سويت تحاليل طلع معاي الغده الدرقيه!!!
 

سويت تحاليل طلع معاي الغده الدرقيه وقال الدكتور احتمال كبير الخمول والكسل والضيقه والاكتئاب سببها الغده

وعطاني تحويل للمستشفى لاكن ابي اعرف هل المستوصفات فيها دكاتره حق الغدد الدرقيه لان قال الدكتور

لان فيك غده ماتستجيب كويس للعلاجات الي تاخذهم هل في احد يعرف عن هالموضوع شي ينورنا

اخوي تحتاج الى زيارة استشاري غدد وماتوقع راح تلقى في مستوصف ، الاغلب في المستشفيات ، ومادام طلع عندك مشكله في الغده قول الحمدلله لأن علاجها بسيط جداً وأغلب الشعب يعاني منها لاتخاف

والله اعرف واحد من اقاربي معاه كسل وخمول في الغده الدرقيه ويوم سألته عن اعراضه الي يعاني منها لقيتها متشابهه بدرجه كبيره من الأكتئاب ومن حسن حظه أن اول خطوه سواها راح لطب العضوي الخاص بالغدد يعني راح لطبيب الغده الدرقيه قبل الطب النفسي ويقول انه يستخدم حبوب على ما اعتقد وحاله ولله الحمد تمام وراحت الأعراض عنه عشان كذا أنت دام الأمر فيه شي يتعلق بالغده الدرقيه لا تتركه لين تعالج الموضوع هذا لعل يكون علاجك فيه ويغنيك بحوله وقوته عن العلاج النفسي

وذكرة سو تحليل لفتمين دال ترى ها الفتره دراسات تقول انه نقصه تسوي اكتئاب وساوس المهم شفه وشف موضوع الغدة الدرقيه الله يكتب لنا ولكم والجميع العافيه ولفوز برضاه يارب

وين تسوون تحاليل الغدة الدرقية عند اي دكتور ؟؟ وشو اسم التحليل بالضبط ؟

يعني اروح مستشفى بس اي دكمتور الي يعملها حق انف وحنجره او لازم خاص بالغدد الصماء وهل فعلا ممكن تكون سبب للاكئتاب والخمول وووووو؟؟؟

انت مشكلك في الدرقية ولا الصماء

الدرقيه فيها خمول وكسل حسب كلام الدكتور وهذا سبب عدم استجابتك للعلاج على كلامه

طيب توكل على الله وبداء في علاجها ونشاء الله يكون شفاؤك من جميع المشاكل النفسيه عن طريقها يارب

الحمدلله انها طلعت الغده الدرقيه

والله يا منتضر الفرحه اني اعرف حرمه كانت تعالج من الاكتئاب لمده اكثر من خمسه عشر سنه ...وهي من دواء نفسي الى دواء اخر

من شده الاكتئاب صارت ماتحب تشوف اي احد قدامها حتى عيالها وبناتها !! تخيل

المهم سوت تحليل عند دكتور وطلعت الغده الدرقية ...من يوم عالجتها رجعت زي ما كانت بالضبط

ان شاء الله انها بشاره الخير ...بس ياليتك لو تكملها مع تحليل فيتامين د علشان يطلع الوضع صح الصح

تمنياتي لك ولكل شخص بالشفاء العاجل

خمول في الغده يعني خمول عام وقلق وفقدان التركيز وبرودة الجسم والعلامه الفارقه زيادة الوزن
وطبعا التحليل بيحدد كم عندك نقص ، وسببه نقص اليود في الغده
اما نقص فتامين دال فهذاو حسب علمي يسبب اكتآب ما بعد الولاده للنساء فقط وكذلك سرطان الثدي عند النساء والله اعلم
وعلى فكره انا عندي نشاط بسيط في الغده الدرقيه وعندي اكتآب وهذا دليل على ان النقص ما ياثر لو كان بسيط
شافاك الله وعافاك

بس هل خمول الغده وكسلها يسبب اكتئاب شديد؟؟؟؟ انا ملاحض النوم كثير كل شي ملخبط فيني مو مستقر طيب علاجها يكون بادويه يعني الله يعطيك العافيه

فعلا انا ملاحظ خمول عام في الجسم ونوم زائد واكتئاب وتوتر وقلق وبلاوي متلتله الصبح بروح يسوون تحليل وتطلع النتيه ونشوف الوضع الله يسر الامور وقسم بالله تعبت من المعاناه

بحثت لك في النت ووجدت معلومات تفيد جدا وأعتقد أني أيضا أعاني من نفس المشكله سأقوم بإذن الله بإجراء التحاليل

علامات وأعراض قصور الغدة الدرقية:

إذا كان لديك قصور طفيف في نشاط الغدة الدرقية ، فقد لا تعاني أية أعراض.
ولكن عندما تظهر الأعراض، فإنها غالبآ ما تكون غير واضحة وتتقدم ببطء وتشمل الأعراض النمطية لهذا القصور هي:

- التعب والشعور بالخمود والإعياء.
- التبلد العقلي
- عدم تحمل البرد.
- الشعور بالكآبة أو خمول العواطف.
- الإمساك.
- الالام العضلية.
- جفاف الجلد أو تقشرة أو إنتفاخه.
- وخز في أصابع اليدين أو القدمين.
- نقص في تحمل المجهود الرياضي.
- الام في المفاصل.
- بحة الصوت.
- عدم إنتظام الدورة الشهرية.
- زيادة الوزن رغم ضعف الشهية.
- جفاف الشعر وتقصفه
- نبض ضعيف مع تورم في العنق.

اخي منتضر هل عالجت الغدة ؟؟ وكم استمر العلاج معك لان امي تعاني ؟ وهل يشفى الانسان ام يظل ياخد الدواء طول عمره ؟