هل انا مصاب بالرهاب؟؟؟؟
 

السلام عليكم ورحمة الله وبركاته شافانا الله واياكم من جميع الامراض الحقيقه مدري من وين ابدا هاذي اول مشاركه لي بالمنتدى انا عمري 22 سنه عاطل خلصت الثانويه بعدها ماعرفت وين ارووح ماني قادر افكر في مستقبلي ما اعرف ايش ابغى تصيبني الحيره ما اعرف افكر اشووف الناس تفكر احسن مني ودايم امشي على رايها ولما اكوون في موقف معين ما اعرف اتصرف ما اعرف اتجادل ولما ينتهي واكون لحالي اقوول لنفسي ليتني سويت كذا او كذا كلامي قليل اخاف اتكلم حتى قدام الناس في موضوع اخاف اذا تكلمت ارتبك واصير اتأتأ في الكلام وابدا اتعرق ودايم انسى دايم شارد الذهن بارد المشاعر لما اعصب او ازعل احس اني اتصنعها ما احب المشاكل او التدخل في اي شيء ماحب اواجه الناس حتى لو غلطو علي لاني ما اعرف اتكلم او ارد فدايم اتجنبها ما عندي ثقه بالنفس ماعمري فكرت اني مريض اوشيء قلت يمكن لما اتعرف على ناس جريئـه اتحسن بس انا ماني اجتماعي واخاف لما تجيني وظيفه او مقابله احس بضيقه اكره اقدم عليها وبالصدفه قرات عن الرهاب وجت كل العراض فيني ياحبيبي تورطنا ولقيت نفسي هنا فا مادري هل انا مصاب بالرهاب؟؟

بقولك شغله الرهابين مو كلهم بنفس الدرجه..بمعنى هم على درجات متفاوته فيه ناس رهابيه بنسبه بسيطه تكاد تدكر وناس بنسبه عاليه..
الرهابيين مشكلتهم الثقه بالنفس والسبب في الغالب مواقف ترسبت بالعقل الباطن..(سلبا)
انا اعتقد انك بحاجه لاستقرار (دراسي_وظيفي) لانك مشتت
وربما عندك نسبه من عدم الثقه بالنفس امرها عادي جدا بامكانك تطور نفسك تزيد ثقتك بنفسك بشكل تدريجي وتكون علاقات اجتماعيه اكثر (اهم شي لاتنطوي على نفسك لانه يزيد الامر سوء)
ممكن تكون رهابي بالمستقبل لو تستمر بالهوضع لانو الرهاب بالغالب ينمو مع عدم الثقه والانطواء..

ايوه نعم : لكن انت في البدايات فحاول تتعالج سلوكيا اي ببرنامج السلوكي المعرفي والبرامج الاخرى المشابهه
وتثقف نفسك بكل ما يخص هذا المرض حتى لا تقع في اخطاء تزيد من المشكله وتكون مساعده لك في العوده إلى طبيعتك