دخول للموضفين والي يدرسون
 

انا ابي اعرف كيف تروحون لللعمل والدراسه يعني ماتحسوا بالمزاج نازل ماتحسوا تشوفوا الناس سعيده وعايشه طبيعي وانتوا الكابه فيكم

ثانيا كيف النوم معاكم هل تصحون طبيعي لان الي اعرفه ان الادويه تزيد من النوم يني ماسبب لكم حرج هذا الشي

انا توضفت مرتين وماقدرت استمر لان اشوف كل من حولي طبيعين الا انا فقط انا تعبت نفسيتي تحملت تحملت ماقدرت

قلت اول لازم مزاجي ونفسيتي تتعدل عشان اعمل اما كذا ماقدر وانا دايم اقارن بكل محل اسوي مقارنه بيني وبين الموجودين واطلع انا ولا شي بينهم وهذي حقيقه

يعني هم مايتشكون مزاجهم ممتاز انا دايم التشكي ومزاجي نااااازل ابي مزاجي يكون ثابت

طبعا النوم عندي زاااايد فوق 12 ساعه سلامات سويت حجامه بضهر بس ومافادت مادري اسوي بالراس احسن

وابي يكون مزاجي ثابت كيف ياجماعه الخير يعني اصبر على الدواء

اخوي ناقش مع دكتورك دواء لامكيتال انا بس ابي اعرف كيف نظام الاجازات المرضية لمريض الاكتئاب هل تقبل او لا وكيف

انصحك بعلاج ( باروكسات )

اول كنت مثلك وما اقدر اختلط مع احد ومزاجي متعكر

الحين افضل مدرس بالمدرسة أنا ولله الحمد

يكتب لك الدكتور قولون عصبي افضل من ان يشخص المرض بالورقة ..

نديم انا اتعالج عند دكتور نفسي وش دخل القولون واذا تعبت شهر كامل وابي اجازة وش يكتب قولون يعني وضح

اخي منتضر الفرحه انا اللي خلاني ازور طبيب نفسي هو ان الاكتئاب وصل لمرحله اني ما اروح الدوام
الصباح كان اكثر وقت احس فيه باليأس والدوام كان هم على قلبي
خفت انفصل وخفت اعيد السنه هالتفكير سبب لي قلق مع الاكتئاب
الان مع الادويه الحمدلله ابى بس اطلع من البيت
صارت جلسه البيت تضيق خلقي
والحمدلله متحمسه للدوام لكن شويه اعاني مع الدراسه خاصه اني بدون اكتئاب هالفتره وابي بس اسوي الشغلات اللي تونسني
وبالنسبه للنوم انا الوضع اعظم منك امس الجمعه بس اربع ساعات صاحيه وباقي اليوم كله نايمه حتى اهلي يقولون لازم تروحي تحللي اكيد عندك شي غلط والله مو طبيعي الواحد ينام هالكثر بس وش يسوي الواحد على الله
الادويه مثل مالها ايجابيات لها سلبيات والنوم مقدور عليه اهم شي نفسيتك تكون كويسه
اخي انت تشكي من اكتئاب ولا ثنائي القطب ؟
انا اشكي من اكتئاب والدكتور وصف لي مع الرميرون بروزاك يقول ان البروزاك منشط عشان يعادل تاثير الريميرون المنوم
بس بصراحه ماحاسه انه ينشطني بالعكس كله نايمه

الله يشفينا وياك اخي منتضر ولا تيأس ولاتقطع الادويه

الله يوفق الجميع

منتظر الفرحة انا على بروزاك وابدا ما احس بخمول وكسل مثل اللي كنت احس فيه لما كنت اخذ سيبرالكس ,, هذا التغير ملحوظ بالنسبة لي مادري اذا انت جربت بروزاك لكن من ناحية الاكتئاب والقلق ما فادني وناوي ازيد الجرعة .

اش دخل لاميكتال هذا حق ثناي القطبيه وانا علاجي الي اخذه حاليا انفرانيل 100 ويوم ضفت حبه لاميكتال قلب مزاجي وكرهت كل شي

باروكسات قصدك سيروكسات نفسه طيب كيف بديت فيه وكم كانت الجرعه ومتى صار التغيير ياليت تخبرني

الريميرون اذكر خذته مره مع سبراليكس والله نومني نومه الكهف ههههههه بس حسب ماقريت انه كويس انا اشتكي من اكتئاب شديد جدااااا كله حزين حزن هم انظواء سلبيه

اي زيدها الجرعه العلاجيه 40 ووقات تكون 60

وين ردودككم يلي رديت عليكم

كثرة النوم من الريمورول اكيد بتاخذ جرعه 30 حاول تنقصها الي 15

الولبوترين او البروزاك (خصوص في جرعة عالية ) قديساعداك في حل هذه المشكلة..افضل لك الولبوترين..

اللامكتال يستخدم ايضا كدواء مساعد لأدوية الاكتئاب..انا نفسي استخدمه و قد حسن من حالي جزئيا..وارغب في زيادة الجرعة ..