لي متى؟
 

السلام عليكم

قصتي بدت إصابتين بالعين وحاليا احس عندي وسواس واحس بخوف

والشعور ذبحني، أهملت عمري

ارتجف ، طبعا القرأن شفاء لكن بالصبر

ومع هذا في كل ساعه احس بخوف، تعبت اشتكي والناس تتذمر

ويمكن وايد منكم يحس بهالاحساس فكل واحد يكتب موضوع مستقل ومحرر ، يمكن يحس انه محد حاسي لشعوره، او يقول يمكن حد يكون

ويمكن ألقى الحل

وعقب الخوف اللي اعانيه اقول ليش اسوي بعمري هالشكل !

بس غصبا عني وأكيد لانه الشيطان يوسوس لنا

قلت خلني اقولكم أكثروا من الاستغفار او حتى جربوا تبتعدون عن المنتدى عشان ننسى اللي فينا

او نشغل عمرنا بشي ثاني ومانترك مجال للشيطان

او نكون في زحمة الناس

لأنه بعد ما أعاني يوم واحد ويطوف اليوم اقول لنفسي أنا شو استفدت الحين ؟ اخاف من الموت والحمدلله ماصار لي والموت حق، لكن ماعشت

لحظاتي بسعاده والسبب الوسواس

خلنا نشجع انفسنا ونشجع بعض مانتلتفت للشيطان

الله يشفي الجميع
هي لازم نطنش الموضوع
او نشغل عمرنا بشي غير التفكير

صح

خلاص لازم نفتن على عمرنا ونقول بس ، لي متى ?

كنت افكر اشوف فيديوات مضحكه ، صح انه لو اطلع ما احس بطعم شي وما احس بسعاده، حتى لو اكون بين الناس وهم مندمجين وانا اكون سرحانه

بس الحين قلت لااااااااااااااااااا. ابغي اتغير ، وان شاء الله بيصير ، والله ، الله رحيم بعباده، ادعوه بيستجيب لكم، ولو مب من اول مره، لأنه حاب يسمع

صوتكم، لكن الشيطان شو بيعطيكم غير الوسواس، وفوق هذا كله يتم يضحك علينا يوم نتم خايفين



بس حطوا في بالكم هالشي بتندمون على كل لحظه عشتوها في خوف وهو السبب

خلنا نكون اقوى ، قولوا في خاطركم دام الله ويايه محد يهمني ، الله اكبر