد ولاحاقة ياقماعة شوية رد شوية رحمة برضو
|
عزيزي رهابي كول انا متأكد ان السيروكسات ينفعك لكن المشكلة عندك بالجرعة، انا اطلعت على هذا الدواء خاصة في المواقع الاجنبية ولاحظت ان الجرعات فوق ال20مج بالعادة تكون فاشلة، وتسبب اعراض جانبية خمول ووزن وغيره مثل ما ذكرت، لكن إن شاء الله اذا نقصت الجرعة الى 20مج بتضبط امورك، بس تحتاج صبر للتخفيض،، يعني نقص 10 كل شهر الى ان توصل الى 20مج واستمر عليها وبتنجح إن شاء الله، لاتكون متهور وتقطع الدواء مرة وحدة! خليك عاقل واتبع التدرج علشان تتجنب الأعراض الإنسحابية، انا بديت استخدم السيروكسات من اسبوعين بجرعة 10مج وحاس بتحسن ملحوظ الحمدلله وناوي استمر على ال10 فقط بدون زيادة إلا اذا ما نجحت بعد 3 شهور يمكن ارفع الى 20 كحد اقصى،،، وانا على فكرة متواصل مع طبيب وموافق معاي، اتمنى لك التوفيق بإذن الله،، |
ياليت اخوي رهابي كوول تقول وشوالي تحسن عندك مع السيروكسات الاكتئاب ولا الرهاب لاني ماقد جربته
|
فيه طريقه اكتسبتها من خلال خبرتي بالعلاجات النفسيه
وهي اذا وقفت علاج بتدرج وحبيت افتك منه بسرعه اخذ علاج نفسي غيره لمدة كم يوم واتركه او كل ما حسيت بشي من الاعراض جربها يمكن تفيدك عندي سؤالين صغار هل فاد معاك السيروكسات بالرهاب ؟ الان بعد ما وقفته هل فيه تغيير ؟ |
اقتباس:
الي تحسن الآتي: انا معي اكتئاب بسيط وهو من مرفقات الرهاب وتحسن الاكتئاب عندي ويرتفع المزاج احيان بس الرهاب لم يزول بالكلية يعني خف بنسبة 40 بالمئة يعني مخليني مطمئن بس الجمعات الكبيرة ومقابلة الناس وتسليط الضوء لم تتحسن مساؤها بالنسبة لي قبل كم سنة تركتها في رمضان ورجع الرهاب قوياً بشكل تدرجي حتى رمضان العام التالي ثم انتكست انتكاسة (رجع الرهاب اقوى من قبل استخدام الدواء) بدل ماكنت اخاف من مجموعة ناس صرت اخاف حتى من شخص واحد تخيل نقطة مهمة : هذه تجربتي الشخصية وليس شرطاً أن تنطبق على أي شخص. سألت الاطباء المشهورين في عياداتهم الخاصة ليش ماتشخصون المرض زين بس تعطون السيروكسات للرهاب وتقولون للواحد توكل على الله كانت وكانوا يتهربون من الاجابة بحجة ان المرض بسيط والعلاج قوي ومن هالكلام واخر عيادة خاصة مريتها صاروا زي المنشار يقولون لي لازم علاج سلوكي كل اسبوع جلستين على الاقل والجلسة ب200 ريال والحسابة بتحسب ويعطيك من هالكلام الي كلنا عارفينه انه الاشخاص ماحياكلوك وانه زيك زيهم وووووووو بعدين تركت الجلسات صاروا يتصلون بي قلت اذا نمت فوق بنك خاص فيني افكر امر عليكم. |
اقتباس:
بالنسبة لسؤالك الاول ياليت تقرين جوابي الي فوق يااختي وسؤالك الثاني للأسف ماتغير شيء علماً اني جربت قبل السيروكسات وكلها لم تنفع معي شكل الرهاب متمسك فيني ويحبني |
اييييييييييييييييييييييييييييه الله يعين
|
| الساعة الآن 11:47 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا