هل اللي يحصلي عادي جاوبوني تكفون
 

انا كنت اعاني من نوبات الهلع قبل كم سنه وتعالجت الحمدلله بعد استخدامي للأفيكسر اكس ار بمتابعة الطبيب ووقفته بعد فتره حوالي السنه والحمدلله مرتاح وصارلي 9 شهور من تركته تقريباً
ولكن من اسبوعين بدت تجيني حالات مقاربه للي كانت تجيني من اول بس المره ذي زاد عدم التوازن
وبعد الفحوصات كل شي تمام طرحت موضوع هنا واجابني فيه د. رعد الله ييسر امره
وقدرت اوصل للطبيبه اللي كانت تعالجني وقالت نفس كلام الدكتور رعد ابتدي بالتدريج في الافيكسور اكس ار واخذت امس حبه 75 واليوم احس الاعراض زادت وصداع وعدم تركيز وضغطي مرتفع شوي وخوف ورعب ذبحني
هل الشي ذا طبيعي

هلا ابو عبدالهادي
اي طبيعي الي تمر فيه اصبر ولا تقطع العلاج واذا زادت عندك الاعراض اخذ لك مهدئ

يعطيك الف عافيه يابو هلع
لاني في وضع غبي صراحه عدم التوازن والبروده ذي الي تجيني زي الهجمه مرعبتني
ولاني عارف الضغط المرتفع من التوتر ولا من ايش

والله انك صادق انا الحين موقف العلاج صار لي اكثر من 10 شهور والحين تجيني اعراض رجفه وعدم اتزان مع اختلال الانيه ومرات كتمه وشكلي راح ارجع للعلاج لكن كل يوم اقول باجل سالفه العلاج بحاول اتغلب بدونه بس شكل مافي فايده غير نرجع له والله يعينا ياارب

الضغط اعتقد من التوتر لان طبيعي اذا كان الشخص قلق ومتوتر بيرتفع ضغطه

الله لا يهينك يا ابو هلع تسلم على مشاركتك معي خففت علي الله يخفف عليك ويعينا وياك وكل مسلم يارب