ما اعرف شو فيني ؟
 

الله يشفيج
نفس حالتي قبل ماكنت احس بعمري ولاشي
واحس اني بعالم ثاني
هاي كلة من اعراض الخوف والوسواس
تحسين راسج مشوش
لاتفكرين واقراي قران واستغفري

ياجماعة ارجوكوم كلكو ادخولو
صفحة الدكتور لعلاج أصحاب الوسواس ادخل واضغط لايك

http://www.facebook.com/gharaib

حبيبتي أنا ياني هالشعور ،، مب حاسه بشي وماعرف انا من، وحتى راسي احس به ينمل، واقول شو الفايده اعيش وكل شي اخاف منه، وعقب كل شي يكون تمام، واليوم الثاني عادي يرد لي نفس الشعور وأتم خايفه،

بس تبين الصدق أحاول اسيطر على هالشي، لأنه الكل مل مني ولحد يحس ، يفتكرون إني أبالغ بكل شي أحس به ، فقررت إني أكون قويه، واتعوذ من الشيطان، وأخلي اي حد يطلعني من البيت أو اندمج مع ناس يضحكون، عسب أنسى

مابقولج نسيت 100% حتى وانا وياهم اكون خايفه وأوسوس بس بدرجة أخف بوايد عن يوم أكون روحي .. قمت أقول الواحد يوم بيموت كل واحد بيتحاسب عن أعماله، فليش أنا اشل هم شي في المجهول ، ويومي يكون في حزن

الناس عايشه حياتها وانا اخرب على عمري ... فكري بطريقه ايجابيه، بحيث تنظرين الحياة من زاوية حلوة ، فيها أشياء ممتعه، والله خلقنا عشان نعبده، والله يا اختي فكري إنه محد بيساعدني وبيحميني وبيحس فيّه غير الله اللي خلقني

اتوكلي عليه في كل شي والاعراض بتخف عنج ... هيه نعم توكلي على الله، قولي في نفسج حسبي الله ونعم الوكيل، وأفوض أمري إلى الله ، صدقيني بترتاحين، قولي من شو أخاف دام الله خالقني ... كله يباله تدريب وإن شاء الله تكونين بخير

ومافيج إلا العافيه

لاتتمرضو فتمرضووووووو