مستشفى الامل بالرياض ارجوكم
 

اخواني ارجوا مساعدتي لاني ابي افتح ملف في المستشفى لان انا اراجع في عيادة خاصة ومكلفة جدا لان وضعي المادي ضعيف بس عندي استفسارات 1- هل يفتحون الملف في نفس اليوم او لازم موعد ومتى ادخل على الدكتور2- الدكاترة هل هم سعوديين او اجانب ومن الافضل منهم 3-هل جميع الادوية تصرف من عندهم او برى 4- نظامهم في الاجازات المرضية هل يعطون وكم المدة وهل هي معتمدة 5-موقع المستشفى وين الله يجزاكم خير ويفرج الله كربتكم

بعني مافية احد يتعالج با مستشفى الامل

اخوي الي اعرفه ان مستشفى الامل
بحي الخزامى شمال الرياض
انت روح وجرب تفتح عندهم ملف

السلام عليكم ورحمة الله وبركاته
هل يفتحون الملف في نفس اليوم
نعم يفتحون موعد في نفس اليوم بس رح عن طريق الطوارئ
الدكاترة هل هم سعوديين او اجانب
أجانب وسعوديين قليل يمكن واحد أو ثنين على ما أتوقع
ومن الافضل منه
والله يوم سألت عن الأفضل في المستشفى محدد حدد لي كلهم يقلون معليهم
هل جميع الادوية تصرف من عندهم او بر
الأدويه من نفس صيدلية المستشفى وبالمجان أهم شي يكون لك ملف عندهم
نظامهم في الاجازات المرضية هل يعطون وكم المدة وهل هي معتمدة
اعتقد يعطون مثل أي مستشفى حكومي وبالعكس الحكومي تعتمد إجازته أكثر من الخاص
-موقع المستشفى وين الله يجزاكم خير ويفرج الله كربتكم
بعد جامعة الملك سعود وكأنك رايح لدرعيه أول اشارة بعد جامعة الملك سعود ديور معها تجيك ارض كبيره على يديك اليمين بعدها لف يمين يصير المستشفى على يدك اليمين
اسأل الله أن يسهل علينا وعليك طريقك الشفاء وطريقك الجنة

هلا اخوي المهموم

اخوي انا اتعالج عندهم واي استفسار اقدر اجاوب عليه ما راح اقصر


بالنسبة لفتح الملف انا جبت تحويل من مستوصف الحي الحكومي وتم فتح ملف لي في نفس اليوم وتحدد موعد عند طبيب ز

الاطباء والممرضين اجانب وسعوديين .

الادوية من نفس المستشفى من عند الصيدلية بعد ما يكشف عليك الطبيب يعطيك الوصفة وتروح للصيدلية ويعطونك الادوية ويعطونك موعد جديد تراجع الطبيب فيه .

الاجازات نعم يعطوني بس حسب الحالة واهي معتمدة من الدولة لان المستشفى حكومي

موقع المستشفى بجوار جامعة الملك سعود

في مخرج عرقة بس ما عرف اوصف زين

انا طريقتى معه اعالج عند دكتور سعودي في عيادة خاصة وراجع مستشفى الامل بس ما اعلمهم عشان بس يصرفون لي الادوية لانها غالية

تروح الطواري وتفتح ملف والامور سهالات وافضلك بدال الخاص فلوس وادويه غاليه

الله يجزاكم خير ماقصرتوا طيب كيف وضع الاجازات الحين اعاني من اكتئاب مزمن ورهاب اجتماعي ومريض الاكتئاب تجيه ايام يتعب فيها ولايقدر يداوم يعني مو مثل الامراض الاخرى تتعب يومين وتتشافى وتداوم عادي ياخوان المريض النفسي يجية يوم يتعب ويوم يتعافى ثم يمرض اتوقع الصورة واضحة شكلي هههه ضعيف في التعبير اتمنى توضحون الصورة

للرفع نبي توضيح ونبي نعرف كيف وضعكم في العمل الوظيفي وكيف تتصرفووون مع النكسات من الاكتئاب

للرفع شاركوا

انت ايش وضيفتك وكم لك متوضف وكيف الوضع عندك بدوام